Daniela 2:22 - Iaai Bible 1901 (New Caledonia)

²² e ame omanenâ je ûnyi ae dit ke iyong: e khana ta je ûnyi hnyi menekholom, ke ame tha laba mö lany.

Daniela 2:22 Iomraidhean Croise

Genese 41:16

Ke Josefa ame thu kö Farao, ka habe, E ca khanö nya: ke ame he Khong ka thu kö Farao ûnyi ae so.

Jobu 12:22

E ame omanenâ ta je ûnyi ae iyong ûnyi hnyi menekholom, Kʼ ame hom dö hmenon mok ka hnyi lany.

Jobu 26:6

Ame he thu erkemok hnyi hnyimakan, Ke ba ûkhaûen hnaûhango.

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Salamo 36:9

Anyin a e bi unyâm pupuainy möt: Ohmun e he bi ka wâ melam hnen ânyâm melam.

At Khet 8:1

IE at ae ûcû me at ae metâ? ke ie at ae khana bongon ta je ûnyi? Haba metâ anyin at ame omelamâ hnyimakan, me wia thö hwegien hnyimakan.

Isaia 41:22

E so adre me he ka omanenâ, me thumetu öta ge ta je ûnyi ame he ka kû: ha thʼ öbun ge bongon ta je ûnyi kâû adrem, mʼ ate me ûnykûme me wâ obiny ta je ûnyi e; ke ame ne he ka omanenâ köta ta je ûnyi ame he ka o.

Isaia 41:26

Ie at ame haimemenâ e ûnyi hnyi can, me me khanʼ öta thö? me kâû adrem mʼ ate me he ka ha ka habe, E at ae wisa? eke, e ba at a haimemenâ, eke, e ba at ame omanenâ, eke, e ba at a long hobun je hofuc.

Isaia 42:9

Wa bi, a hwâdâ thö ta je ûnyi a bân, ke inya oge me omanenâ ta je ûnyi ae teb ûnyi: ke oge me bok ka omanenâ köbun, ke tiga ca kû ta je ûnyi e.

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Jeremia 23:24

E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Daniela 2:11

Ke haba ûnyi ame elam than, me e ti hmak, ke ca khana bi ke at he ka omanenâ e hnyi hnyimakan than, ke so thibi je khong, a tavat adre me ca tha laba me tavat.

Daniela 2:19

Me adre me omanenâ kö Daniela hnyi hna omanenâ huyi lit ûnyi eling ae iyong. Me haba Daniela ame haisoâ Khongon drany.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Daniela 5:11

e hu ke at hnyi dokhom dokhu a e unyin hanon je khong ae kap; ke haba hnyi ûen kamâm, me adre me wâ unyin melam, ke wâ ûnykûme, ke metâ, helâ me metâ anyin je khong: ke haba Nebukaneza than a kamâm, wale than a kamâm bi, me e ame otilâ e hnân taben ka ta je magoi, ke tavat bihihwakecin, ke at Kaledaia, ke tavat tren khong;

Daniela 5:14

Oge hia but löng gam a e unyâm hanon je khong, ke adre me wâ melam unyâm, ke wâ ûnykûme, ke metâ ae beönua.

Mataio 13:13

Anyin a wale, inya oge me ha kodra ta je ûhöûcû; anyin adre me bwela, kʼ adre me ca wâ bi, ke long, kʼ adre me ca lönghmakhmeto bi, kʼ adre me ca wâ ûnykûme bi.

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Efeso 3:5

waleji adre ca omanenâ ka tavat hnyi ta je dö adrem, helâ me hnödra hna omanenâ kohmun walang ang a je aposetolo ae kap, me ta je perofeta ûnyi ge Hanu;

Deuteronomi 29:28

ke Iehova ame oc degeci ödra hnyi könödra kânâ hnyi hmönyin me hnyi û, me hmönyin ae gan, kʼ ame obʼ ödra ka hnyi ke hnyei bi, helâ me hnyi bong ang.

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

I. Ioane 1:5

Ke walang ûthumetu öhmun e hia but löng ûnyi gan, me haimemenâ köbun, ka habe, Khong thibi melam, ke ba ju ke ong lit unyin.