Daniela 10:1 - Iaai Bible 1901 (New Caledonia)

¹ HNYI huna a kuni Koreso than Peresi, me adre me omanenâ ke ûnyi kö Daniela, adre hwenyi ien Beletisaza; ke e hnathu ûnyi e, wale vat ae gan, me e ame wâhmakhmetoâ ûnyi e, kʼ ame wâ ûnykûme hna omanenâ.

Daniela 10:1 Iomraidhean Croise

Genese 41:32

Ke Farao ame olo bo, waleling me me he Khong ka ohmâ ûnyi e, kʼ ame ie he Khong ka ohwâdâ.

II. Man Ûlabainy Je Than. 36:22

Ke haba hnyi huna a bani Koreso than Peresi, me haba Iehova ame bwebwelâ hnyeku Koreso than Peresi, me me hwâdâ hofuc ho Iehova a deny Jeremia, me e ame kunâ metâ ka hnyi dokhon dokhu ehele, me sihnalimen minya, ka habe,

Ezera 3:7

Ke ödrin e ham mone ka tavat up veto, me tavat tretrau uto; me ham jeû me köiö, me wakaco, ka at Zidona me Turo he ka hom je uto arasi ûnyi Lebanona ka hnyi köiö, Jopa ai, hoton hna hna ködrin ga Koreso than Peresi.

Ezera 4:3

Me ame ha ködrin Zerubabela, me Jesua, me je kolon je kamen ae beönua hnyi Isaraela, ka habe, E ca hu hanymöbun unyihmun he ka op uma hobi kâu Khonguhmun; ke öhmun e he ka hake op hobi kö Iehova Khongon at Isaraela, helâ me hna hûna kohmun ga Koreso a than, tuhan at Peresi.

Ezera 4:5

me bi omjeû ka tavat ha bongon mʼ adre me ovhelâ ûnykûmenödrin hnyi ta je bong hia bongu Koreso than Peresi.

Ezera 6:14

Ke haba wahingatiny at Juda adre me op uma me hnahic ut, ûnyi ge hna perofeta hnö Hagai a perofeta me Zakaria nöku Ido. Ke ödrin e op me umo e, hoton musi anyin Khongu Isaraela, me hoton hna hûna hnö Koreso, me Dariu, me Aretaseta thaniny Peresi.

Ezera 6:3

Haba hnyi huna a bân a than hnyin Koreso, me haba Koreso than ame huna, ka habe, Haba ge uma umen Khong hnyi Jerusalema, me adre me he ka op uma, waleji adre me bi hut hnyin, ke adre me he ka ip hwegiâ je taben; kʼ ame he ka beû goranyai sikste kubit, ke sikste kubit ûlauen;

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Daniela 1:17

Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Daniela 1:21

Ke e bi Daniela ke ne o but hnyi huna a bâni Koreso than.

Daniela 1:7

Ke haba tuhan je eunuka ame hwenyi iödrin: ke e ame hwenyi iö Daniela, me Beletisaza; ke Hanania, me Saderaka; ke Misaela, me Mesaka; ke Azaria, me Abedengo.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 11:2

Ke walang ang oge me he ka omanenâ köu hnathu. Wâ bi, ame he ka o kun ta thaniny Peresi; kʼ ame he bi ka tren omjeû ae gan at a vakiny hon ta hnyat a kun: ke e ka hwege bi deny ta je omjehen, me e ame he ka obwebwelâ hia ûcon dökhu Heleni.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 12:9

Ke haingen, ka habe, Daniela lö, he thö; anyin adre hia but ikhâlâ me ohmâ haten ta je ûnyi e ke ne o but hnyi ûen obiny.

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Daniela 4:8

Ke hwaban e ame o but könya Daniela, ke ien Beletisaza, kʼ adre tha ien me anyik khong, ke e unyin hanon je khong ae kap: me oge me ha kâu bwi me ha, ka habe,

Daniela 5:12

anyin adre me wâ hnyok ae beönua unyi Daniela eling, ke wâhmakhmeto, ke wâ ûnykûme, kʼ ame omanenâ bongon je bwi, kʼ ame wia je hofuc ae iyong, ke thang ta je vhet, ke haba than ame hwenyi ien e me Beletisaza. Ke walang, e so he ka hum Daniela, me ame he ka omanenâ bongon.

Daniela 5:17

Haba Daniela ame thu hnyi hnyimakan than, me ha, ka habe, Hnen ju unyâm ânyâm je bwihlany, ke ham bi ka ke at hwaban ûnyi gam; ke so bi oge me he ka aû köu than hna sihnalimen, me omanenâ köu bongon.

Daniela 6:28

Ke so eling Daniela hnyi ûen musi anyi Dariu, me ûen musi anyi Koreso at Peresi.

Daniela 8:16

Ke oge me löng ifucin at wanben li baten Ulai, kʼ ame hongot me ha, ka habe, Gaberiela lö, omanenâ thö bongon hna omanenâ ka at ang.

Daniela 8:26

Ke haba hna omanenâ ge je sahac me hnyomakatu waleji adre ha, me e hnathu e; ke so bi, ikhâlâ ju hna omanenâ; anyin ae se hia je bonginy.

Luka 1:20

Ke wâ bi, u me he ka hum, ame ca he ka khanö u fuc ke ne o but hnyi bong adre me he ka ânyâ hnyin ta je ûnyi e, anyin a u je ca kap hok hofuc, wale ame he ka hwâdâ hnyi ûen e.

Hna Omanenâ 19:9

Ke haingen könya, ka habe. Sihnalimen ju, ka habe, Hnödra hnahic adre me hawâ ka hnyi bijeûiny faipoipo anyin Arenio. Ke haingen könya, ka habe, Wale hofuc ae hnathu hwan Khong.