Daniela 11:18 - Iaai Bible 1901 (New Caledonia)

¹⁸ Hwaban dö e, e ame he ka hnyimakan ka hnyi je bomene, me hûgûnâ keihen ae se: ke haba ke than ame he bi ka biobiny hnen hna haikongoâ; eke, e ame he ka wia kongon kâu bi.

Daniela 11:18 Iomraidhean Croise

Esetera 10:1

KE haba Asueru than ame hûna ka ta je hnyei me ta je bomeneiny köiö he ka fat.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Jeremia 2:10

Ke he thʼ öbun ka hnyi je bomeneiny Kitim, me wâ; me ûkhûnöng dö Kedara ai me ûnykûme wia; mʼ adre me wâ ame ne hu ûnyi helâe ehac.

Jeremia 31:10

Je hnyēi lö, löng ju hofuc ho Iehova, ke haimemenâ thö e hnyi je bomene ae sâkâû: me ha, ka habe, Haba at ame ovesei Isaraela ame he ka ûkhacaköu ödra hmetu, me tuʼ ödra, helâ me at ame tuö haleny hnahat mamoe.

Ezekiela 27:6

Adre hia but ânyâ ânyâm je wi a je iwajoiny Basana; adre hia but tibet ânyâm je tap ge utö tasura adre me omecâ ge nyon elefan, ûnyi hnyi je bomeneiny Kitim.

Hosea 12:14

Ke a hia but Eferaima ti okûâ hmonyin; anyin a wale ame he ka hnen bi ju dren hon, kʼ ame he Tuhan ka ohmeto kâu hnen hna ûhaikonguny.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Mataio 7:2

Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Owisa 1:7

Ke Adoni-bezek ame ha, ka habe, Odrin sevente je than adre subâ je bahnyökveto me li bacan ae gan gadrin, odrin e hlo je atmen hmelen anyik laulau: ke haba Khong ame bi hwaban könya helâ me hnok hna ânyâ. Ke odrin e hom e Jerusalema ai, me e ame mokcu eling.