Daniela 10:16 - Iaai Bible 1901 (New Caledonia)

¹⁶ Ke wâ bi, ame kâlâ hnyimök ke at helâ me at: me oge me khong ut hnyimök me fuc, me ha ka at ame tot hnyi hnyimakök, ka habe, Than lö, can hna omanenâ, ame takû nya anyik je hlöuhlöu, ke ba but hwegiök.

Daniela 10:16 Iomraidhean Croise

Esodo 4:10

Ke haba Mose ame ha kö Iehova, ka habe, Than lö, iny ca at khet, waleji ehac, me walang ang hwaban hnâm hna fuc könya a athnyabaem: anyin a teta ifucik, ke teta bohmök.

Esodo 4:13

Ke ame ha, ka habe, Than lö, bethe kunâ at u je wem he ka kunâ.

At Khet 1:18

Anyin a e ka gan hmâ metâ, me gan minya bi hmak: ke e ka bi hanen wâhmakhmeto hnen at, me ame bi hanen minya vec.

Isaia 6:7

me e ame kâlâ hnyimök kâu, me ha, ka habe, Wâ bi, ame kâlâ li esongodâm ge ûnyi e; ke adre ohia but ânyâm monu, kʼ adre me hneû degecâ ânyâm hulo.

Jeremia 1:9

Me haba Iehova ame inâ hnyamen me kâlâ hnyimök; ke Iehova ame ha könya, ka habe, Wâ bi, oge hia but ip hok ta je hofuc hnyi hnyimâm:

Ezekiela 1:26

Ke e hnyi hon unyin ae lau ae hnyi hon je bodrin ke ûnyi helâ me theron, helâ me veto safairo; ke ethö hon ûnyi helâ me theron me hu bongon helâ me bongon at ethö hon e.

Ezekiela 3:27

Ke iny ka he ka fuc köu, me oge me he ka khong hnyimâm, ke u me he bi ka ha kodra, ka habe, Walang hna ha hnen Than Iehova, ka habe, Haba at ame long, long ju; ke haba at ae höcö, höcö ju: anyin a ödra lap ûkhin fuc.

Ezekiela 33:22

Ke e huk hnyamö Iehova eja hnyi sahac, ke tiga ca o at a kec möt; ke e ame hia but khong hnyimök, ke ne o but e ame o könya hnyi hnyomakatu; ke ame khong ut hnyimök ke oge ca hum hmetu bi.

Daniela 12:8

Ke oge me löng, ke oge me ca wâ ûnykûme: me oge me ha, ka habe, Tuhok lö, ieû obiny ta je ûnyi eî

Daniela 4:19

Me ame hlohlo Daniela, Beletisaza ke ien, hnyi ong ûen, ke ame ohmâkâ e hnen je hna ûnykûme. Me ame ha than, ka habe, Beletisaza lö, ca he ka hmak ge bwi me bongon e. Ke haingö Beletisaza, ka habe, thân lö, e na ödrin ju tavat adre me hûkötiö u bwi e, ke e na ödra ju je iwahnaihmiony möu bongon e.

Daniela 7:15

Ke haba inya Daniela, me ogo me hlöuhlöu eû hnyi hnyekuk, kʼ ame ohmaki nya je hna omanenâ könya hon hnok hna mokut.

Daniela 7:28

Walang obiny ûnyi. Ke haba inya Daniela oge me hmak ge ta je ûnykûmenök, me ame ke man bi hnyimakök: ke oge me tuö unyi eling eû hnyi hnyekuk.

Daniela 8:15

Ke haba inya Daniela, oge me wâ hna omanenâ, me oge me elâm bi he ka wâhmakhmeto e; ke wâ bi, ame tot ke at hnyi hnyimakök helâ me at.

Daniela 8:17

Me e ame hakekeny ka hnyi dok oge me tot hnyin; ke e ame o but, me oge me ot, me ta hnyikânâi; ke e ame ha könya, ka habe, Nokon at lö, wâhmakhmeto ju; anyin ame he ka hwâdâ hna omanenâ hnyi ûen hnyi obiny.

Daniela 8:18

Ke e ame tiga ûhnenaniö mönva, me oge me mokut hnying me ta ju hnyikânâi: ke e ame kâlö nya me otilö nya.

Daniela 8:27

Ke inya Daniela oge me ta hnyikânâi me mok hnyi ke je bong; me oge me todrö me mâdrâ huliwa anyin than: ke oge me lâiâ hna omanenâ, ke ba at ame wâ ûnykûme.

Daniela 9:21

eke, inya oge me tiga fuc me hic, me haba Gaberiela, waleji oge bok ka wâ hnyi hna omanenâ, ame gâ logot, me kalö nya hnyi ûen adre labö bi hut hnyi sahac.

Luka 1:64

Me ame ie ok ut hnyimen me bohmen, me e ame fuc me ogânâ Khong.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Ioane 20:28

Haba Toma ame thu kâu, ka habe, Tuhok me Khonguk.

Josua 5:14

Ke e ame thu, ka habe, E ba, anyin a oge o hnân taben je utbavat anyi Iehova. Ke Josua ame ta ju hnyikânâi, me nom ju, me ha kâu, ka habe, Ieû hofuc hwan tuhok ka athnyabainy?

Hna Omanenâ 1:13

ke e hnyi wanben je taben lamepa a seven ke at helâ me Nokon at, a khavâ ûkhaû ame beû ke ne o but hnyi hnyeûcan, ke ame weikâ ûlainy ge wen a gol.

Owisa 13:8

Ke haba Manoa ame sumatö Iehova, ka habe, Tuhok lö, ö e o hmetu köhmu aten Khong u je kunâ, me me nʼ öhmu ge ûnyi ohmu me he ka ânyâ ka wanakat ame he ka hnokoâ.

Owisa 6:13

Ke haba Gideona ame ha kâu, ka habe, Tuhok lö, ame ne e but Iehova unyihmun, ieû can ame o kohmun ta je ûnyi hia eang? ke ewa anyin je ûöman hia wale a thumetu ohmun hnen lakamöhmun, ka habe, A ca hum ohmun Iehova ûheny Aigupito! ke walang ang a hia but Iehova digic ohmun bi, me hnʼ ohmun ka hnyi hnyamen at Midiana.

Owisa 6:15

Ke e ame ha kâu, ka habe, Tuhok lö, oge me he ka omelö at Isaraela hnen ieû? wâ bi, haba anyik lap wale ae ûnyi baû hmönyin hnyi Manase, ke iny ûhnyûkong hmönyin hnyi hnyaba cica.