Daniela 12:11 - Iaai Bible 1901 (New Caledonia)

¹¹ Ke hwân hnyi ûen adre me he ka ohia hnyin hudiny leû adre hudo hnyi je bong hia, ke ne o but adre me otilâ ûnyi ae ikiki at ame öba wan, me wan thauzan tu haded ke nainte je bong.

Daniela 12:11 Iomraidhean Croise

Esodo 29:38

Ke walang ûnyi u me he ka hudo hon taben hut, a lo li lakon mamoe a khaca hunainy hnyi ta ogo bong hia.

Ezekiela 4:6

Ke haba khaca u ka umö thö e, me u me he hmetu ka mokut hnyi ke keihâm a metâm, ke ame he ka takû u hulo anyin lap anyi Juda: fâte je bong, oge me hia but ip köu ke bong hnân ke huna.

Daniela 1:12

Më cubic ohmun a lathnyabaem hnyi je bong a ten; me adre me he ka ha ö ʼhmun ge je khölak, me habelihmun ge köiö.

Daniela 11:31

Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Daniela 8:26

Ke haba hna omanenâ ge je sahac me hnyomakatu waleji adre ha, me e hnathu e; ke so bi, ikhâlâ ju hna omanenâ; anyin ae se hia je bonginy.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Hosea 3:4

Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat:

Mataio 24:15

Awe, öbun ka wâ ûnyi ae ikiki at ame okongo, ame tot hnyi dok ae kap, waleji a ha Daniela perofeta, (wâhmakhmeto ju hnen at ame aû),

Mareko 13:14

Ke öbun ka wâ ûnyi ae ikiki, at ame okongoâ, ame tot hnyi dok a ca hnen bi (e so he ka wâhmakhmeto ju hnen at ame aû) wale ûen ae ûcû he ka kec hnen tavat Juda ka hnyi je bucen:

Hna Omanenâ 11:2

Ke haba hnyeule hoton uma kap, hnen ju, ca ke ka tuluto; anyin adre hia but ham e ka ta je hnyei: ke adre me he ka uto taun ae kap hnyi ta je tehi a fâte tu.

Hna Omanenâ 12:6

Me ame kec ut momo hnyebuba ai, ke e hu gan eling dok a penapena Khong, mʼ adre me he ka hat eling hnyi ta je bong a wan thauzan tu haded ke sikste.

Hna Omanenâ 13:5

ke adre me ham kâu hnyem, me ame ha ta je ûnyi ae gan, me je bi gan ka Khong; kʼ adre me ham kâu man he ka huliwa hnyi fâte tu je tehi.