ज्याल्गा 4:4 - ह्योल्मो4 ओ़ह ज़्य़ू-ठिकी कोर-क्यिहले लेहमेन ङ्यिहस्यु िज़्य ज्यू़-ठिया़ येहकें, ओहले ओ़ह ज्यू़-ठिया़ला सेरकी पेस्यो दाङ नाहम्सा कार्पु नोम्ग्यो ङ्यिहस्यु िज़्य छ्य़े-ठिमकी लोबेनया़ ज़्य़ू नाङग्यो ङाहगी थोङसीन। Faic an caibideil |
ज्याल्गा 4:4
24 Iomraidhean Croise
ओ़ह बुम च्यी़ दाङ ज़्यिप्च्यु ज़्यि मिहया़ ज़्य़ू-ठिकी दिनला ओहले ओ़ह सोम्बो सेम्ज्येन ज़्यि दाङ छ्य़ेकी खेम्बुया़गी दिनला लाहङदी ल़ू साम्बा च्यी़ लेहन्गेनॱराङ येहकें। जाम्बुलीङले रिहन च्याल्दी खा फे़क्यो बुम च्यी़ दाङ ज़्यिप्च्यु ज़्यि मिहया़गी मिहम्बा लेहमेन सुज्यीगीॱआङ ओ़ह छ्ये़-लु लोप मी़हखुएँ येहकें।
ता़ह ख्या थो़ला तुहक्पु बाप ओहङज्ये पेहती येह ओ़ह यिहन्ज्यु मा़हन्ज्यी। ती़ह गो-छ्येवागी ख्या नाहङला लाहलाला ङ्याहम च्येच्ये म़ेदी चोन-खाङला लू़ज्ये पेहती येह, ओहले ख्याला ङ्यिहमा च्यु थु च्यी़राङ तुहक्पु ओहङज्ये येह। स्यि कोहॱनाङ ङाहलेगी तेहपा मा़हलोह, ओहले क्याहल्दी ज्योर्केन्की च्याहगा था़ म़ेहबा मिहली ज़ाङबु ङाह ख्येला तेर्के।
ओहले ङाहगी ज्यू़-ठिया़ दाङ ओ़ह खाला ज़्य़ू नाङगेनया़ला थोङसीन, खुङया़ला ठिम ताङगेन्गी ओङ नाङदी येहकें। येशूगी पाङबु तेहक्यो सोङबे ओहले किन्ज्योगी सुङ प्रा साल्ग्यो सोङबे मिहगी लाहक्पाले पेहती स्यि कोहक्यो मिहगी नाम्स्यीया़ॱआङ ङाहगी थोङसीन। खुङया़गी ओ़ह सेम्ज्येन दाङ खोगी कुला छ्येपा माहफुल येहकें ओहले राहङगी प्राला दाङ लाहक्पाला ओ़ह सेम्ज्येनदी पार माहक्याहप येहकें। खुङ येहपाराङ सोम्बो लो़हदी लाहङसीन ओहले लोह तोङरा च्यी़ थु मास्यीका ङ्याम्बु ओङ छ्य़ेसीन।
ओ़ह तिङले सोम्बो सेम्ज्येन ज़्यि दाङ टाहङबु छ्य़े-ठिमकी लोबेनया़गी ति-खिरे कोर्ते ज़्य़ूक्यो ओ़ह ज़्य़ू-ठिकी पाहरक्यीला ल़ूह स्ये़बु च्यी़ ज़्याङदी ज़्य़ूक्यो थोङसीन। दि ल़ूह स्ये़बुदी सेत्ती ज़्या़क्यो ल़ेहमु थोङगो येहकें। मिहरोगी रोहवा तिहन दाङ मी़ॱआङ तिहन येहकें ओ़हदी जाम्बुलीङ थाम्ज्यीला ताङग्योगी किन्ज्योगी थु तिहन यिहन्गे।
ओ़हजेलाराङ सोम्बो सेम्ज्येन ज़्यि दाङ टाहङबु छ्य़े-ठिम ताङगे लोबेन खाल च्यी़ ज़्यिगी ल़ूह स्ये़बुकी कुम्देनला छ्या़ छाल्सीन। ओहले खुङ रे़ह-रे़हगी लाहक्पाला वीणा दाङ टिहमा स्यिहम्बु स्युक्पागी काहङग्यो सेरकी साङबुर येहकें। ओ़ह स्युक्पाकी टिहस्यिहमदी किन्ज्योला स्याहप्तो स्युहएँया़गी ओहर-छ्य़े स्य़ूहक्योकी सोल्वाङया़ यिहम्बा।
ओ़ह तिङले ङाहगी तासीन ओहले सुगीॱआङ टाहङजी क्याहपॱराङ मी़हखुएँ मिह मिह-माहङ छ्यिम्बुच्यी थोङसीन। खुङ रेबेॱराङ क्यिहपा, छाङ, मिहया़ ओहले लेहमेन लेहमेन ताम माएँ मिहया़लेगी ओहङग्यो येहकें। खुङ काप्च्या कार्पु केहन्दी लाहक्पाला खजूर तोहङबोकी याहल्गा थो़दी ज़्य़ू-ठि दाङ ल़ूह स्ये़बुकी दिनला लाहङदी तेहक्यो येहकें।
Sanasan