Daniela 1:17 - Iaai Bible 1901 (New Caledonia)

¹⁷ Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Daniela 1:17 Iomraidhean Croise

I. Je Than 3:12

awe, oge hia but ânyâ helâ me hnâm hna ha: me wâ bi, oge hia but ham köu hnyok ae metâ me wahmakhmeto; ke ba ke at a helâ möu ehac, ke haba khaca, e ba ke at ame he ka ûcû möu ame he ka o hwabâm.

I. Je Than 3:28

Haba at Isaraela hia adre me long hna owisa hnen than; me adre me outen than: anyin adre me wâ a e unyin metâ he ka owisa ûnyi ge Khong.

II. Man Ûlabainy Je Than. 1:10

Ö u ham könya walang metâ me wâhmakhmeto, mʼ inye he ka didrut me didro hnyi hnyimakan tavat eang: anyin a ie at ae khana he ka owisa ka lakem eang ae gan?

II. Man Ûlabainy Je Than. 1:12

awe adre ma ham köu metâ me wâhmakhmeto; ke oge me he ka ham köu omjeû, me ta ûnyi, me hna ogânâ ae ca hu helâe je than a bân, ke ame ca he ka helâe hwabâm.

II. Man Ûlabainy Je Than. 26:5

Ke e ame penapena hnyekon he ka elâm Khong hnyi je bong bongu Zakaria, at a hu metâ hnyi je hna omanenâ hnen Khong: ke haba hnyi ta je bong e ame elöm Iehova me haba Khong ame ohnahicâ e.

Jobu 32:8

Ke e hu hanu eû hnyin at, Ke haba homenân Ataekhanahia ame ham ködrin wâ ûnykûme.

Ta je Vejec 2:6

Anyin a Iehova ame ham metâ; Ke ûnyi hnyi hnyimen ame o wâhmakhmeto me wâ ûnykûme:

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

Isaia 28:26

Anyin a Khongon ame ometâ e hoton wisa, me nâ e.

Ezekiela 28:3

ke wâ bi, u at ae metâ hu Daniela; ke ba ke ûnyi ae iyong adre me ikhâlâ gam:

Daniela 1:18

Ke ame um dö je bong waleji hnen than hna thu bongon he ka hum ödrin, me haba tuhan je eunuka ame hum ödrin ka hnyi hnyimakö Nebukaneza.

Daniela 1:20

Ke haba hnyi ta ûnyi hia ge metâ me wâhmakhmeto, wale ame hnei ödrin gan than, e ame ö ʼdrin a ten beonuâ anyidrin metâ hon metâiny ta je magoi hia me tavat bihihwakecin hnyi dokhon dokhu hia.

Daniela 1:4

a je thoth ae ba hnyikongudrin, hnyat ae hmanenang he ka wâ, ke hnyat ae khanʼ ödrin je metâ hia, kʼ ödrin e wâhmakhmeto, ke tremângâ je hna ûne, hnyat ae ûcû he ka tot hnyi uma umen than; me hamen be ka nʼ ödrin ge ûne ke hwen Kaledaia.

Daniela 10:1

HNYI huna a kuni Koreso than Peresi, me adre me omanenâ ke ûnyi kö Daniela, adre hwenyi ien Beletisaza; ke e hnathu ûnyi e, wale vat ae gan, me e ame wâhmakhmetoâ ûnyi e, kʼ ame wâ ûnykûme hna omanenâ.

Daniela 2:19

Me adre me omanenâ kö Daniela hnyi hna omanenâ huyi lit ûnyi eling ae iyong. Me haba Daniela ame haisoâ Khongon drany.

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Daniela 2:23

Inya oge me ole me oganö u Khongon lakamök, u at a ham könya metâ me man, ke u je hia but omanenâ könya walang ang hnöhmun hna sumatö u: anyin a u je hia but omanenâ kohmun ûnyi anyin than.

Daniela 2:30

Ke haba inya, me adre me ca omanenâ könya ûnyi ang ae iyong can a iny metâ hon tavat hia ae möt, ke so bi hnân omanenâ bongon ka than, me me khanö u thö je ûnykûmenen hnyekom.

Daniela 4:6

Anyin a wale oge me otilâ hnanyibu he ka hom könya tavat metâ hia hnyi Babulona, me me hamödra he ka omanenâ bongon bwi.

Daniela 5:14

Oge hia but löng gam a e unyâm hanon je khong, ke adre me wâ melam unyâm, ke wâ ûnykûme, ke metâ ae beönua.

Daniela 7:1

HNYI huna a bâni Belesaza than Babulona, Daniela ame bwi, ke hu ûnyi ame manen kâu hon hnen hna mokut: me e ame sihnalimen bwi, me ha önyen ta je ûnyi.

Daniela 8:1

HNYI huna a kuniny musi anyi Belesaza than, a o thö hna omanenâ könya, wale könya Daniela, hwaban hnok hna wâ a bân.

Numera 12:6

Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Ta je huliwa 6:10

Ke ca khanʼ ödra thu hmetu anyin metâ me Hanu at ame ofucâ e.

Ta je huliwa 7:10

kʼ ame omelö e ûnyi hnyi anyin ta je vec hia, me ham kâu ibetengiö me metâ hnyi hnyi-makö Farao than Aigupito; ke e ame otilâ e me me musi hnyi Aigupito me hnyaban hia.

Ta je huliwa 7:22

Ke adre me nö Mose hnyi ta je metâ hia anyin at Aigupito; kʼ ame metâ but hnyi hofuc a hwan, me anyin ta je huliwa.

Kolose 1:9

Anyin a wale öhmu me ca menâ hic, me sumat hobi köbun hwân hnyi bong öhme long hnyin, mʼ adre me he ka unöngöt ge hna wâhmakhmetoâ weny, hnyi metâ me wâ ûnykûme hia hnyi Hanu,

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.