Daniela 1:2 - Iaai Bible 1901 (New Caledonia)

² Ke haba Than ame hnö Jehoiakima than Juda ka hnyi hnyamen, tha e me ke je omjehen uma umen Khong; me e ame sukhöûnâ ka hnyi hnyei Sinara ka hnyi uma umen khongon: ke e ame ip je omjehen ka hnyi uma omjeû umen khongon.

Daniela 1:2 Iomraidhean Croise

Genese 10:10

Ke haba hwâniny dokhon dökhu, me, Babela, me Ereka, me Akada, me Kalene, hnyi hnyei Sinara.

Genese 11:2

Ke adre me tiga hok töt deiö, me adre me wâ ke dok ae thahon hnyi hnyei Sinara; ke adre me labā e.

II. Je Than 24:1

HABA hnyi bongon je bong ame o but Nebukaneza than Babulona, me haba Jehoiakima ame bi athnyabainy hnyi kun ta huna: ke e ame tot me hna degecâ e.

II. Man Ûlabainy Je Than. 36:5

Twente faiv but je hunai Jehoiakima hnyi ûen e ame hwân ka than; ke e ame musi hnyi Jerusalema eleven je huna; ke e ame ânyâ ûnyi ae kong hnyi hnyimakö Iehova Khongon.

II. Man Ûlabainy Je Than. 36:7

Ke haba Nebukaneza ame hom minya Babulona ai ke je kaiainy uma umö Iehova, me ip hnyin umen uma hnyi Babulona.

Ezera 1:7

Ke haba Koreso a than ame hom minya but je kaiainy uma umo Iehova, waleji a hom Nebukaneza ûnyi Jerusalema me ip hnyi uma umen khongon je khong;

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 42:24

Ia hnö Jekob mʼ adre me söh, me Isaraela ka tavat venöu? hawa, ca hnö Iehova? waleji at ate me ânyâ hulo kâu, ke adre me höcö he ka vheno deny je gethen, ke khaca adre me ca long bi anyin ta je hnanyibu.

Jeremia 25:1

HOFUC ame o kö Jeremia ge tavat Juda hia hnyi huna a vaki Jehoiakima nöku Josea, than Juda; wale huna a bâni Nebukaneaz than Babulona;

Jeremia 27:16

Ke oge me fuc minya ka tavat bihut, me tavat hia eang, ka habe, Walang hna ha hnö Iehova, ka habe, Ca löng bi je hofuc hwan anyibun je perofeta, tavat adre me perofeta köbun me ha, ka habe, Wâ bi, adre me he ka ie hom hmetu je kaiainy uma umö Iehova ûheny Babulona: anyin a ödra adre me perofeta thoi köbun.

Jeremia 28:3

E ka tiga ca um bi li huna oge me he ka ohmeto ka hnyi dok ang ta je omjehen hia uma umö Iehova, waleji hnö Nebukaneza than Babulona hna hom ûheny ang, me hom Babulona ai:

Jeremia 35:11

Ke haba hnyi ûen eji ame o Nebukaneza than Babulona ka hnyi hnyei, me ohmun e ha, ka habe, Ai öbun, ate me he Jerusalema ai me kec ge utbavat a at Kaledaia, me utbavat a at Suria; me ohmun dut ang ohmun e laba hnyi Jerusalema.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Jeremia 51:44

Ke oge me he ka bi hwaban kö Bel hnyi Babulona, ke oge me he ka hom hmetu ûnyi hnyi hnyimen ûnyi e ame hia but utâ; ke ame ca he ka o kâu je hnyei: eke, ame he ka ta but hna up veto hnyi Babulona.

Daniela 5:13

Me adre me hum Daniela ka hnyi hnyimakan than. Ke haingen than kö Daniela, ka habe, U Daniela hanen je bâ anyin at Juda, waleji hnen than a kamök hna hom ûheny Juda?

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Habakuka 1:16

Anyin a wale, e ame bi hut ka ûten ert, kʼ ame leû utö ae bo so ka ûten ert hlihli; anyin ae pipikhenya jekhon ûnyi gan, ke gan hmâ an jeû.

Zakaria 5:11

Ke haingen könya, ka habe, Ödru me he ka bi umen uma hnyi hnyei Sinara: ke e ka penapena, adre me he ka ip momo hnyin wale hnyi hing taben lap.

Deuteronomi 32:30

Ama kâmâu at a khaca he ka hnu thauzan, Me okecâ ten thauzan ge li at a lo, Ame ne ca bân anyidra Kic ka ûco degeci ödra, Me hna degeci ödra hnö Iehova?

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 3:8

Anyin a wale ame ubâhlâ hmonyin anyi Iehova ka at Isaraela, me e ame ûcû ödrin ko Kusani-risathaima than Mesopotamia: me lakon Isaraela adre me bi athnyabai Kusani-risathaima eit ta huna.

Owisa 4:2

Ke haba Iehova ame ûcû ödrin ka hnyi hnyamö Jabin than Kanana, at ame musi hnyi Hazora; ke Sisera taben anyin vat, at ame! laba hnyi Haroseth hnyi je hnyei.

I. Samuela 5:2

Ke at Filisiti adre me hom tang tangen Khong me vadren ka hnyi uma umo Dagona, me ip e unyi Dagona.