ज्‍याल्‍गा 1:7 - ह्योल्‍मो

⁷ त़ेदोङ, मिहरो मुक्‍पाला फेप नाङगेराङ येह, ओहले मिह थाम्‍ज्‍यीगी मिहरोला थोङज्‍ये येह ओहले मिहरोला दुङगी चो़क्‍योया़गीॱआङ थोङज्‍ये येह। थाम्‍ज्‍यी मी़गी मिहरोला थोङज्‍ये येह। ओहले जाम्‍बुलीङकी थाम्‍ज्‍यी क्‍यिहपाया़गी मिहरोगी तेहन्‍दाला ङ्याहङेन पेहच्‍ये येह। दि ल़ेहमुराङ ओहङज्‍यु। आमेन।

ज्‍याल्‍गा 1:7 Iomraidhean Croise

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

मत्ती 16:28

तेहम्‍बाराङ ङाह ख्‍याया़ला माएँ, मिहगी स़ेबु राहङगी क्‍याहल्‍सीला फेप्‍क्‍यो माहथोङ थु देला ङ्यिहन्‍गेया़ नाहङला काहजेनी स्‍यिज्‍येॱआङ म़ेह।”

मत्ती 24:30

“ओ़ह तिङले नामला मिहगी स़ेबु फेप नाङगेन्‍गी ताक्‍छेन थोङज्‍ये येह। मिहगी स़ेबुला ओङ छ्यिम्‍बु दाङ ज़िज्‍यिद ङ्याम्‍बु नामगी मुक्‍पाला फेप्‍केनॱराङ जेक्‍यो थोङदी जाम्‍बुलीङगी क्‍यिहपा थाम्‍ज्‍यीगी मिहया़ ङुहप्रा तिहङरा पेहच्‍ये येह।

मत्ती 25:31

“मिहगी स़ेबु थाम्‍ज्‍यीराङ स्‍यिहङगामगी स्‍याहप्‍च्‍यीया़ ङ्याम्‍बु राहङगी ज़िज्‍यिद छ्यिम्‍बुला फेप्‍ती राहङगी ज़्‍य़ू-ठिला ज़्‍य़ू नाङज्‍ये येह।

मत्ती 26:64

ओहले येशूगी सुङ नाङसीन, “ओ़हदीनी राहङगीराङ सुङ नाङगु दु, ङाह राहङ फे़बेया़ला माएँ ता़ह यिहन्‍ज्‍यु राहङ फे़बेया़गी मिहगी स़ेबुला ओङ छ्यिम्‍बु किन्‍ज्‍योगी योबा ङो़गी ज़्‍य़ू-ठिला ज़्‍य़ू नाङग्‍यो दाङ स्‍यिहङगामले माहर मुक्‍पाला फेप्‍केनॱराङ जेक्‍यो थोङज्‍ये येह।”

मर्कूस 13:26

ओ़ह तिङले मिहगी स़ेबु ओङ छ्यिम्‍बु दाङ ज़िज्‍यिद ङ्याम्‍बु मुक्‍पाला फेप्‍केनॱराङ जेक्‍यो थोङज्‍ये येह।

मर्कूस 14:62

ओहले येशूगी सुङ नाङसीन, “यिहम्‍बा, ङाह यिहम्‍बा ओहले ङ्यिहमा च्‍यी़ ख्‍या फे़बेया़गी मिहगी स़ेबुला थाम्‍ज्‍यी म़ेदी ओङ छ्यिम्‍बु किन्‍ज्‍योगी योबा ङो़गी ज़्‍य़ू-ठिला तेहक्‍यो दाङ स्‍यिहङगामले माहर मुक्‍पाला ओहङगेॱराङ पेहक्‍यो थोङज्‍ये येह!”

