Daniela 12:7 - Iaai Bible 1901 (New Caledonia)

⁷ Ke oge me long at ame khavâ lino, at ame laba hon köien wagawe, me ame ogöranyâ hnyamen a metân me hnyamen a meny ka hnyi drany, me khemanyin gan at ae möt nyiele balua a gʼ ame he ka hobi kâu ûen, me lo li ûen, me ûen me haf: ke e ka hia but oveseâ maniny hnyei ae kap, awe, ame he ka hwâdâ ta je ûnyi hia eling.

Daniela 12:7 Iomraidhean Croise

Jobu 27:2

Kia inya Khong, at ame hom degecâ anyik wisa; Me Ataekhanahia, waleji ame ovecâ hnyekuk;

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Ezekiela 20:5

ke ha thö ködrin, ka habe, Walang hna ha hnen Than Iehova, ka habe, Haba hnyi bong eji oge me ûcâ hnyin Isaraela, ke oge me hinöbeny ka je mâtrâniny lap anyi Jekob, ke omanenö nya kodra hnyi hnyei Aigupito, ke oge me hinöbeny kodra me ha, ka habe, Inya Iehova Khongubun;

Daniela 10:5

inya oge me bwele me wâ, ke wâ bi at ame khavâ mano lino, ke a oweikâ e ge goliny Ufas:

Daniela 11:13

Ke ame he ka hmetu than hnyi hwadro, me otilâ utbavat ae gan hon a bân; ke e ka um dö je ûen, wale je huna, me e ame he ka oâ je utbavat ae gan me omjeû ae gan.

Daniela 12:6

Ke haingen ke at ka at ame khavâ lino, at ame laba hon köien wagawe, ka habe, Ke ne o but kehö obiny ta je ûnyi eling hnân lâiâ?

Daniela 12:8

Ke oge me löng, ke oge me ca wâ ûnykûme: me oge me ha, ka habe, Tuhok lö, ieû obiny ta je ûnyi eî

Daniela 4:31

Ke tiga e hofuc hnyi hnyimen than, me ame o but ke hofuc ûnyi hnyi drany, ka habe, Nebukaneza than lö, adre me ha köu ke hofuc: a gʼ adre hia but hûgûnâ dokhu gam.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Daniela 7:21

Ke inya oge me wâ, ke ame vat fao eling me tavat ae kap, me hwege bi hudra;

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Daniela 8:14

Me haingen könya, ka habe, Ke ne o but ka hnyi lo li thauzan ke theri haded ta je sahac me hnyomakatu; ke hnyi ûen eling adre me he ka ânyâwia dok ae kap.

Daniela 8:24

Ke ame he ka gan hmâ hwegien, ke ca hnen bi tang hwegien, ke ke bongon bi hnen hna he ka ohia, ke e ame he ka hnahic me ânyâ weny: ke e ame he ka ohia tavat tren man, me tavat ae kap.

Luka 21:14

Anyin a wale ip ju eû hnyi je hnyekubun, a ca he öbun ka mē ûnykûme ûnyi hnân he ka thu:

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Deuteronomi 26:19

kʼ ame he ka obeönuai u hon je hnyei hia e ame op, hnân haisoâ, me hnân ien bi, me hnân ogânâ; mʼ u me he ka hnyei ae kap hobi kö Iehova Khongom hoton hofuc waleji e ame ha.

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

Deuteronomi 32:40

Anyin a oge me ogöranyâ hnyamok ka i hnyi drany, Me ha, ka habe, Inya oge me möt balua,

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Hna Omanenâ 12:14

Ke adre me ham ka momo li labenyin aeto ae gan, me me gâ ûnyi hnyi hnyimakan on ka hnyi hnyebuba a hnen, ke adre hat eling, hnyi ûen a khaca, me je ûen, me haf ûen.

Hna Omanenâ 12:6

Me ame kec ut momo hnyebuba ai, ke e hu gan eling dok a penapena Khong, mʼ adre me he ka hat eling hnyi ta je bong a wan thauzan tu haded ke sikste.

Hna Omanenâ 13:5

ke adre me ham kâu hnyem, me ame ha ta je ûnyi ae gan, me je bi gan ka Khong; kʼ adre me ham kâu man he ka huliwa hnyi fâte tu je tehi.

Hna Omanenâ 4:10

me ame he wahingat a twente foa ka ta but hnyi hnyimakan at ame tabâ theron, me khudrung kâu, waleji at ae möt nyiele nyiele balua, me khûâ anyidrin je korona hnyi hnyimakan theron me ha, ka habe,

Hna Omanenâ 4:9

Ke e ka he je ûnyi ae möt ka ogânâ, me ogöranyâ, me ole ka at ame tabâ theron, wale ae möt nyiele nyiele balua,