ज्‍याल्‍गा 4:2 - ह्योल्‍मो

² ओ़हजेलाराङ ङाह थो़ला थु फेप नाङसीन। ओहले स्‍यिहङगामला ज़्‍य़ू-ठि च्‍यी़ ज़्‍या़दी येहकें ओहले ओ़ह ज़्‍य़ू-ठिला ङाहगी मेहन्‍दा च्‍यी़ ज़्‍य़ू नाङग्‍यो थोङसीन।

ज्‍याल्‍गा 4:2 Iomraidhean Croise

मत्ती 22:43

येशूगी खुङया़ला सुङ नाङसीन, “आहन्‍डा यिहन्‍सीमाना च्‍यिबे दाऊदला किन्‍ज्‍योगी थुगी मिहरोला ‘चो़वो’ म़ेदी मा च्‍य़ू नाङग्‍यो? च्‍यिबेमाना दाऊद खो राहङगीराङ दि ल़ेहमु म़ेदी माक्‍यो येहकें–

हिब्रू 8:1

ता़ह ङ्यिहगी माज्‍ये छोल्‍ग्‍यो तामदी दिराङ यिहम्‍बा: ओहराङ ङ्याम्‍बु दि ल़ेहमु गो-छ्येवा पूजाहारी ज़्‍य़ू नाङदी येह, मिहरो स्‍यिहङगामला चा़ छ्यिम्‍बु किन्‍ज्‍योगी योबा ङो़गी ठिला ज़्‍य़ू नाङदी येहबा।

ज्‍याल्‍गा 1:10

चो़वोकी ङ्यिहमाला ङाह नाम्‍पार-ताहक्‍पा थुगी काहङदी येहकें, ओहले रोहवा-लीङती ल़ेहमु छ्यिम्‍बु सुङ-क़ेला ङाहगी क्‍याहप ङो़ले ङाहला दि ल़ेहमु सुङगेनॱराङ जेक्‍यो ङाहगी थ़ेसीन,

ज्‍याल्‍गा 12:5

ओ़ह पी़हमीगी थाम्‍ज्‍यी क्‍यिहपाया़ला च्‍या़गी प्रेहकागी ओङ छ्य़ेएँगी पुह च्‍यी़ क्‍येसीन। ओ़ह पेहजाला किन्‍ज्‍यो साला क्‍या़दी मिहरो ज़्‍य़ू नाङगेन्‍गी ज़्‍य़ू-ठिला ख्‍येर्सीन।

ज्‍याल्‍गा 17:3

ओहले ङाह नाम्‍पार-ताहक्‍पा थुगी काहङदे बोलो-छ्योलो काहल्‍सीन ओहले स्‍यिहङगामकी स्‍याहप्‍च्‍यीगी ङाहला रिह-काम्‍बुला नोम फेप्‍सीन। माहर्मु सेम्‍ज्‍येन थो़ला स्‍येहन्‍ग्‍योगी पी़हमी-पेहजा च्‍यी़ ङाहगी ओ़हला थोङसीन। ओ़ह सेम्‍ज्‍येनदी गो़ तिहन दाङ रोहवा च्‍यु थाल येहकें ओहले किन्‍ज्‍योला स्‍ये़हन्‍डील पेहकेन्‍गी मिहनया़ ओ़ह सेम्‍ज्‍येनगी ज़ुबु काहङग्‍याराङ प्री़हदे येहकें।

ज्‍याल्‍गा 19:4

ओहले ओ़ह छ्य़े-ठिमकी लोबेनया़ मेहन्‍दा खाल च्‍यी़ ज़्‍यि ओहले ओ़ह सोम्‍बो सेम्‍ज्‍येन ज़्‍यिगी खेप्‍चु क्‍याहप्‍ती ज़्‍य़ू-ठिला ज़्‍य़ू नाङग्‍योकी किन्‍ज्‍योला दि ल़ेहमु म़ेदी छ्या़ छाल्‍सीन, “आमेन, हाल्‍लेलूयाह!”

ज्‍याल्‍गा 20:11

ओहले ङाहगी कार्पु छ्यिम्‍बु ज़्‍य़ू-ठि च्‍यी़ दाङ ओ़ह ज़्‍य़ू-ठि खाला ज़्‍य़ू नाङगेन्‍दीला थोङसीन। मिहरो दिनले जाम्‍बुलीङ दाङ नाम प्रे़हदी काहल्‍सीन, ओहले खुङया़ला का़हॱलाङ ग्‍या़ माहन्‍ज्‍योर।

ज्‍याल्‍गा 21:10

ओ़ह तिङले ओ़ह स्‍यिहङगामकी स्‍याहप्‍च्‍यीगी ङाहला नाम्‍पार-ताहक्‍पा थुला छ्यिम्‍बु दाङ थुम्‍बु लाह काहङदो च्‍यी़ला नोम फेप नाङसीन ओहले किन्‍ज्‍यो लाहमले स्‍यिहङगामलेगी माहर फेप्‍केराङ जेक्‍योगी नाम्‍पार-ताहक्‍पा यरूशलेम क्‍याहसा ङाहला तेन नाङसीन।

