Daniela 10:21 - Iaai Bible 1901 (New Caledonia)

²¹ Ke so bi oge me he ka ha köu hna sihnalimen hnyi tusiny hnathu: ke ba hiök hnyi ta je ûnyi eling, ke so thibi Mikaela a tuhöbun.

Daniela 10:21 Iomraidhean Croise

Daniela 10:13

Ke haba thaniny dokhu Peresi ame labö iwatretra mönya twente wan je bong; ke wâ bi, ame o but Mikaela, ke than ae gan he ka hadruo nya: ke oge me laba eling me je thaniny Peresi.

Daniela 12:1

KE haba hnyi ûen eling ame he Mikaela ka tot, wale than ae gan at ame tot singiny aten em hnyei: ke ame he ka hu ûen vec, e ba helâe hwân hnyi hna hwenyi ien, me hnyei, ke ne o but hnyi ûen eling: ke hnyi ûen eling adre me he ka omelo aten em hnyei, ödra hia adre me wâ hna sihnalimidra hnyi tusi.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 8:26

Ke haba hna omanenâ ge je sahac me hnyomakatu waleji adre ha, me e hnathu e; ke so bi, ikhâlâ ju hna omanenâ; anyin ae se hia je bonginy.

Daniela 9:22

Ke e ame nö nya me ûhnenamö mönya, me ha, ka habe, Daniela lö, oge me o but walang ang he ka ometo u, me okhanö u.

Daniela 9:25

Wâhmakhmetoâ thö, ke wâ ûnykûme, a haba hwân hnyi hna hûna he ka ohâtâ me op hmetu Jerusalema ke ne o but at adre hû, a than, me ame he ka seven ta wik: ke haba sikste tu je wik me adre me he ka ânyâ hmetu e, wale je gethen ke köiö igigilo, hnyi ûen adre ovecâ.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Ta je huliwa 15:15

Ke khaca thibi e me hofuc hwan je perofeta; helâji me hna sihnalimen, ka habe,

Ta je huliwa 15:18

Haingen Than, at ame haimemenâ ta je ûnyi e hwân hnyi hna op hmeledrany.

Juda 1:9

Ke haba Mikaela angela ae nua ame ûöhwege me diabolo kʼ ame iwatretra ge unyi Mose, me ca hwege he ka haikongoâ e, ke e ame ha, ka habe, Hamen bi Than he ka thawo u.

Hna Omanenâ 12:7

Ke e hu vat hnyi drany: haba Mikaela me anyin je angela ame vat me drakona; ke drakona me anyin je angela adre me vat mʼ ödra;