Daniela 2:4 - Iaai Bible 1901 (New Caledonia)

⁴ Me amo fuc at Kaledaia ka than hnyi hwen Suria, me ha, ka habe, E so e möt than nyiele balua; ha thö bwi kohmun a lathnyabaem, me öhmun e he ka omanenâ bongon.

Daniela 2:4 Iomraidhean Croise

Genese 31:47

Ke Labana ame hwenyi ien Jegara-sadutha: ke Jekob ame hwenyi ien Galeed.

Genese 41:8

Ke haba hnyi hnyomakatu me ame hmak hnyekon; me e ame ûkhûnöng ka hawâ ta je magoi Aigupito hia me tavat ae metâ hia: ke Farao ame aû gaga ködrin bwiny; ke ba at ae khana he ka ha bongon kö Farao.

I. Je Than 1:25

Anyin a e ame he but eja, me thân je bolok me je meno ae pipikhenya, me je mamoe ae se hia, ke e a hia but hauâ lakon than hia, me je taben vat, me Abiathara at bihut; ke wâ bi, ödri ne han me ic hnyi hnyimakan, ke ödrin e ha, ka habe, E so e möt than Adonia.

I. Je Than 1:31

Me Bathe-seba ame nom hnyikânâi, me ogânâ than, me ha, ka habe, E so e möt bi than Davita a tuhok nyiele balua.

II. Je Than 18:26

Me haba Eliakima nöku Hilekia, me Sebena, me Joa, ödrin e ha kö Rabesake, ka habe, Ö u fuc kohmun a lathnyabaem hnyi hwen Suria; anyin ae khanʼ öhmun e; ke ca fuc kohmun hnyi hwen Juda wâ e nye long dö tavat hon hna up haginy.

Ezera 4:7

Ke haba hnyi je bong bongu Aretaseta, haba Biselama, me Mitheredath, me Tabeela, me je kolon a je hanödrin, ödrin e set kö Aretaseta than Peresi; ke haba hna sihnalimen tusi me mataitusi Suria, me adre set hnyi hwen Suria.

Nehemia 2:3

Me oge me ha ka than, ka habe, E na möt ju than nyiele balua: anyin a ieû ame ca he ka hmak hnyimakök, ke hnyot ut taun ae hnyin je hon lakamök, ke a an dö je homagouleny ge meic?

Isaia 36:11

Me haingö Eliakima, me Sebena, me Joa, kö Rabesake, ka habe, Ö u fuc ka lathnyabaem hnyi hwen Suria; anyin ae khanʼ öhmun e: ke ca fuc köhmun hnyi hwen Juda wâ e nye long dö tavat hon hna up haginy.

Isaia 44:25

inya at ame oûnyibaûâ je haten anyin tavat ae thoi, me omono tavat bi khong; me ohmeto tavat ae metâ, me omono anyidra wâhmakhmeto:

Daniela 1:4

a je thoth ae ba hnyikongudrin, hnyat ae hmanenang he ka wâ, ke hnyat ae khanʼ ödrin je metâ hia, kʼ ödrin e wâhmakhmeto, ke tremângâ je hna ûne, hnyat ae ûcû he ka tot hnyi uma umen than; me hamen be ka nʼ ödrin ge ûne ke hwen Kaledaia.

Daniela 2:7

Me adre me thu hmetu a loiny me ha, ka habe, E so ame he than ka ha bwi ka lathnyabaem, mʼ öhmun e he ka omanenâ bongon e.

Daniela 3:9

Adre me ha kö Nebukaneza than, ka habe, E so u möt than nyiele balua.

Daniela 4:19

Me ame hlohlo Daniela, Beletisaza ke ien, hnyi ong ûen, ke ame ohmâkâ e hnen je hna ûnykûme. Me ame ha than, ka habe, Beletisaza lö, ca he ka hmak ge bwi me bongon e. Ke haingö Beletisaza, ka habe, thân lö, e na ödrin ju tavat adre me hûkötiö u bwi e, ke e na ödra ju je iwahnaihmiony möu bongon e.

Daniela 4:7

Me ame o könya ta je magoi, ke tavat bihihwakecin, ke at Kaledaia, ke tavat tren khong: me oge me ha bwi hnyi hnyimakodra; ke adre me ca omanenâ könya bongon.

Daniela 4:9

Beletisaza lö, tuhan je magoi, e khanö nya but a e unyâm hanon je khong ae kap, ke ba ke ûnyi ae iyong ae hmak köu, anyin a wale ha thö könya hna wâ hnyi bwik waleji oge me bwo, me bongon e.

Daniela 5:10

Ke ame didro momo than ka hnyi uma han ûnyi hnyi hofuc hwan than me anyin je taben: ke haingen momo than, ka habe, E so e möt than nyiele balua; ca hmak bi ge je ûnykûmenâm, ke ca okebongonâ hnyimâkâm:

Daniela 5:8

Ke ame o but tavat metâ hia anyin than: ke ca khanʼ ödrin he ka aû hna sihnalimen, me omananâ bongon ka than.

Daniela 6:21

Me Daniela ame thu ka than, ka habe, Than lö, e so u möt nyiele balua.

Daniela 6:6

Me haba ke li at musi ae beönua ke tavat musi ae gan, ödrin e ukhacaköu ka than me ha kâu, ka habe, Dariu a than lö, e so u möt nyiele balua.

Daniela 6:7

Öhmun e hia but tha ûhnenamö a öhmun tavat musi hia ae beönua hnyi dokhu, ke je gavena, ke je musi ae gan, ke tavat ûhnenamö, ke je taben, hnân he ka otilâ hnanyibu anyin than, me ohmâ hna nyibon, ki habe, Haba at ame he ka sumâtâ ke ûnyi unyin ke khong me ke at ke ne o but hnyi je bong a thote, ke so bi köu thibi than, me adre me he ka khûâ ka hnyi op liona.

Mataio 21:9

Ke haba tavat adre me bödra me tavat a bilidra, adre me kuku me ha, ka habe, Hosana ka Nöku Davita: Hnen hnahic at ame o but hnyi ien Than; Hosana ethö beönua.

I. Samuela 10:24

Ke hâhâ Samuela ame ha ka tavat hia, ka habe, Wâ ju e, wale a ûca Iehova, anyin ae ba at helâ mē unyin tavat hia thithö. Me ame hongot tavat hia, me tha ha, ka habe, Khong lö omelö than.