Daniela 12:10 - Iaai Bible 1901 (New Caledonia)

¹⁰ Ame he tavat ae se hia ka obosoi ödra, me ohawʼ ödra, me ânyâwi ödra; ke ame he tavat ae kong ka ânyâ hwakacin ae kong bala; ke ame ca he ke at ae kong he ka wâ ûnykûme: ke so bi, ame he tavat ae metâ ka wâ ûnykûme.

Daniela 12:10 Iomraidhean Croise

Salamo 107:43

Haba at ae metâ ame he ka wâ wia ta je ûnyi eling, Kʼ adre me he ka ûnykûme wia tang betenge anyi Iehova.

Salamo 51:7

U me he ka ânyâwiö nya ge hisop, me inye he ka kalaöt ut: Ösûö nya ju, me inye he ka hau but hon kiona.

Ta je Vejec 1:5

Me me long hnen at ae metâ, me bi hanen anyin metâ; Me me he at wâhmakhmeto ka hu metâ hnân ûhnenamö:

Isaia 1:18

Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 47:11

Ke ame ca he ka so but je hmudrainy, ke je utkânâiny ae lup; kʼ adre me he ka hna e me me köiö hiny.

Daniela 11:33

Ke haba tavat ae metâ unyin tavat, adre me he ka nâ tavat ae se hia: ke so bi adre me he ka ta ge hele vat, me meic, me hwenbâ me soh, hnyi je bong ae se hia.

Daniela 11:35

Ke ame he keihen tavat ae metâ ka ta, madre me cubic ödra, me ânyâwia, me ohawâ, ke ne o but ûen obiny: anyin ame he ka e hnyi ûen adre thu.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Malaki 3:3

ke e ame he ka laba helâ me at le me ânyâwia sileva, ke e ame he ka obosoâ je laku Levi, me ânyâwi ʼödra helâ me gol me sileva; ke adre me he ka hudo kö Iehova je hut hnyi hwakecin ae wisa.

Mareko 4:11

Haingen ame ha ködrin, ka habe, Adre me ham köbun he ka wâhmakhmeto ta je ûnyi ae iyong hnyi dokhu dokhon Khong: kʼ adre me ânyâ ta je ûnyi hia hnyi ta je ûhöûcû hobi kodra eû:

Luka 24:25

Me e ame ha ködru, ka habe, Öbu li monu, me bec li hnyekubu he ka kap hia je hna ha hnen ta je perofeta!

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

Ioane 8:47

Haba at a ûnyi ge Khong, me e ame long hofuc hwan Khong: waleling me öbun e ca long anyin a ca ûnyi ge Khong öbun.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 12:10

Anyin adre me nʼ öta hnyi je bong ae wakhalet helâ me wedra; ke e ame nʼ öta mʼ ate me so, mʼ ate me he ka tha kap më.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Hna Omanenâ 16:11

ke adre me haikongoâ Khongon drany can anyidra ta je vec me hnödra je anyû; ke adre me ca ietra bi ta je hwakecidra.

Hna Omanenâ 19:14

Me ame he hoton, je utbavat hnyi drany, adre me tabâ je hors ae hau, adre khavâ mano lino ae ûhnyûkong nân, ae hau me ba hnyikongon.

Hna Omanenâ 19:8

Ke adre me hna kâu he ka khavâ mano lino ae ûhnyûkong nân ae hadröngöc ke ba hnyikongon: anyin a haba mano lino, me wale hwakecin ae wisa anyin wakap.

Hna Omanenâ 22:11

Haba at ae ca wisa, me ame he bala bi ka ca wisa: ke haba at ae ikiki, me ame he bala bi ka ikiki: ke haba at ae wisa, me ame he bala bi ka ânyâ wisa: ke haba at ae kap, me adre me he bala bi ka okabâ.

Hna Omanenâ 3:18

anyin a wale oge me ha köu he ka ûco gak gol adre degec tiren hnyi meic, me u me tren ta ûnyi; me je ûkhaû ae hau, mʼ u me he ka khavâ, me me ca manen bi hmehma wale he thu a u: me bubunyin ecmak hnân botro kâu li emâkâm, me u me bwela but.

I. Samuela 24:13

Helâji me vejec ehac anyin wahingat, ka habe, Ame o ûnyi ae kong ûnyi ge at ae kong: kʼ ame ca he hnyamok bi ka mokut hom.