ज्याल्गा 11:3 - ह्योल्मो3 ओहले फाजीगी काप्च्या केहन्ग्यो ङाहगी पाङबु तेर्के मिह ङ्यी़ला ङ्यिहमा तोङरा च्यी़ दाङ ङ्यिहक्या डुप्च्यु थु किन्ज्योकी सुङ प्रा-साल्ज्येला ताङज्ये येह।” Faic an caibideil |
ज्याल्गा 11:3
43 Iomraidhean Croise
यिहॱनाङ खोगी ख्येगी ताम मिहङ्यीहन्सीमाना लेहमेन मेहन्दा च्यी़ क्यिनी मेहन्दा ङ्यी़ ङ्याम्बुराङ काहल्दी खोला लोप्ताम क्याहप्तोङ च्यिबेमाना सुङरापला प्रुहक्यो ल़ेहमुराङ थाम्ज्यी ठू़स्यीया़ ताहक्स्यार पेहच्येला मेहन्दा ङ्यी़ क्यिनी मेहन्दा सुम थु मिहया़ पाङबु ज़्या़ज्येला क़े क्याहप कोहएँ।
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ओहले ओ़ह स्यिहङगामकी स्याहप्च्यीला छ्या़ छाल्ज्येला ङाह मिहरोगी स्याहपला खेप्चु क्याहप्सीन। यिहॱनाङ मिहरोगी ङाहला दि ल़ेहमु सुङ नाङसीन, ख्येगी ङाहला दि ल़ेहमु पेहच्ये मेहयोहङगे। ङाहॱआङ येशूगी तेहन्दाला पाङबु तेर्केन्गी ख्ये दाङ ख्येगी नो़हया़ ङ्याम्बु-ङ्याम्बुराङकी रो़ह दाङ योक्पुज्यीराङ यिहम्बा। किन्ज्योला छ्या़ छाल्दोङ! च्यिबेमाना चो़वो येशू मास्यीकागी तेन नाङग्यो तेहन्दामगीॱराङ लुहङतेम्बाया़ला स्युक क्ये च्य़ूएँ।
ओहले ङाहगी ज्यू़-ठिया़ दाङ ओ़ह खाला ज़्य़ू नाङगेनया़ला थोङसीन, खुङया़ला ठिम ताङगेन्गी ओङ नाङदी येहकें। येशूगी पाङबु तेहक्यो सोङबे ओहले किन्ज्योगी सुङ प्रा साल्ग्यो सोङबे मिहगी लाहक्पाले पेहती स्यि कोहक्यो मिहगी नाम्स्यीया़ॱआङ ङाहगी थोङसीन। खुङया़गी ओ़ह सेम्ज्येन दाङ खोगी कुला छ्येपा माहफुल येहकें ओहले राहङगी प्राला दाङ लाहक्पाला ओ़ह सेम्ज्येनदी पार माहक्याहप येहकें। खुङ येहपाराङ सोम्बो लो़हदी लाहङसीन ओहले लोह तोङरा च्यी़ थु मास्यीका ङ्याम्बु ओङ छ्य़ेसीन।
Sanasan