Daniela 12:4 - Iaai Bible 1901 (New Caledonia)

⁴ Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 12:4 Iomraidhean Croise

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 29:11

Ke haba hnaomanenâ hia köbun me helâ me hofuc hnyi tusi adre ohmâ, waleji adre ham ka at ae khana tusi, me ha, ka habe, Ö u aû thö ang; ke haingen, ka habe, E ca khanö nya, anyin adre okeceâ hmâ e:

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 32:3

Ke ame ca he ka hadedak li emakan tavat adre me bwela, kʼ ame he ka tevehlöng li hnyikonyen tavat adre me long.

Isaia 8:16

Hûkâlâ ju ûnyi hnân ohnatho, ke okeceâ hmâ ju hnanyibu unyin je latök.

Jeremia 5:1

WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Daniela 10:1

HNYI huna a kuni Koreso than Peresi, me adre me omanenâ ke ûnyi kö Daniela, adre hwenyi ien Beletisaza; ke e hnathu ûnyi e, wale vat ae gan, me e ame wâhmakhmetoâ ûnyi e, kʼ ame wâ ûnykûme hna omanenâ.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 10:21

Ke so bi oge me he ka ha köu hna sihnalimen hnyi tusiny hnathu: ke ba hiök hnyi ta je ûnyi eling, ke so thibi Mikaela a tuhöbun.

Daniela 11:33

Ke haba tavat ae metâ unyin tavat, adre me he ka nâ tavat ae se hia: ke so bi adre me he ka ta ge hele vat, me meic, me hwenbâ me soh, hnyi je bong ae se hia.

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 12:13

Ke he thö u ke ne o but obiny: anyin a u me he ka menâ, me tot hnyi jekhom, e ka um dö je bong.

Daniela 12:5

Ke inya Daniela oge me wâ, ke wâ bi, ke li at ödru me tot, ke at hnyi baten wagewe, ke ke at hnyi ke baten wagewe.

Daniela 12:9

Ke haingen, ka habe, Daniela lö, he thö; anyin adre hia but ikhâlâ me ohmâ haten ta je ûnyi e ke ne o but hnyi ûen obiny.

Daniela 8:17

Me e ame hakekeny ka hnyi dok oge me tot hnyin; ke e ame o but, me oge me ot, me ta hnyikânâi; ke e ame ha könya, ka habe, Nokon at lö, wâhmakhmeto ju; anyin ame he ka hwâdâ hna omanenâ hnyi ûen hnyi obiny.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Daniela 8:26

Ke haba hna omanenâ ge je sahac me hnyomakatu waleji adre ha, me e hnathu e; ke so bi, ikhâlâ ju hna omanenâ; anyin ae se hia je bonginy.

Mataio 24:14

Ke adre me he ka khetâ ûthumetuiny dökhu ang hnyi hmeledrany hia hnân ohnatho ka ta je hnyei; me ame he ka o but obiny.

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Hna Omanenâ 10:4

Ke hnyi ûen ame lung je hendreng a seven, me oge me he bi ka sihnalimen: me oge me löng hofuc ûnyi hnyi drany, ka habe, Okeceâ ju haten ta je ûnyi a ha je hendreng a seven, ke ca sihnalimen bi.

Hna Omanenâ 22:10

Ke haingen könya, ka habe, Ca ohmâ haten ta je hofuc adre perofeta hnyin tusi ang; anyin ae hakekeny jut ûen.

Hna Omanenâ 5:1

KE oge me wâ hnyi hnyam a metân at ame laba hon theron, tusi adre set hnyin me hoton, adre ohmâ haten ge je hna ohmâ a seven.