Daniela 12:13 - Iaai Bible 1901 (New Caledonia)

¹³ Ke he thö u ke ne o but obiny: anyin a u me he ka menâ, me tot hnyi jekhom, e ka um dö je bong.

Daniela 12:13 Iomraidhean Croise

Salamo 1:5

Anyin a wale ame ca he bi tavat ae monu ka tot hnyi ûhnei, Ke tavat adre me ânyâ hulo bi, ka tot hnyi ûkhacaköu anyin tavat ae wisa.

Salamo 16:5

Iehova thibi jekhöûk me anyik kaia; U thibi at ame otethmâ jekhöûk.

Salamo 16:9

Anyin a wale ame senyin hnyekuk, me hobâ anyik mec: Ame he but minya unyik ka laba hnyi gejon.

Esodo 33:14

Ke e ame ha, ka habe, Ötu tha he, ke oge me he ka omeno u.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Zakaria 3:7

Walang hna ha hnö Iehova tuhan saboath, ka habe, U je ne he ka vheno dek je gethen, me tuö hnok je hna otilâ, me u me he ka owisa umök uma, me tuö je hnyeulek, ke oge me he ka ham köu dok he ka vheno unyin tavat adre me tot eû.

Mataio 19:28

Haba Iesu ame ha ködrin, ka habe, E hnathu inya oge me ha köbun, ka habe, haba hnyi hna he ka omelö hmetu, e ka he Nokon at ka laba hon theroniny anyin hmanenang, haba öbun tavat öbun e he hotuk, me öbun e be minya bi ka laba hon je theron a twelv, he ka owisa je tribu anyin at Isaraela a twelv.

Luka 21:36

Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

II. Thesalonika. 1:7

ke öbun tavat adre ovecâ, öbun e he ka tha menâ möhmun, e ka manen dut Than Iesu ûheny hnyi drany tha e me ta je angelainy maniny man

Hna Omanenâ 14:13

Ke oge me löng hofuc ûnyi hnyi drany ame ha könya, ka habe, Sihnalimen ju, ka habe, Hnahic hnen wamok, tavat adre me mok unyin Than hwân walang ang: eke, ame ha Hanu, mʼ adre me menâ thö ûnyi hnyi anyidra ta je huliwa; anyin ame tha hnu hotudra anyidra ta je huliwa.