Daniela 1:19 - Iaai Bible 1901 (New Caledonia)

¹⁹ Ke haba than ame ûhnenamö mödrin; ke ba ke at gadra hia adre me wâ ae ûcû me Daniela, me Hanania, me Misaela, me Azaria: anyin a wale ödrin e tot hnyi hnyimakan than.

Daniela 1:19 Iomraidhean Croise

Genese 41:46

Ke thöte ta je hunai Josefa, hnyi ûen e ame tot hnyi hnyimakö Farao than Aigupito. Ke Josefa ame he ûheny ûnyi Farao, me vheno hnyei Aigupito hia.

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

Ta je Vejec 22:29

U je wâ but at ame ânyâ logotâ anyin huliwa? awe, e ame he ka tot hnyi hnyimakan je than; E ame ca he bi ka tot hnyi hnyimakan hoûmonu.

Jeremia 15:19

Anyin a wale, walang hna ha hnö Iehova, ka habe, U je ne he ka hmetu, me oge me he ka hum u, ke u me he ka tot hnyi hnyimakök: ke u je ne he ka oc ut ûnyi ae ûnyi hnathu ûnyi hnyi ûnyi ae ikiki, u me he ka helâ me hnyimök: adre me he ka hmetu köu, ke u me ca he ka hmetu kodra.

Daniela 1:18

Ke ame um dö je bong waleji hnen than hna thu bongon he ka hum ödrin, me haba tuhan je eunuka ame hum ödrin ka hnyi hnyimakö Nebukaneza.

Daniela 1:4

a je thoth ae ba hnyikongudrin, hnyat ae hmanenang he ka wâ, ke hnyat ae khanʼ ödrin je metâ hia, kʼ ödrin e wâhmakhmeto, ke tremângâ je hna ûne, hnyat ae ûcû he ka tot hnyi uma umen than; me hamen be ka nʼ ödrin ge ûne ke hwen Kaledaia.

Daniela 1:5

Ke haba than ame khenâ ködrin jeû an than hnyi taogo bong, ke waina a belen, me adre me he ka hat ödrin hnyi kun ta huna; me hwaban e me ödrin e he ka tot hnyi hnyimakan than.

Daniela 1:6

Ke wale unyidra, a hanen lakon Juda, Daniela, ke Hanania, ke Misaela, ke Azaria.

Daniela 1:7

Ke haba tuhan je eunuka ame hwenyi iödrin: ke e ame hwenyi iö Daniela, me Beletisaza; ke Hanania, me Saderaka; ke Misaela, me Mesaka; ke Azaria, me Abedengo.

Daniela 2:13

Ke adre me haimemenâ hnanyibu, ke adre me he ka hlingâ tavat ae metâ; ke adre me elom Daniela me je lahanen he ka hlingʼ ödrin.

Daniela 3:29

Anyin a wale oge me otilâ hnanyibu, a haba tavat hia, me ta je hnyei, me je ve hwen hnyei, adre ne he ka ha ûnyi ae kong ge Khongu Saderaka, me Mesaka, me Abedenego, me adre me he ka subâ omomonu ödra, me wia umödrin je uma hnân digic thatûnyi: anyin ae ba ke khong ae khana he ka ûhomeli helâe.