Daniela 2:39 - Iaai Bible 1901 (New Caledonia)

³⁹ Ke hwabâm dö ame he ka kû ke dokhu ae ûhnyûkong hmelâm; ke ke dokhu minya a kuniny, a bras, e ame he ka muso hmeledrany hia.

Daniela 2:39 Iomraidhean Croise

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Daniela 10:20

Ke haingen, ka habe, E khanö u ûhek köu? ke oge me he walang ang ka hmetu he ka vat me than Peresi: ke iny ka he but, wâ bi, ame he bi ka o than Heleni.

Daniela 2:32

Ke haba ban hnatheat eling, me gol ae so, ke haba ûlainy ke li benyin, me sileva, ke haba hnyekon ke li jevan, me bras,

Daniela 2:38

Ke e ame hia but hna ka hnyi hnyamâm je menoiny hnyot, me je meno ame gâ ethö, hnyi je dok hia ame laba hnyin lakon tavat, ke e ame hna köu he ka musi ödra hia: haba u, waleji ban a gol.

Daniela 2:40

Ke haba dokhu a vakiny ame he ka hwege helâ me fao: anyin a haba fao at ame omomono me hom oûnyûkongoâ ta je ûnyi hia: ke helâ me fao ame oamemâ ta je ûnyi hia eling, helâe e ame he ka omomono me oamemâ.

Daniela 7:23

Haingen, ka habe, Haba meno a vakiny me wale dokhu a vakiny eang hmelen, ae ve bongon bi me ta je dokhu hia, e ame he ka an hmeledrany hia me uto e, me thu omomono e.

Daniela 8:20

Haba mamoe baga u je wâ a lo li faoiny, me wale li than Madai me Peresi.

Daniela 8:21

Ke haba got baga at walak, me than Heleni e; ke haba faoiny ae gan wanben li emakan, me than e a bân.

Zakaria 6:3

ke e hnyi kariota a kuniny li hors ae hau; ke e hnyi kariota a vakiny li hors ae sisit hûen.

Zakaria 6:6

Ke haba kariota a e hnyin li hors ae hlit, me ame he ka hnyi hnyei hnyi hwadro; ke haba li hors ae hau, me ödru me he hotudru; ke haba li at ae sisit, me ödru me he ka hnyi hnyei hnyi hwaiöu.