Daniela 2:45 - Iaai Bible 1901 (New Caledonia)

⁴⁵ Anyin a u je wâ a gʼ adre sö veto ûnyi hnyi bucen, ke ca hnen hnyam, me e ame kot omomono fao, me bras, me kânâ ae kece, me sileva, me gol; haba Khong ae gan ame omanenâ ka than ta je ûnyi ame he ka o nyiele: ke e hnathu bwi, ke hmâ bi hna ha bongon.

Daniela 2:45 Iomraidhean Croise

Genese 41:26

Haba je kau a seven ae so, me wale seven ta huna; ke haba je wan hwit a seven ae, me wale seven ta huna: khaca thibi ang bwi.

Genese 41:28

Wale ûnyi oge me ha kö Farao, ka habe, Khong ame hia but omanenâ kö Farao hnen hna he ka ânyâ.

Genese 41:32

Ke Farao ame olo bo, waleling me me he Khong ka ohmâ ûnyi e, kʼ ame ie he Khong ka ohwâdâ.

II. Samuela 7:22

Anyin a wale u gan Iehova Khong: anyin ae ba at ae ûcû möu, ke ba ju ke Khong, ke hake u thibi, helâ me hnöhmun hna long ge je hnyikönyöhmun.

I. Man Ûlabainy Je Than. 16:25

Anyin ae gan hmâ Iehova, me hnân he ka ti ogânâ: Ke hnân minya outen hon ta je khong hia.

Nehemia 4:14

Me oge me wâ, me tot, me ha ka je than me hnyat musi, me je kolon tavat, ka habe, Ca he öbun ka outʼ odrin: ûnykûme ju ka Than, at ae gan me hnân outen, ke he thʼ öbun ka vat hobi kâu je liamekeiny möbun, me lakubun obaga me wahlu, me laöiöbun me umöbun je uma.

Nehemia 9:32

Ke walang ang Khonguhmun lö, at ae gan, ke at ae hwege, a Khong hnân outen, at ame tuö ûhihinyköu me ibetengiö, e na ca he ka ûnyi baû hnyi hnyimâkâm ta je vec hia ame o kohmun, ka latuhöhmun, me anyihmun je than, me tavat bihut unyihmun, me anyihmun je perofeta, me lakamöhmun, me lakem hia, hwân hnyi bong bongon je than Asuria ke ne o but hnyi bong ang.

Jobu 36:26

Wâ bi, e gan hmâ Khong, kʼ ate me ca wâhmakhmeto e; Ke ca hnân elâm ûseiny je hunainy.

Salamo 135:5

Anyin ae khanö nya a e gan hmi Iehova, Kʼ ame beönua Tuhöta hon ta je khong hia.

Salamo 145:3

E gan hmâ Iehova, me hnân ti ogânâ; Ke ca hnân elâm ûganiny.

Salamo 2:9

U ma he ka thamûʼ ödra ge uci a fao; Me sa omomonu ödra helâ me utkaia adre op.

Salamo 48:1

E GAN hmâ Iehova, a hnân ti ogânâ, Hnyi taun anyin Khonguta, a anyin bucen ae kap.

Salamo 96:4

Anyin ae gan hmâ Iehova, me hnân olungâ göranyai; E bi hnân outen hon ta je khong hia thithö.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Daniela 2:24

Anyin a wale Daniela ame he kö Arioka, wale a kunâ than he ka hlingâ tavat ae metâ hnyi Babulona: e ame he me ha kâu, ka habe, Ca he ka hlingâ tavat ae metâ hnyi Babulona: hum nya thö ka hnyi hnyimakan than, me oge me he ka omanena bongon ka than.

Daniela 2:28

ke so bi, e hu Khong hnyi drany at ame omanenâ ta je ûnyi ae iyong, me e ame hia but thumetu u Nebukaneza than, ta je ûnyi ame he ka o nyiele. Walang bwem ke ûnyi eji u je wâ hon hnâm hna mokut:

Daniela 2:29

haba u, than lö, ame o but hnâm je hna ûnykûme hon hnâm hna mokut, wale ta je ûnyi ame he ka o nyiele: ke haba at ame omanenâ ta je ûnyi ae iyong ame thumetu u ge ta je ûnyi ame he ka o.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 8:25

Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Hagai 2:22

ke oge me he ka ohnyimenâ hnyikânâi je theroniny je dökhu, me ohia tang hwegien je dökhuiny je hnyei; ke oge me he ka ohnyimenâ hnyikânâi je kariota me tavat adre me tabâ, ke ame he ka ta je hors me tavat adre me tabâ, ge hele vat anyin je liamekeiny mödra.

Zakaria 12:3

Ke hnyi ûen eling oge me he ka wia Jerusalema hnân veto ae hmak ka tavat hia; haba tavat adre me ka kap goranyai, me adre me he ka aat bi; ke ame he ka ûkhacaköu ûcon ta je hnyeiny hia hmeledrany.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 21:24

Haba Iesu ame thu me ha ködrin, ka habe, Oge me he bi nya ka hnei öbun ge ke hofuc, ke öbun ka thu thö könya, me oge me he ka ha köbun musi oge me ânyâ hnyin ta je ûnyi e.

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

Luka 17:20

Ke a hia but ta je Faresaio hnö e ge ûen ame he ka o hnyin dokhu dokhon Khong, me e ame thu ködrin, ka habe, A ca e bi dokhu dokhon Khong me hnân wâ:

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

Hna Omanenâ 1:19

Anyin a wale sihnalimen ju ta je ûnyi eji u me wâ, me ta je ûnyi walang ang, me ta je ûnyi ame he ka o nyiele;

Hna Omanenâ 19:17

Ke oge me wâ ke angela ame tot hnyi seûno; ke e ame ha ge hwan ae gan, ame ha ka ta je meno ame gâ ethö, ka habe, Ai öbun ka ûkhacaköu ka hnyi bijeû ae nua anyin Khong;

Hna Omanenâ 4:1

HWABAN ta je ûnyi e, oge me wâ, ke wâ bi adre bia but khong hwanumen drany, ke haba hofuc a bân oge me löng helâ me hwan khoto ame fuc könya, me ha, ka habe, Ölö thö kââng, me oge me he ka omanenâ köu ta je ûnyi ame he ka o nyiele.