ज्‍याल्‍गा 1:12 - ह्योल्‍मो

¹² ओहले ङाह ङ्याम्‍बु स्‍याहल सुङगेन्‍दी सु यिहम्‍बा नि म़ेदी क्‍याहप लो़हदी ताएँमु ङाहगी सेरकी छ्येकुङ तिहन थाल थोङसीन।

ज्‍याल्‍गा 1:12 Iomraidhean Croise

ज्‍याल्‍गा 1:13

ओहले ओ़ह छ्येकाङकी पाहरक्‍यीला मिहगी स़ेबु ल़ेहमु स्‍याहप थुराङ नाहम्‍सा नोम्‍ग्‍यो दाङ ते़ला स्‍याहङ छ्यिम्‍बु येहकें सेरकी कारा नोम्‍ग्‍यो थोङसीन।

ज्‍याल्‍गा 1:19

ओ़ह सोङबे ख्‍येगी च्‍यि थोङगे, ओहले च्‍यि येहबा, ओहले दि तिङले च्‍यि बाप ओहङज्‍ये येहबा ओ़ह प्री़हदोङ।

ज्‍याल्‍गा 1:20

ङाहगी योबा लाहक्‍पाला ख्‍येगी थोङग्‍यो दि कार्मा तिहन दाङ सेरकी छ्येकुङ तिहनकी तेहन्‍दादी दिराङ यिहम्‍बा: कार्मा तिहनदी छेन्‍छोक तिहनला चारा पेहकेन्‍गी स्‍यिहङगामकी स्‍याहप्‍च्‍यीया़ यिहम्‍बा ओहले सेरकी छ्येकुङ तिहनदी छेन्‍छोक तिहन यिहम्‍बा।”

ज्‍याल्‍गा 2:1

“एफिससकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘कार्मा तिहन राहङगी योबा छ्या़ला नोम्‍गे दाङ सेरकी छ्येकुङ तिहनकी पाहरक्‍यीले फेप्‍केन्‍दीगी दि ल़ेहमु सुङ नाङसीन।

ज्‍याल्‍गा 4:1

दि तिङले ङाहगी तासीन, ओहले स्‍यिहङगामला खा फे़क्‍यो कोह च्‍यी़ थोङसीन। ङाहगी तोहङले थे़क्‍यो क़ेदी रोहवा-लीङगी क़े ल़ेहमु येहकें ओहले ओ़ह क़े लाहमलेॱराङ ङाह ङ्याम्‍बु दि ल़ेहमु जेती स्‍याहल सुङ नाङगेराङ येहकें, “याहर जा़दे स्‍यो ओहले दि तिङले ओहङगेन्‍गी केच्‍याया़ ङाहगी ख्‍येला तेन्‍ज्‍ये येह।”