Biblia Todo Logo
Bìoball air-loidhne

- Sanasan -




Daniela 2:47 - Iaai Bible 1901 (New Caledonia)

47 Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Faic an caibideil Dèan lethbhreac




Daniela 2:47
34 Iomraidhean Croise  

Ke Farao ame ha kö Josefa, ka habe, E ba at ae hu oûnykûminy me metâ helâ möu, anyin a hia but Khong omanenâ köu ta je ûnyi hia e:


Me e ame hmetu ka aten Khong, e me anyin bunyen hia, me o, me tot hnyi hnyimakan: ke e ame ha, ka habe, Wâ bi, oge me wâ ju walang ang, ae ba Khong hnyi hmeledrany hia, ke hnyi Isaraela thibi: ke walang ang ö u hom dö bwihlany gak a athnyabaem.


E ame lelö but tavat bihut adre hia but söh, Kʼ ame hagutâ tavat ae hwege.


Oleâ ju ka Khongon ta je khong: Anyin a nyiele balua anyin ibetengiö.


Oleâ ju ka Tuhan ta je than: Anyin a nyiele balua anyin ibetengiö.


E ke, ame he je than hia thithö ka ta ju hnyikânâi kâu: Kʼ ame he ta je hnyei hia ka bi athnyabainy.


KHONG ame tot hnyi ûkhacaköu anyin Khong; E ame owisa hnyi wanben ta je khong.


Anyin ae gan hmâ Iehova, me hnân olungâ göranyai; E bi hnân outen hon ta je khong hia thithö.


Anyin a walang hna ha hnen Than Iehova, ka habe, Wâ bi, oge me he ka oi Nebukaneza than Babulona ûheny hnyi hwadro, a tuhan je than, tha e me je hors, ke je kariota, ke tavat tabö hors, ke deö at, ke tavat ae se hia, ka Turo.


Ke ame he than ka ânyâ hoton weny; ke e ame he ka ogânâ e bi, me ogöranyâ e bi hon ta je khong hia, me ha ta je ûnyi hnân outen ge Khongon ta je khong: ke e ame he ka sot ke ne o but ame hwâdâ but hmonyin; anyin adre me he ka ânyâ hna mou hnyok ka hnyin.


Me adre me omanenâ kö Daniela hnyi hna omanenâ huyi lit ûnyi eling ae iyong. Me haba Daniela ame haisoâ Khongon drany.


e ame omanenâ je ûnyi ae dit ke iyong: e khana ta je ûnyi hnyi menekholom, ke ame tha laba mö lany.


ke so bi, e hu Khong hnyi drany at ame omanenâ ta je ûnyi ae iyong, me e ame hia but thumetu u Nebukaneza than, ta je ûnyi ame he ka o nyiele. Walang bwem ke ûnyi eji u je wâ hon hnâm hna mokut:


haba u, than lö, ame o but hnâm je hna ûnykûme hon hnâm hna mokut, wale ta je ûnyi ame he ka o nyiele: ke haba at ame omanenâ ta je ûnyi ae iyong ame thumetu u ge ta je ûnyi ame he ka o.


Ke haba inya, me adre me ca omanenâ könya ûnyi ang ae iyong can a iny metâ hon tavat hia ae möt, ke so bi hnân omanenâ bongon ka than, me me khanö u thö je ûnykûmenen hnyekom.


U than lö, thaniny ta je than, ke Khongon drany ame ham köu dokhu, me man, me tang hwege, me hmanenang;


Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?


Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.


Anyin a wale oge me otilâ hnanyibu, a haba tavat hia, me ta je hnyei, me je ve hwen hnyei, adre ne he ka ha ûnyi ae kong ge Khongu Saderaka, me Mesaka, me Abedenego, me adre me he ka subâ omomonu ödra, me wia umödrin je uma hnân digic thatûnyi: anyin ae ba ke khong ae khana he ka ûhomeli helâe.


Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.


a adre me he ka obö u unyin tavat, ke u me he ka tha laba me je menoiny hnyot, ke u me he ka han önying helâ me bolok, ke u me he ka kubet ge dân hau ûnyi hnyi drany, kʼ ame he ka seven je ûâm; ke ne o but ame khanö u thö a gʼ ame musi At ae Beönua hnyi dokhu dokhon tavat, kʼ ame ham e ka hnen hna weny kâu.


Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.


e hu ke at hnyi dokhom dokhu a e unyin hanon je khong ae kap; ke haba hnyi ûen kamâm, me adre me wâ unyin melam, ke wâ ûnykûme, ke metâ, helâ me metâ anyin je khong: ke haba Nebukaneza than a kamâm, wale than a kamâm bi, me e ame otilâ e hnân taben ka ta je magoi, ke tavat bihihwakecin, ke at Kaledaia, ke tavat tren khong;


E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.


adre omanenâ ta je ûnyi ae iyong hnyi hnyekon; me e ame he ka ta ju hnyimanan hnyikânâi me khudrung ka Khong me ha, ka habe, e hnathu e unyibun Khong.


Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.


ke e ame he ka omanenâ e hnyi anyin bi ta je ûen, a e thibi Than a khaca ae tren hnahic, a Tuhan ta je than, ke Taben ta je taben;


Haba Iehova Khongon ta je khong, Iehova Khongon ta je khong, me e at ame wâhmakhmetoâ, ke ame he at Isaraela ka wâhmakhmetoâ bi; a gʼ adre ne ânyâ ûnyi hnyi khikhin, ke ame ne ûnyi hnyi hwakecin ae kong kö Iehova, (ca he ka omeli öhmun hnyi bong ang,)


me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;


Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.


Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.


Lean sinn:

Sanasan


Sanasan