लूका 21:27

ओ़ह तिङले मिहगी स़ेबु मुक्‍पाला ओङज्‍या छ्यिम्‍बु दाङ ज़िज्‍यिद ङ्याम्‍बु फेप्‍केराङ जेक्‍यो थोङज्‍ये येह।

यूहन्‍ना 19:34

यिहॱनाङ माक्‍मी च्‍यी़गी येशूकी ची़मा चो़ला दुङगी चो़सीन, ओहले चो़लुङ म़ेहबा ठा़ दाङ छ्यु थेन्‍सीन।

यूहन्‍ना 19:37

ओहले लेहमेन ग्‍या़ॱलाङ सुङरापला दि ल़ेहमु म़ेदी येहबा, “दुङगी चो़क्‍योदीला खुङया़गी ताज्‍ये येह।”

१ थेसलोनिकी 1:10

ओहले स्‍यिहङगामले माहर फेप नाङज्‍ये येह म़ेदी लाहम क़ूह तेहकेन किन्‍ज्‍योगी स़ेबुला किन्‍ज्‍योगीॱराङ टोङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। ओ़ह स़ेबुराङ येशू यिहम्‍बा, ओहले ताहन्‍दा राहङया़गी क़ूह तेहक्‍योदीॱआङ मिह-रो़हलाॱराङ यिहम्‍बा। ओहले ओहराङ थो़ला ओहङज्‍ये पेहक्‍योगी किन्‍ज्‍योकी थुयाल ङो़ले थार च्‍य़ू नाङगेन्‍दीॱआङ मिह-रो़हराङ यिहम्‍बा।

१ थेसलोनिकी 4:17

ओ़ह ङ्यिहमा थु ओहराङ थार्ती तेहक्‍योया़ दाङ क्‍युर ज़्‍या़क्‍योया़ चो़वोला थुज्‍येला खुङ ङ्याम्‍बुराङ मुक्‍पाला क्‍या़दी नोम फेप नाङज्‍ये येह, ओहले ओ़ह ल़ेहमु पेहती ओहराङ नाहम माॱनाङ चो़वो ङ्याम्‍बुराङ ओहङज्‍ये येह।

हिब्रू 10:29

ख्‍याया़ राहङगीराङ नोम्‍साङ ताङदोङ: किन्‍ज्‍योकी स़ेबुला राहङ काङबा चो़ला ज़्‍या़गे ओहले तिहक्‍पालेगी नाम्‍पार-ताहक्‍पा ज़ो नाङगे किन्‍ज्‍योकी ताहम्‍ज्‍या थिउ-निउ पेहकें मास्‍यीकाकी ठा़ला च्‍यि ल़ेहमुज्‍यीॱआङ मे़हनेगे ओहले काटीन नाङगेन्‍गी नाम्‍पार-ताहक्‍पा थुला स्‍ये़हन्‍डील पेहकें मिहला जेन काहजे छ्यिम्‍बु ङ्य़ेहबा फो़रो?

हिब्रू 6:6

खुङ मास्‍यीकाला तेहपा लो़हदी तोङदी डोसीमानानी खुङला येहपाराङ स्‍या़बा पेह च्‍य़ूदी मास्‍यीका ङो़ले ख्‍योङ मी़हखुएँ। च्‍यिबेमाना खुङगी राहङदीराङ तेहन्‍दाला किन्‍ज्‍योगी स़ेबुला येहपाराङ क्‍याहङस्‍यीङला च्‍याङगे, ओहले खुङगी मिह थाम्‍ज्‍यीगी दिनला मास्‍यीकाला आब्रु तेन्‍गे।

१ यूहन्‍ना 3:2

ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।

यहूदा 1:14

आदमकी मिहदो तिहन हनोकगीॱआङ दि मिहया़गी तेहन्‍दाला तिङले ओहङगेन्‍गी तामया़ तोहङलेराङ दि ल़ेहमु जेती सुङ नाङग्‍यो येहकें, “त़ेदोङ चो़वो, टाहङमाराङ क्‍याहप मी़हखुएँगी राहङगी नाम्‍पार-ताहक्‍पा मिहया़ ङ्याम्‍बु फेप नाङगेराङ येह,

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

ज्‍याल्‍गा 22:4

खुङया़गी किन्‍ज्‍योकी स्‍याहल्‍दोङ थोङज्‍ये येह ओहले मिहरोकी छेन खुङया़गी प्रालाला ओहङज्‍ये येह।