Daniela 11:16 - Iaai Bible 1901 (New Caledonia)

¹⁶ Ke haba at ame he ka he ûcon, me ame he ka ânyâ hoton weny, ke ba at ame he ka ot hnyi hnyimakan: ke e ame he ka tot hnyi hnyei ae hmanenang, ke e bi hnyi hnyamen ûokonguny.

Daniela 11:16 Iomraidhean Croise

Isaia 8:8

ke e ame he ka di bala Juda ai; me bahihingölö me vheno e, me khibi ke ne o but hnyi nyin; me ame he ka unöngötö ûlauen em hnyei, Emanuela.

Jeremia 3:19

Ke oge me ba, ka habe, Oge me he ka kâmâu ka ip u unyin je lakon, me ham köu hnyei ae so, a jekhom ae so unyin je döiny ta je hnyei? ke oge me ha, ka habe, Öbun e he ka hao nya, ka habe, Cica; me ca he ka hwio hmetu gak.

Daniela 11:3

Ke ame he ka tot ke than at ae hwege, at ame he ka musi ge musi ae gan, me ânyâ helâ me weny.

Daniela 11:36

Ke ame he than ka ânyâ hoton weny; ke e ame he ka ogânâ e bi, me ogöranyâ e bi hon ta je khong hia, me ha ta je ûnyi hnân outen ge Khongon ta je khong: ke e ame he ka sot ke ne o but ame hwâdâ but hmonyin; anyin adre me he ka ânyâ hna mou hnyok ka hnyin.

Daniela 11:41

E ame he ka he minya ka hnyi hnyei ae hmanenang, ke ame he ka ta je hnyei ae se hia: ke ame he ka kec möt gan, Edoma, ke Moaba, ke lakon Amona ae beönua.

Daniela 11:45

Ke e ame he ka otilâ je uma manoiny hnyaban hnyi wanben köiö me bucen ae hmanenang ae kap; ke ame he ka o obiny kâu, ke ba at ame he ka hadruâ e.

Daniela 5:19

ke can hna oganâ e adre me ham kâu, me ame öbubuny me ot hnyi hnyimakan tavat hia, me ta je hnyei, me je ve hwen hnyei: e ame hlingâ hnen hna behlingâ, me omelo hnen hna beomelö; ke e ame ogânâ hnen hna beogânâ, me ohnyikânâ hnen hna beöhnyikânâ.

Daniela 8:4

Inya oge me wâ mamoe baga ame hagutâ jio, me ka hnyi hwadro, me ka hnyi hwaiöu; ke ca khana ke meno he ka tot hnyi hnyimakan, ke ba at ae khana he ka hûgûnâ gan; ke e ame ânyâ hoton weny, kʼ ame ogânâ e bi.

Daniela 8:7

Ke oge me wâ a gʼ ame hakekeny ka mamoe baga, kʼ ame hmonyin kâu, me kot mamoe baga, me thu li faoiny; ke ba maniny mamoe baga he ka tot hnyi hnyimakan: me e ame hagutâ e hnyikânâi, me uto e; ke ba at ae khana he ka hûgûnâ mamoe baga gan.

Daniela 8:9

Ke haba ûnyi hnyi khaca fao, me ame o thö ke fao ae ûhnyûkong, kʼ ame gan tot ka hnyi hwaiöu ke deiö, ke ka hnyi hnyei ae hmanenang.

Josua 1:5

E ba at ame he ka khana ka tot hnyi hnyimâkâm hnyi je bong bongon ânyâm möt; oge me he ka tha inya mou helâji me hnok hna tha e me Mose: ame ca he ka hiö nya unyâm me hna degeci u.