Daniela 2:48 - Iaai Bible 1901 (New Caledonia)

⁴⁸ Me haba than ame ogöranyi Daniela, me ham kâu je bwihlany ae gan, me otilâ e he ka muso hnyei Babulona hia, me wia e me taben ae beönua hon tavat ae metâ hia hnyi Babulona.

Daniela 2:48 Iomraidhean Croise

II. Samuela 19:32

Ke ti hingat ut Bazilai, eite je hunainy: ke e ame hia but han than kʼ ame tiga laba hnyi Mahanaima; anyin a e at ae ti ûnyi hnathu.

II. Je Than 5:1

HABA Naamana a taben vat anyin than Suria, me e at ae gan unyin tuhan, kʼ adre me ogânâ, anyin a Iehova ame omelö at Suria a deny e; ke e at ae hwege, ke lepera bi.

Jobu 1:3

Ke haba haleny omeno me seven thauzan je mamoe, ke theri thauzan je kamela, ke faiv haded je ûcû lo bolok, ke faiv haded je asina momo, ke ti se hia lathnyabainy; me me beönua at eling hon tavat hia aten e deiö.

Jeremia 5:5

oge me he ka he ka tavat ae ûnyi hnathu, me fuc kodra; anyin ae khanʼ ödra gethen de Iehova, me hna owisa hnen Khongudrin. Ke haba tavat ang adre hia but tha thamuâ hnaûhûkâlâköuâ, me thu je wen.

Daniela 2:6

Ke so bi öbun e ne he ka omanenâ bwi me bongon e, awe, öbun e he ka hu ûnyi gak je bwihlany me hwaban, kʼ adre me he ka ogânʼ öbun: anyin a wale omanenâ thö könya bwi me bongon e.

Daniela 3:1

HABA Nebukaneza than ame ânyâ hnatheat gol, ke sikste kubit ibeûen goranyai, ke siks ta kubit ûlauen: me e ame otilâ e hnyi dok ae tha hon hnyi Dura, hnyi hnyei Babulona.

Daniela 3:12

Wale keihen at Juda u je hia but otilâ hon ta je ûnyi hnyi hnyei Babulona, jia Sadereka, ke Mesaka, ke Abedenego; haba hnyat eling, than lö, ödrin e ca long köu: ödrin e ca bi I athnyaba ka ânyâm je khong, me khudrung ka hnatheat gol u je otilâ.

Daniela 3:30

Haba than ame ogö-ranyi Saderaka, me Mesaka, me Abedenego, hnyi hnyei Babulona.

Daniela 4:6

Anyin a wale oge me otilâ hnanyibu he ka hom könya tavat metâ hia hnyi Babulona, me me hamödra he ka omanenâ bongon bwi.

Daniela 4:9

Beletisaza lö, tuhan je magoi, e khanö nya but a e unyâm hanon je khong ae kap, ke ba ke ûnyi ae iyong ae hmak köu, anyin a wale ha thö könya hna wâ hnyi bwik waleji oge me bwo, me bongon e.

Daniela 5:11

e hu ke at hnyi dokhom dokhu a e unyin hanon je khong ae kap; ke haba hnyi ûen kamâm, me adre me wâ unyin melam, ke wâ ûnykûme, ke metâ, helâ me metâ anyin je khong: ke haba Nebukaneza than a kamâm, wale than a kamâm bi, me e ame otilâ e hnân taben ka ta je magoi, ke tavat bihihwakecin, ke at Kaledaia, ke tavat tren khong;

Daniela 5:16

Ke oge me löng gam a e khanö u he ka omanenâ bongon, me thang ta ja vhet: ke walang a ne khanö u he ka aû hna sihnalimen, me omanenâ könya bongon, me adre me he ka okhaûo u ge ûkhaû ae udrudrâ hlit, me ovhekinyi u ge sawakiny gol, ke u me he ka at a kuniny bi unyin je musi hnyi dökhu.

Daniela 5:29

Me haba Belesaza ame hûna, me adre me okhaûo Daniela ge ûkhaû ae udrudrâ hlit, me ovhekinyâ e ge sawakiny gol, me haimemenâ gan a e ame he ka at musi a kuniny bi hnyi dokhu.

Daniela 5:7

Haba than ame ha hwegiâ he ka hom tavat bihihwakecin, me at Kaledaia, me tavat tren khong. Ke than ame ha ka tavat metâ hnyi Babulona, ka habe, Haba at ama aû hna sihnalimen ang, me omanenâ könya bongon e, me adre me he ka okhavâ ge ûkhaû ae udrudrâ hlit, ke ovhekinyâ ge sawakiny gol, ke e ame he ka tot me at a kuniny unyin je musi hnyi dokhu.

Daniela 8:27

Ke inya Daniela oge me ta hnyikânâi me mok hnyi ke je bong; me oge me todrö me mâdrâ huliwa anyin than: ke oge me lâiâ hna omanenâ, ke ba at ame wâ ûnykûme.

Numera 24:11

Ke walang ang kec dö ka hnyi em hnyei: oge me ûnykûme he ka oganö u, ke wâ bi, Iehova ame behânâ gam hna ogânâ.

I. Samuela 17:25

Me ame ha at Isaraela, ka habe, Öbun e wâ at eang ame o? ame o he ka humbasö at Isaraela: ke haba at ame he ka hlingâ, me ame he than ka otenâ gan hmâ omjeû, me ham kâu nokon hlu, ke adre me he ka hna gufa lap anyin kamen hnyi Isaraela.

I. Samuela 2:8

E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.

I. Samuela 25:2

Ke e hu ke at hnyi Maon, ae tren ta ûnyi hnyi Karemela; e bi at ae ûnyi hnathu, ke kun ta thauzan haleny je mamoe, ke khaca thauzan je got: ke e ame tiga subâ leûnen halen je mamoe hnyi Karemela.