Daniela 3:17 - Iaai Bible 1901 (New Caledonia)

¹⁷ A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 3:17 Iomraidhean Croise

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 18:14

Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Salamo 115:3

Ke ethö hnyi drany Khonguta: A hia but ânyâ hia hnen hna weny.

Salamo 37:39

Ke haba ûhomeli anyin tavat ae wisa, me ûnyi ga Iehova; E thibi tang hwegiödra hnyi ûen vec.

Salamo 37:40

Ke Iehova ame hadruʼ ödra, me hûgûnʼ ödra: E ame hûgûnʼ ödra ûnyi ge tavat ae kong, me omeli ödra, Anyin adre me lubaduöng unyin.

Salamo 73:20

Helâ me man bwi e ka hmak dö at, Helâe, Than lö, u ka hmak dö, u me be ka ikiki ge hmenudra.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 54:14

Adre me he ka otethmö u hnyi hwakecin ae wisa: me u me he ka laba sâkâu ge seda, anyin u me ca he ka ot; me laba sâkâû me öbubuny, anyin a e ame ca he bi ka o köu.

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Jeremia 15:20

Ke oge me he ka wiö u ka tavat ang hnân hak bras ae hwege; ke adre me he ka vat möu, ke ame ca he ka tudra: anyin a tha inya möu he ka tuö u, me omeli u, haingö Iehova.

Jeremia 15:21

Ke oge me he ka hûgûnö u ûnyi hnyi hnyamen tavat ae kong, ke oge, me he ka ûco melam ûnyi hnyi hnyamen tavat a ödra wathethot.

Daniela 3:26

Me haba Nebukaneza ame hakekeny ka hnyi hnyimen thop ae möt hnyin meic, me ha, ka habe, E, Saderaka, me Mesaka, me Abedenego, je athnyabainy Khong ae Beönua, ai öbun, kâ âng. Me ame didrut Saderaka, me Mesaka, me Abedenego ûnyi hnyi hnyin meic.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Daniela 6:16

Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Daniela 6:23

Me haba than ame senyin gan hmâ, me ûkhûnöng he ka öû Daniela ûnyi hnyi thop. Me adre me öû Daniela ûnyi hnyi thop, ke ba aat adre me wâ gan, anyin a e ame labageju ka Khongon.

Daniela 6:27

e ame omelo, ke hûgûnâ, kʼ ame ânyâ je haten ke je ûnyi hnân lâiâ ethö hnyi drany, ke eang hmelen; at ame omeli Daniela ûnyi ge maniny je liona.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Luka 1:37

Anyin ae ba hofuc ûnyi ge Khong ame he ka ba maniny.

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 21:13

Haba Paulo ame thu me ha, ka habe, Ieû gabun öbun e tenge me ohluhluâ hnyekuk? anyin a oge hia but penapena, ca ka hnyi ûceat thibi, ke so minya he ka mok hnyi Jerusalema can iö Iesu a Than.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

II. Korinito 1:10

wale at ame omeli öhmun ûnyi hnyi mok ae gan helâe, kʼ ame he bi ka omeli öhmun: ke öhmun e geju kâu a gʼ ame be bala ka omeli öhmun;

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

I. Samuela 17:37

Ke ame ha Davita, ka habe, haba Iehova at ame omeli nya ûnyi hnyi benyin liona me bea, me e ame he ka omeli nya ûnyi hnyi hnyamen at Filisiti eling. Ke haingö Saulo, ka habe, he thö, kʼ ame he Iehova ka tha e mou.

I. Samuela 17:46

Ame he Iehova ka hnö u ka hnyi hnyamok hnyi bong ang; ke oge me he ka kuc u me subâ degecâ bâm; ke oge me he ka ham unyin je utbavat anyin at Filisiti ka omeno ame gâ, me omeno a binyin hmeledrany hnyi bong ang; me me he hmeledrany hia ka wâhmakhmeto a e bi Khong unyin at Isaraela: