Daniela 2:34 - Iaai Bible 1901 (New Caledonia)

³⁴ Ke u je wâ ke ne o but ame manen dö veto adre so ke ca hnen hnyam, kʼ ame kot hnatheat hnyi li can a fao ke kânâ kece, me ame omomonu but.

Daniela 2:34 Iomraidhean Croise

Salamo 118:22

Haba veto waleji a degec hnen tavat up uma, Wale thibi e hnân ban bahebet.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 60:12

Anyin ame he ka hia tavat me dokhu bi adre me höcö bi athnyabaem; eke, adre me he ka ti oba wan ta je hnyei eling.

Isaia 8:9

Ta je hnyei lö, hmonyin dö, ke Öbun e he ka omomonu; ke je hnyei hia ae sâkâû lö, tevehlöng ju: oweikâ ju je hnyekubun, ke öbun e he ka omomonu.

Ezekiela 32:28

Ke adre me he ka thu degeci u hnyi wanben tavat adre ca peritomonâ, me tha mokut me tavat adre hlingâ ge hele vat.

Ezekiela 47:5

Ke hwaban dö e e ame tuluto khaca thauzan; me wale wagewe but, me ca khanö nya hmetu he ka vheno: anyin ame khibi thö göranyai köiö, a köiö hnân hai hnyin, wagewe a ca hnân vheno.

Daniela 2:33

ke haba li can, me fao, ke haba li hnyeûcan, me fao ke keihen ke kânâ kece ke keihen.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Daniela 8:25

Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Zakaria 12:3

Ke hnyi ûen eling oge me he ka wia Jerusalema hnân veto ae hmak ka tavat hia; haba tavat adre me ka kap goranyai, me adre me he ka aat bi; ke ame he ka ûkhacaköu ûcon ta je hnyeiny hia hmeledrany.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Ioane 1:13

ke adre me ca hnöku ödra ûnyi hnyi dra, ke ca ûnyi minya bi ge weny unyin, ke ca ûnyi ge weny at, ke ûnyi bi ge Khong.

Ta je huliwa 4:11

E thibi veto öbun e degec öbun hnyat bi uma, adre hia but ânyâ hnân vetoiny ban kopiny.

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

Heberu 9:24

Anyin ame ca dit Keriso ka hnyi dok ae kap adre me ânyâ ge je hnyam, wale tulutiny ûnyi ae hnathu; ke so bi ka hnyi hing drany he ka manen walang ang hnyi hnyimakan Khong hnân hobi köta:

I. Peteru 2:7

Anyin a wale, haba ûnyihnathuiny, me hobi köbun a hnyat labageju: ke haba hnyat adre me ca labageju, me wale bi ang, Haba veto ame degec hnen tavat up uma, Me adre hia but ânyâ hnân ban kopiny,

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.