Daniela 3:18 - Iaai Bible 1901 (New Caledonia)

¹⁸ Ke so bi a ne ba, me wâhmakhmetoâ ju than a ohmun e ca he ka bi athnyaba je khongom, me khudrung ka hnatheat gol u je otilâ.

Daniela 3:18 Iomraidhean Croise

I. Je Than 19:14

Haingen, ka habe, Inya oge me ciâ ga Iehova Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ degecâ ânyâm je taben hut, me hlingâ ânyâm je perofeta ge hele vat; ke haba inya thiju kolon; ke ödrin e elâm anyik möt he ka ohiâ e.

I. Je Than 19:18

Ke so bi oge me he ka hna biju gak hnyi Isaraela seven thauzan tavat adre me ca cibouca kö Baala, me je hnyem hia adre ca ûcimhnyimak më.

Jobu 13:15

Eja ke ne a ne hlingö nya, oge me he ka halubahingen: Ke so bi oge me he ka haisoâ dek je gethen hnyi hnyimakan.

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Levitiko 19:4

Ca saû öbun ka je idola, ke ca he ka bi khongubun adre oköiöâ: Inya Iehova Khongubun.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 10:39

Haba at ame wâ anyin möt, me ame he ka ohia e; ke haba at ame ohia anyin möt can inya, me ame he ka wâ e.

Mataio 16:2

Me e ame thu kodra, ka habe, Hnyi sahac öbun e ha, ka habe, Ame he ka so drany: anyin ae dra drany.

Ta je huliwa 4:19

Ke haba Peteru me Ioane ödru me thu ködrin, ka habe, Ûnykûme ju öbun ame ne wisa hnyi hnyimakan Khong he ka ling öbun, ame ne he ka long Khong:

Heberu 11:25

ke ame weny he ka tha hom okongon me lakeiny Khong, hon he ka senyinâ monu ame he ka ie hia;

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.

Hna Omanenâ 12:11

Ke adre me hwege hon ûnyi ge dren Arenio, me hofuc adre me ohnatho; ke adre me ca hnyokâ anyidra möt ke ne o but mok.