Daniela 2:23 - Iaai Bible 1901 (New Caledonia)

²³ Inya oge me ole me oganö u Khongon lakamök, u at a ham könya metâ me man, ke u je hia but omanenâ könya walang ang hnöhmun hna sumatö u: anyin a u je hia but omanenâ kohmun ûnyi anyin than.

Daniela 2:23 Iomraidhean Croise

Genese 18:17

Ke Iehova ame ha, ka habe, Hawa, oge me he ka ikhâlâ ga Aberahama hnök hna he ka ânyâ;

Genese 31:42

Ame ne hia Khongu cica unyik, wale Khongu Aberahama, me hna outen hnö Isaaka, me e hnathu u je he ka kunö nya ke ba ûnyi. A wâ but Khong anyik vec me huliwa anyin li hnyamok, me e ame thao u et hnyi lit.

I. Je Than 18:36

Ke haba hnyi ûen hudo hudiny sahac, haba Elia perofeta ame hakekeny me ha, ka habe, Iehova lö, Khongu Aberahama, me Isaaka, me Isaraela, omanenâ thö hnyi bong ang a u Khongu Isaraela, me inya ang athnyabaem, me oge hia but ânyâ ta je ûnyi hia thithö ang ûnyi hnyi hofuc a hwâm.

I. Je Than 8:57

E na tha Iehova ju Khonguta möta helâ me hnen hna tha e me lakamöta: e na ca he ju ka hia gata me hna degeci ota:

I. Man Ûlabainy Je Than. 29:10

Anyin a wale Davita ame ole kö Iehova hnyi hnyimakan ûkhacaköu hia: haingö Davita, ka habe, Ole köu Iehova lö, Khongu Isaraela a kamöhmun, nyiele nyiele balua.

I. Man Ûlabainy Je Than. 29:13

Ke walang ang Khonguhmun lö, ohmun e oleâ köu, me olungâ iâm ae hmanenang.

II. Man Ûlabainy Je Than. 20:6

me e ame ha, ka habe, Iehova lo, Khongon lakamöhmun, hawa, ia u Khongon drany, me at ame muso ta je dökhuiny hia je hnyei? hawa, e ca hwege me man hnyamâm, me me ca khana ke at he ka hwege hom?

Salamo 21:2

U je hia but ham kâu weny hnyekon, Me ca behânâ bi hna sumâtâ hnen li esongodiny. [Sela.

Salamo 21:4

E ame sumatö möt gam, me u je ham kâu; Wale ta je bong ae beû ke ne o but nyiele balua.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

Esodo 3:15

Ke Khong ame ha minya kö Mose, ka habe, U ma he ka ha helâng ka lakon Isaraela, ka habe, A hia but kunö nya köbun Iehova, Khongon, lakamöbun, a Khongu Aberahama, me Khongu Isaaka, me Khongu Jekob; wale iök nyiele balua, ke wale hnân ûnykûmi nya hnyi ta je dö hia.

Ta je Vejec 21:22

Haba at metâ me ame öliâ haginy taun anyin tavat ae hwege, Me ohnyikânâ tang hwege adre me geju kâu.

Ta je Vejec 24:5

E hwege at ae metâ; Eke, haba at wâhmakhmeto e ame ohwegiâ man.

Ta je Vejec 8:14

E unyik wâ bongon, me ûne ae wisa: Inya bi wâhmakhmeto; e hu manik.

At Khet 7:19

E man hmonyin metâ ka at ae metâ hon tavat musi a ten hnyi taun.

At Khet 9:16

Me oge me ha, ka habe, E so metâ hon tang hwege: ke so bi adre me hûkotiâ metâ anyin at ae theduoc, kʼ adre me ca long hwan hofuc.

At Khet 9:18

E so metâ hon je omjehen vat; ke haba at hulo a khaca, me ame okongoâ so ae gan hmâ.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Daniela 1:17

Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Daniela 2:18

mʼ ödrin e he ka sumâtâ betenge ûnyi ge Khongon drany hnyi ûnyi eling ae iyong; me me ca tha he Daniela me je lahanen ka mok tha ödrin me tavat ae metâ hnyi Babulona.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Luka 10:21

Haba hnyi ûen eling e ame senyin hnyi Hanu Kap me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ ke tavat wâ bongon, me adre omanenâ ka ta je mendreng: eke, Cica, anyin a wale wem.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 15:15

Oge me ca ha hmetu, ka habe, lathnyaba; anyin ae ca khana athnyaba ûnyi a ânyâ tuhan: ke oge me hai öbun a lahanök; anyin a haba ta je ûnyi hia oge me löng ûnyi ga Cica, mʼ oge hia but omanenâ köbun.

Hna Omanenâ 1:1

WALANG hna omanenâ anyi Iesu Keriso, waleji hnen Khong hna ham kâu he ka omanenâ ka lathnyabainy, wale ta je ûnyi ame he ka ie o: ke e ame kunâ me omanenâ e deny anyin angela ka athnyabainy a Ioane;

Hna Omanenâ 5:5

ke haba ke at hnyi wahingat ame ha könya, ka habe, Ca tenge: wâ bi, e hwege Lionainy tribu Juda, Khûen anyi Davita, he ka lau tusi, me khong je hna ohmâ haten e a seven.