ज्याल्गा 1:4 - ह्योल्मो4 एशिया क्याहल-खाप छ्यिम्बुला येहकेन छेन्छोक तिहन्गालाॱराङ ङाह यूहन्नागी टास्यी-देले स्युहउ येह: साज्या-नाम्ज्या छ्या़ च्य़ू नाङगे म़ेदी तोहङलेराङ किन्ज्यो ज़्य़ू नाङदी येहकें ओहले ताहन्दाॱआङ ज़्य़ू नाङदी येह ओहले नाहम्स्यी किन्दुॱराङ ज़्य़ू नाङज्ये येह, ओहले मिहरोगीॱराङ ख्याया़ला काटीन दाङ स्य़िहदे नाङज्यु। ज़्य़ू-ठि दिनला ज़्य़ू नाङगेन्गी थु तिहन लाहमले, Faic an caibideil |
ज्याल्गा 1:4
41 Iomraidhean Croise
रोम क्याहसाला तेहकेन किन्ज्योगी च्याहम्बु ङ्येन्जेन-ङ्येहवाया़ थाम्ज्यीला ङाह दि यिहगी प्रुहएँॱराङ येहबा, किन्ज्योगी ख्या थाम्ज्यीला च्याहम्बा जेती मिहरोकी नाम्पार-ताहक्पा छार्क्यीन ज़ो नाङज्येला क़े क्याहप नाङदी येह, किन्ज्यो ओहराङगी याहप दाङ चो़वो येशू मास्यीकागी ख्या थाम्ज्यीला काटीन दाङ स्य़िहदे नाङज्यु।
दि छ्य़ेकी केच्या येशू मास्यीकागी तेन नाङग्यो यिहम्बा। राहङ स्याहप्च्यीया़गी ग्यो़बाराङ बाप ओहङज्ये पेहक्यो केच्याया़गी तेहन्दाला ङोह स्य़े ख़ूज्यु म़ेदी किन्ज्योगी येशूला दि ज्याल्गा नाङग्यो येहकें। येशूगी दि केच्या प्रा साल नाङज्येला स्यिहङगामकी स्याहप्च्यी च्यी़ला राहङला स्याहप्तो स्युएँगी यूहन्नासाला ताङ नाङसीन।
“सार्डिस छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘कार्मा तिहन दाङ किन्ज्योकी थु तिहन नोम्गेन्दीगी दि ल़ेहमु सुङ नाङगु दु। ख्याती ल़ेहया़ ङाहला क्यी़ह येह, ख्याया़ सोम्बो येह म़ेदी लोहङटी काहल्दी येहबा, यिहन्ज्येनी माज्येराङ माना ख्याया़ स्यि सिहन्दी येह।
“फिलाडेल्फियाकी छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘किन्ज्योॱराङ नाम्पार-ताहक्पा दाङ तेहन्दाम यिहन, मिहरो ङ्याम्बुराङ क्याहल्बु दाऊदकी दिमी येहबा, मिहरोगी खा फे़ नाङग्योकी कोह सुज्यीगीॱआङ क्याहप मी़हखुएँ ओहले मिहरोगी क्याहप नाङग्योकी कोह सुज्यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।
ओ़ह सेम्ज्येन ज्य़िगादीॱराङ स्योक्पा ट़ूह ट़ूह येहकें ओहले ओ़ह स्योक्पाया़ फी़ दाङ नाहङ ङ्यिकाराङ ङो़ले मी़या़गी काहङग्यो येहकें। ङ्यिहन-नुहप खुङया़ थाङ मा़हसेहबा पेहते दि ल़ेहमु म़ेदी छ्ये़-लु ल़ेहन तेहक्यो येहकें, “ओङज्या छ्यिम्बु नोम्गेन चो़वो छ्येवा किन्ज्यो नाम्पार-ताहक्पा, नाम्पार-ताहक्पा, नाम्पार-ताहक्पा ज़्य़ू नाङदी येहबा। मिहरो तोहङ यिहन्ज्युराङ ज़्य़ू नाङदी येहकें, ताहन्दाॱआङ ज़्य़ू नाङदी येहबा ओहले फेप नाङज्ये येह।”
ओ़ह तिङले सोम्बो सेम्ज्येन ज़्यि दाङ टाहङबु छ्य़े-ठिमकी लोबेनया़गी ति-खिरे कोर्ते ज़्य़ूक्यो ओ़ह ज़्य़ू-ठिकी पाहरक्यीला ल़ूह स्ये़बु च्यी़ ज़्याङदी ज़्य़ूक्यो थोङसीन। दि ल़ूह स्ये़बुदी सेत्ती ज़्या़क्यो ल़ेहमु थोङगो येहकें। मिहरोगी रोहवा तिहन दाङ मी़ॱआङ तिहन येहकें ओ़हदी जाम्बुलीङ थाम्ज्यीला ताङग्योगी किन्ज्योगी थु तिहन यिहन्गे।
Sanasan