Daniela 10:14 - Iaai Bible 1901 (New Caledonia)

¹⁴ Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 10:14 Iomraidhean Croise

Genese 49:1

KE Jekob ame hawâ lakon, me ha, ka habe: Ûkhacaköu thʼ öbun, kʼ oge ame me he ka omanenâ köbun ta je ûnyi he ka o köbun hnyi ta je bong a biliny.

Isaia 2:2

Hnyi ta je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ hon je hut; ke ame he ta je hnyei hia ka ok ut kâu.

Ezekiela 12:27

Nokon at lö, wâ bi, ame ha lap anyi Isaraela, ka habe, Haba hna omanenâ e ame wâ, me hobi kâu je bong ae tiga sâkâû, ke e ame perofeta ge ta je ûen nyiele.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Daniela 10:1

HNYI huna a kuni Koreso than Peresi, me adre me omanenâ ke ûnyi kö Daniela, adre hwenyi ien Beletisaza; ke e hnathu ûnyi e, wale vat ae gan, me e ame wâhmakhmetoâ ûnyi e, kʼ ame wâ ûnykûme hna omanenâ.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 12:9

Ke haingen, ka habe, Daniela lö, he thö; anyin adre hia but ikhâlâ me ohmâ haten ta je ûnyi e ke ne o but hnyi ûen obiny.

Daniela 2:28

ke so bi, e hu Khong hnyi drany at ame omanenâ ta je ûnyi ae iyong, me e ame hia but thumetu u Nebukaneza than, ta je ûnyi ame he ka o nyiele. Walang bwem ke ûnyi eji u je wâ hon hnâm hna mokut:

Daniela 8:16

Ke oge me löng ifucin at wanben li baten Ulai, kʼ ame hongot me ha, ka habe, Gaberiela lö, omanenâ thö bongon hna omanenâ ka at ang.

Daniela 8:26

Ke haba hna omanenâ ge je sahac me hnyomakatu waleji adre ha, me e hnathu e; ke so bi, ikhâlâ ju hna omanenâ; anyin ae se hia je bonginy.

Daniela 9:22

Ke e ame nö nya me ûhnenamö mönya, me ha, ka habe, Daniela lö, oge me o but walang ang he ka ometo u, me okhanö u.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Mika 4:1

KE haba hnyi je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ e hon je hut, ke ame he ta je hnyei hia ka he kâu.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Numera 24:14

Ke walang ang oge me he but ka hnyi ik hnyei, ke aiö u me oge me he ka ha köu ke je unyi ame he tavat eang ka ânyâ ka lakem hnyi je bong a biliny.

Deuteronomi 31:21

Ke ka o ködra je hulö me je vec ae se, me ame he khumöng ang ka ohnatho ködra; anyin a e ame ca he ka hia hnyi hnyimen je mâtrânidra: anyin ae khanö nya ûnykûmenödra adre me he ka ânyâ, a walang ang, kʼ iny tiga ca hia but hum ödra ka hnyi hnyei waleji oge khemanyinâ.

Deuteronomi 31:29

Anyin ae khanö nya a iny ka mokcu, me öbun e he biju ka oikiki öbun, me sâû ûnyi hnyi gethen waleji oge hûna köbun; ke ame he ka o kong köbun hnyi ta je bong a biliny; anyin a öbun e he ka ânyâ ûnyi ae kong hnyi hnyimakö Iehova, he ka ohmönyinâ e ge je huliwa ae kong anyin li hnyamöbun.

Deuteronomi 4:30

Ke ka o köu vec, kʼ ame ne aat köu ta je ûnyi hia eling, me u me he ka hmetu kö Iehova Khongom hnyi je bong a biliny, me löng hoton hwan hofuc;

II. Timoteo 3:1

KE wâhmakhmetoâ ju ang, ka habe, ame he ka o ta je ûen ae kong hnyi je bong nyiele.

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;