ज्‍याल्‍गा 10:3 - ह्योल्‍मो

³ ओहले सिङग्‍यी ङाहर्कें ल़ेहमु मिहरोगी सुङ-क़े छ्यिम्‍बुच्‍यी तेन लुहङ म़ेहबा नामॱआङ लेहमा तिहन थु गड्याङ-गुडुङ पेहती क़े तेन्‍सीन।

ज्‍याल्‍गा 10:3 Iomraidhean Croise

ज्‍याल्‍गा 14:2

छ्यु छ्युम्‍ग्‍यार दाङ नाम गड्याङ-गुडुङ पेहती क़े तेन्‍ग्‍यो ल़ेहमु स्‍यिहङगामले ओहङग्‍योगी क़े च्‍यी़ ङाहगी थ़ेसीन। ओ़ह क़े वीणा तुहङगेनया़गी तुहङगेनॱराङ पेहक्‍योगी वीणाकी क़े ल़ेहमु येहकें।

ज्‍याल्‍गा 15:1

ङाहगी स्‍यिहङगामला छ्यिम्‍बु दाङ याहम्‍जेम्‍बाकी लेहमेन ता़स्‍यी च्‍यी़ थोङसीन: स्‍यिहङगामकी स्‍याहप्‍च्‍यी तिहनगी ज्‍युक्‍स्‍योलला बाप्‍केन्‍गी तुहक्‍पुया़ नोम्‍दे येहकें, च्‍यिबेमाना खुङया़लाॱराङ किन्‍ज्‍योकी थुयाल छाङबु डोज्‍ये येह।

ज्‍याल्‍गा 15:7

ओहजेला ओ़ह सोम्‍बो सेम्‍ज्‍येन ज़्‍यि नाहङले सेम्‍ज्‍येन च्‍यी़गी नाहम्‍स्‍यी किन्‍दु ज़्‍य़ू नाङगेन किन्‍ज्‍योकी थुयालकी काहङग्‍यो सेरकी फार्को तिहन ओ़ह स्‍यिहङगामकी स्‍याहप्‍च्‍यी तिहनला तेर्सीन।

ज्‍याल्‍गा 4:5

ओ़ह ज़्‍य़ूॱठिलेगी चिलाम ल़ेहमु येहपा छ्या़उ येहकें ओहले दिर्ती नाम क़े तेन्‍गेन ल़ेहमु क़ेया़ थेन्‍दी ओहङगो येहकें, ओहले ओ़ह ज़्‍य़ू-ठिकी दिनला मेहगी लो तिहन थाल ती़हदी तेहक्‍यो येहकें। ओ़हदी किन्‍ज्‍योकी थु तिहन यिहन्‍गे।

ज्‍याल्‍गा 8:5

दि तिङले ओ़ह स्‍यिहङगामकी स्‍याहप्‍च्‍यीगी साङबुर थो़दी छ्येकाङकी मेहस्‍या काङसीन, ओहले जाम्‍बुलीङला क्‍युर चाहङसीन। ओहले नाम दिर्ती क़े तेन्‍सीन ओहले चिलाम क्‍याहप्‍ती साङगुल ओहङसीन।