ज्‍याल्‍गा 21:5

ओहले ज़्‍य़ू-ठिला ज़्‍य़ू नाङगेन किन्‍ज्‍योगी ङाहला सुङ नाङसीन, “त़ेदोङ, ता़ह ङाह थाम्‍ज्‍यीराङ से़हया़ साम्‍बा ज़ोएँ।” मिहरोगी ङाहला दि ल़ेहमुॱआङ सुङ नाङसीन, “दि प्री़हदोङ, च्‍यिबेमाना दि तेहन्‍दाम दाङ सेमले खाल ख़ूएँगी ताम यिहम्‍बा।”

ज्‍याल्‍गा 3:21

का़हन्‍दीगी क्‍याहल्‍गे, खोला ङाह ङ्याम्‍बु ङाहती ठिला तेहच्‍येला ओङ तेर्के। ङाह राहङगीॱआङ क्‍याहल्‍ग्‍यो सोङबे ङाहती याहप ङ्याम्‍बु मिहरोगी ज़्‍य़ू-ठिला ङाह तेहती येहबा।

ज्‍याल्‍गा 4:10

ओहले खुङया़गी छ्ये़-लु लेहन्‍गेनॱराङ पेहकेमु नाहम्‍स्‍यी किन्‍दु सोम्‍बो दाङ ज़्‍य़ू-ठिला ज़्‍य़ू नाङगेन्‍दीगी दिनला ओ़ह ङ्यिहस्‍यु िज्‍़य छ्य़े-ठिमकी लोबेनया़ खेप्‍चु क्‍याहप्‍ती छ्या़ छाल्‍सीन ओहले खुङया़गी राहङ-राहङगी पेस्‍यो ज़्‍य़ू-ठिकी दिनला ज़्‍या़दी दि ल़ेहमु मासीन,

ज्‍याल्‍गा 4:5

ओ़ह ज़्‍य़ूॱठिलेगी चिलाम ल़ेहमु येहपा छ्या़उ येहकें ओहले दिर्ती नाम क़े तेन्‍गेन ल़ेहमु क़ेया़ थेन्‍दी ओहङगो येहकें, ओहले ओ़ह ज़्‍य़ू-ठिकी दिनला मेहगी लो तिहन थाल ती़हदी तेहक्‍यो येहकें। ओ़हदी किन्‍ज्‍योकी थु तिहन यिहन्‍गे।

ज्‍याल्‍गा 4:9

नाहम्‍स्‍यी किन्‍दु सोम्‍बो ज़्‍य़ू नाङगेन ओहले ज़्‍य़ू-ठिला ज़्‍य़ू नाङगेन्‍दीला ओ़ह सेम्‍ज्‍येन ज्‍य़िगागीॱराङ ज़िज्‍यिद, चा दाङ थुज्‍यी छ्य़ेगी छ्ये़-लुया़ लेहन्‍गेनॱराङ येहकें।

ज्‍याल्‍गा 5:1

ज़्‍य़ू-ठिला ज़्‍य़ू नाङगेन्‍दीती योबा छ्या़ला ङाहगी छ्य़े टिहल्‍मा च्‍यी़ थोङसीन। ओ़ह छ्य़े टिहल्‍माला लेहप ङ्यिकाराङ ङो़ले यिहगी प्रुहक्‍यो येहकें, ओ़ह छ्य़ेला थे़जी तिहन थाल क्‍याहप्‍ती ज़्‍या़ नाङग्‍यो येहकें।

ज्‍याल्‍गा 5:13

स्‍यिहङगाम, जाम्‍बुलीङ, साप्‍स्‍यी तिहङ दाङ छो-क्‍याहम्‍जोला येहकेन रेबेॱराङ सेम्‍ज्‍येनया़गी दि छ्ये़-लु लेहन्‍गेनॱराङ पेहक्‍यो ङाहगी थ़ेसीन, “ज़्‍य़ू-ठिला ज़्‍य़ू नाङगेन दाङ ल़ूह स्‍ये़बुला नाहम्‍स्‍यी किन्‍दु क्‍याहल्‍स्‍यो-क्‍याहल्‍स्‍यो, ची़नाङ, चा दाङ वाङज्‍या ओहङज्‍यु!”

ज्‍याल्‍गा 6:16

खुङया़गी लाहया़ दाङ तोह-पा़राया़ला मासीन, “ङ्यिह थो़ला रोहम स्‍यो, ओहले ज़्‍य़ू-ठिला ज़्‍य़ू नाङगेन्‍गी स्‍याहल्‍दोङ दाङ ल़ूह स्‍ये़बुकी थुयाललेगी ङ्यिहला पे़ह नाङदोङ,