Daniela 11:25 - Iaai Bible 1901 (New Caledonia)

²⁵ Ke e ame he ka obwebwelâ maniny man ke tang hwegein hnyekon, ke je utbavat ae gan, ûcon than hnyi hwaiöu; kʼ ame he than hnyi hwaiöu ka vat, a tha e ke utbavat ae gan hmâ ke hwege: ke e ame ca he bi ka tot, anyin adre me he bi ka ânyâ bihihwakecin kâu.

Daniela 11:25 Iomraidhean Croise

Ta je Vejec 15:18

Haba at ae hmonyin, me ame ohuâ iwatretra: Ke haba at ae bec he ka hmonyin, me ame thawâ ivino.

Ta je Vejec 28:25

Haba at ame behu ta je ûnyi, me ame okûâ iwatretra: Ke haba at ame labageju kö Iehova, me ame ho ka pipikhenyâ.

Daniela 11:10

Ke ame he je lakon ka vat, me ûkhacaköu köiö köien at ae gan, adre me he ka o me bahihingâlâ, me vheno: ke adre me he ka hmetu me vat, ke ne o but hnyi hnen hnabâ.

Daniela 11:2

Ke walang ang oge me he ka omanenâ köu hnathu. Wâ bi, ame he ka o kun ta thaniny Peresi; kʼ ame he bi ka tren omjeû ae gan at a vakiny hon ta hnyat a kun: ke e ka hwege bi deny ta je omjehen, me e ame he ka obwebwelâ hia ûcon dökhu Heleni.

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 11:5

Ke ame he ka hwege thaniny hwaiöu, tha e me ke taben unyin, kʼ ame he ka hwege hon e me musi bi, ke haba anyin musi me musi ae gan.