Daniela 2:30 - Iaai Bible 1901 (New Caledonia)

³⁰ Ke haba inya, me adre me ca omanenâ könya ûnyi ang ae iyong can a iny metâ hon tavat hia ae möt, ke so bi hnân omanenâ bongon ka than, me me khanö u thö je ûnykûmenen hnyekom.

Daniela 2:30 Iomraidhean Croise

Genese 41:16

Ke Josefa ame thu kö Farao, ka habe, E ca khanö nya: ke ame he Khong ka thu kö Farao ûnyi ae so.

Salamo 139:2

U je wâhmakhmeto ûlabaik me ûtilök, U je wâ ûnykûme ûnykûmenök hnyi dok ae sâkâû.

Isaia 45:4

Oge hia but ba iâm, ga Jekob a athnyabaik, ke ga Isaraela hnok hna ûca: oge hia but ham köu iâm ke ca khanö u bi inya.

Daniela 1:17

Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Daniela 2:49

Ke Daniela ame sumâtâ than, me e ame otilö Saderaka, ke Mesaka, ke Abedenego hon ta je ûnyi hnyi hnyei Babulona: ke haba Daniela ame laba hnyi homagouleny than.

Amosa 4:13

Anyin a wâ bi, haba at ame op je bucen, me mâdrâ ang, me omanenâ ka at ûnykûmenen, at ame wia hnyomakatu me me lit, me vheno je dok ae gorany hnyi hmeledrany; haba ien e, me Iehova Khongon sabaoth.

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Mareko 13:20

Kʼ ame ne ca owakhaletâ ta je bong hnen Than, me ba at ama möt: ke so bi, can tavat adre hia but ûca, waleji e ame ûca, me e ame he ka owakhaletâ ta je bong.

Ta je huliwa 3:12

Ke a wâ but Peteru e ame ha ka tavat, ka habe, At Isaraela lö, ieû gabun öbun e lâiâ ûnyi ang? ke ieû gabun öbun e wâ hmʼ ohmu helâke me hnen manihmu man me hwakecihmu ae ûcû ka Khong me me he thö at ang?

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

II. Korinito 4:15

Anyin a hobi köbun ta je ûnyi hia, me me se hia but ole hnân ogânâ Khong, hnen ibetengiö hna osehia hnen tavat ae se hia.