ज्‍याल्‍गा 1:3 - ह्योल्‍मो

³ दि छ्य़े टा़हगेन दाङ तिङला बाप ओहङज्‍ये पेहक्‍यो केच्‍याया़गी तेहन्‍दाला प्रुह नाङग्‍योकी सुङला ङ्यिहन्‍दी ची़गेया़ काहजे सोनाम-साक्‍पु। च्‍यिबेमाना दि केच्‍याया़ ग्‍यो़बाराङ तेहन्‍दा डुप्‍च्‍ये येह।

ज्‍याल्‍गा 1:3 Iomraidhean Croise

मत्ती 24:15

“लुहङतेम्‍बा दानिएलगी ‘छ्योखाङगी नाम्‍पार-ताहक्‍पा ग्‍या़ला नाम्‍दो लाहङज्‍ये ल़ेहमु से़हया़ ज़्‍या़क्‍यो ओहङज्‍ये येह’ म़ेदी माक्‍यो ख्‍याया़गी थोङज्‍ये येह। (टा़हगेन मिहगी दि केच्‍यागी तेहन्‍दा च्‍यि यिहम्‍बा दु म़ेदी या़हबु पेहती ह्‍अ कोहज्‍यु!)

लूका 11:28

दि ताम सेन्‍दी येशूगी, “किन्‍ज्‍योगी सुङदेन ङ्यिहन्‍दी ची़गेनया़ गा सोनाम-साक्‍पु यिहम्‍बा!” म़ेदी सुङ नाङसीन।

रोमी 13:11

टेहम्‍बा ज़्‍यो़, काहन्‍डुमु ती़हजी ओहङज्‍ये पेहक्‍यो येहबा। ओ़ह ख्‍याया़लाॱआङ क्‍यी़हराङ येह, ता़ह ख्‍या ङ्यि स़ेती लाहङदी तेहकेन्‍गी ठाबे ती़हजी लेप सिहन्‍दी येह, च्‍यिबेमाना ओहराङगी तोहङले यिह छ्य़ेक्‍यो म़ेदीॱआङ ताहन्‍दा ओहराङगी थार्पा तोहरोङ पोहला लेप्‍ती येह।

रोमी 13:12

नुहप टाहल सिहन्‍सीन, ओहले ङ्यिहमा पोहलाराङ लेप सिहन्‍दी येह। ओ़ह सोङबे ना़-जुबेकी ल़ेहया़ क्‍युर्ती ता़ह ओहराङ येहसेरकी छेन्‍ज्‍याया़ थो़ कोहएँ।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

२ पत्रुस 3:8

यिहॱनाङ च्‍याहम्‍बु रो़हया़, दि ताम टेहम्‍बा माहच्‍येह। चो़वोकी दिनला लोह तोङरा च्‍यी़ माक्‍योदी ङ्यिहमा च्‍यी़ ल़ेहमुराङ यिहम्‍बा ओहले ङ्यिहमा च्‍यी़ माक्‍योदी लोह तोङरा च्‍यी़ ल़ेहमुराङ यिहम्‍बा।

ज्‍याल्‍गा 22:10

ओहले मिहरोगी येहपाराङ ङाहला सुङ नाङसीन, “दि छ्य़ेला लुहङतेम्‍बाया़गी प्रुहक्‍योगी सुङ पे़हदी मा़हज्‍या च्‍यिबेमाना दि थाम्‍ज्‍यी तेहन्‍दा डुप्‍केन्‍गी ती़हजी पोहलाराङ येह।

ज्‍याल्‍गा 22:12

“त़ेदोङ, ङाह ग्‍यो़बा ओहङगेॱराङ येह, मिह थाम्‍ज्‍यीला खोगी पेहक्‍योगी ल़ेहला ते़बे च्‍याहगा तेर्च्‍ये येह।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

ज्‍याल्‍गा 3:11

त़ेदोङ, ङाह ग्‍यो़बाराङ ओहङज्‍ये येह। ख्‍ये ङ्याम्‍बु च्‍यि येहबा, ओ़हदीला या़हबु पेहती ज़ुङदी ज़्‍यो़, ओहले ख्‍येती पेस्‍यो सुज्‍यीगीॱआङ फ्रो़ज्‍ये म़ेह।