Daniela 10:6 - Iaai Bible 1901 (New Caledonia)

⁶ ke helâ unyin me berulo, ke helâ hnyimakan me hucuce, ke helâ li emakan me li lamepainy meic, ke helâ me bras ae hadröngöc li benyin me li can, ke helâ me hwan tavat ae se hia ifucin.

Daniela 10:6 Iomraidhean Croise

Esodo 28:20

ke haba dö a vakiny, me, berulo, me sadonuki, me jasepi; adre me he ka ve bi taben ta je ûnyi e hnyi gol.

Khumöng Hwanyi Solomona. 5:14

Haba li hnyamen, me li otru gol adre ohmâ berulo hnyin: Haba unyin, me nyon elefan adre huliwan, ke adre tube ge safairo.

Ezekiela 1:14

Ke haba je ûnyi ae möt me ödrin e gâ me hmetu helâ me hucuce.

Ezekiela 1:16

Haba bongon je waengen me huliwainy helâ me makan veto berulo: ke tha ûcû ödrin vak; ke haba bongudrin me huliwainy, me helâ me ke waengen hnyi hnyin ke waengen.

Ezekiela 1:24

Ke oge me long hwan je labenyidrin ödrin ka he, helâ me hwan köiö ae gan, helâ me ifuci Ataekhanahia, hwan imonumonuny helâ me hwan utbavat: ödrin ka todru me ödrin e ohimö je labenyidrin.

Ezekiela 1:7

Ke haba je cadrin, me ame wisa je cadrin; ke haba je hnyeûcadrin, me helâ me hnyeûcan nokon kau; kʼ ödrin hadröngöc helâ me bras adre me kot wia.

Ezekiela 10:9

Ke oge me wâ, ke wâ bi, vak ta waengen hnyi baten je kerubi, ke waengen hnyi baten ke kerubi, ke ke waengen hnyi baten ke kerubi: ke haba bongon je waengen me helâ me makan veto berulo.

Ezekiela 40:3

Ke e ame hum nya kâ e, ke wâ bi eling at, haba unyin me helâ me bras, ke e hnyi hnyamen tö lino, me hlowe tulut; ke e ame tot hnyi homagöule.

Ezekiela 8:2

Ke inya oge me bwele, ke wâ bi, wale bongan a helâ me meic; hwân hnyi hnyin at ke hnyikânâi me helâ me meic; ke hwân hnyi hnyin göranyai me ame ubâhlâ helâ me makan bras.

Mataio 17:2

me e ame ke bongon dut hnyi hnyimaködrin: ke ame hadröngöc hnyimakan helâ me seûno, ke hau anyin je ûkhaû helâ me melâm.

Mataio 28:3

Haba hnyimakan helâ me hucuce, ke hau anyin ûkhaû:

Luka 9:29

Ke e ame tiga hic, me ame ke bongon dut hnyimakan, kʼ ame hau me hadröngöc ûkhaûen.

Hna Omanenâ 10:1

KE oge me wâ ke angela ae man ame utut ûheny hnyi drany, ame khavâ ûlâ; ke e wajileufat hnyi hon ban, ke helâ me seûno hnyimakan, ke haba li can me helâ me li hmolom a meic;

Hna Omanenâ 19:12

Haba li emakan, me bâhlân meic, ke se hia je korona hon ban; ke hu ien adre set wale ae ca khana hnen at, ke ka hake e thibi.

Hna Omanenâ 2:18

Ke sihnalimen ju ka angela anyin ekalesia hnyi Thuataira, ka habe, Walang ta je ûnyi ame ha hnen Nokon Khong, at ae hu li ecmak helâ me bâhlân meic, ke helâ me bras ae hadröngöc li can:

Hna Omanenâ 21:20

sadonuki a thabûnginy; sadio a siksiny; kerusolite a seveniny; berulo a eitiny; topazio a naininy; kerusopala a teniny; uakini a eleveniny; amethusa a twelviny.