Daniela 11:6 - Iaai Bible 1901 (New Caledonia)

⁶ Ke e ka um dö je huna me ödru me he ka ûkhacaköu; kʼ ame he hlu nokon than hnyi hwaiö ka senâ than hnyi hwadro he ka ânyâ ûhihiny-köu: ke haba hwegien benyin hlu me ame ca he ka tethmâ; kʼ ame ca he minya baga ka tot, ke benyin; ke adre me he ka hna but hlu, me tavat adre me hom e, me at ame hnokoâ e, me at ame ha hwegien hnyi ûen eling.

Daniela 11:6 Iomraidhean Croise

Jobu 38:15

Me ame hia but ge tavat ae kong melamidra, Ke ame hmetru thö benyin ae bi gan.

Salamo 10:5

E hmâ balua deny je gethen; E sâkâû balua gan ânyâm je hna owisa: Ke haba je iwahnaihmiony hia mē, e ame tûʼ ödra.

Ezekiela 30:21

Nokon at lö, oge hia but thu benyi Farao than Aigupito; ke wâ bi, adre me ca lan e he ka bi bubunyin, ke ca ge mano me lan e, me me hwege hmetu e hnân he ka hok hele vat.

Daniela 11:13

Ke ame he ka hmetu than hnyi hwadro, me otilâ utbavat ae gan hon a bân; ke e ka um dö je ûen, wale je huna, me e ame he ka oâ je utbavat ae gan me omjeû ae gan.

Daniela 11:15

Me ame he ka o than hnyi hwadro, me okhibö goranyai kânâ, me hûgûnâ taun adre up haginy ae so: ke ame ca he ka ton je utbavat hnyi hwaiöu, me tavat e ame ûca, ke ame ke ka ba tang hwege hnân he ka ton.

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 11:7

Ke ame ke ka o ke khûen ge iwân hlu, hnyi hnen at eling, wale ame he ka o ka hnyi utbavat, me ame he ka delec hnabâ anyin than hnyi hwadro, me bi ovhelidra, ke ame he ka hwege:

Zakaria 11:16

Anyin a wâ bi, oge me he ka oâ at ame tuö mamoe hnyi hnyei, at ame ca he ka senʼ ödra wale adre subâ degecâ, ke e ame ca he ka elâm je mamoe adre ve se but, me ometo je aat; ke e ame ca he ka han je mamoe ae hwege, ke e ame he ka an viny ae pipikhenya, me kia amemâ je boûjimödrin.