Daniela 11:41 - Iaai Bible 1901 (New Caledonia)

⁴¹ E ame he ka he minya ka hnyi hnyei ae hmanenang, ke ame he ka ta je hnyei ae se hia: ke ame he ka kec möt gan, Edoma, ke Moaba, ke lakon Amona ae beönua.

Daniela 11:41 Iomraidhean Croise

Jeremia 48:47

Ke so bi, oge me he ka ohmeto at Moaba ûhedra hnyi hna bâ hnyi je bong a biliny, haingö Iehova. Wale hna owisa ka Moaba.

Jeremia 49:6

Ke hwaban e oge me he ka ohmeto je bâ anyin lakon Amona, haingö Iehova.

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Daniela 11:16

Ke haba at ame he ka he ûcon, me ame he ka ânyâ hoton weny, ke ba at ame he ka ot hnyi hnyimakan: ke e ame he ka tot hnyi hnyei ae hmanenang, ke e bi hnyi hnyamen ûokonguny.

Daniela 11:42

Ke e ame he ka hai hnyamen hon je hnyei: ke ame ca he ka kec möt hnyei Aigupito.

Daniela 11:45

Ke e ame he ka otilâ je uma manoiny hnyaban hnyi wanben köiö me bucen ae hmanenang ae kap; ke ame he ka o obiny kâu, ke ba at ame he ka hadruâ e.

Daniela 8:9

Ke haba ûnyi hnyi khaca fao, me ame o thö ke fao ae ûhnyûkong, kʼ ame gan tot ka hnyi hwaiöu ke deiö, ke ka hnyi hnyei ae hmanenang.