ओहले खुङया़गी राहङगी स्याहप्च्यीया़ला क्याहल्बु हेरोदगी मिहया़ ङ्याम्बुराङ येशूसाला ताङसीन। ओहले खुङया़गी काहल्दी येशूला स्युहसीन, “लोबेन ला़ह, राहङगी तेहन्दामगी स्याहल च्यी़राङ सुङ नाङगे म़ेदी ङ्यिहला क्यी़ह येह। ओहले मिहया़ला लोप नाङगेमु राहङगी तेहम्बा-तेहन्सुम जेती किन्ज्योगी लाहम तेन नाङगे। मिहया़गी च्यि मारो म़ेदी राहङगी नाङदा जे मेहनाङगे। च्यिबेमाना राहङगी सुॱलाङ ङ्येम्बा-ङ्य़ेहरी जे मेहनाङगे!
फिलिप्पी 4:8 - ह्योल्मो8 ज्युक्स्योलला आदा-नो़ह दाङ आज्यी-नुहमुया़, का़हन्दी ताम तेहम्बा येहबा ओहले चा़ पेहच्येला सी़हएँदी येहबा ओ़ह से़हला सेम ताङदोङ। का़हन्दी स़ेह ठिमला ते़बे या़हबु येहबा, चाङमा येहबा, चेवा पेहच्येला सी़हज्ये येहबा, चा़ छ्यिम्बु येहबा ओहले क्या़ज्येला सी़हज्ये येहबा ओ़ह से़हया़ला सेम ताङदोङ। Faic an caibideil |
फिलिप्पी 4:8
67 Iomraidhean Croise
छो़बागी मिहया़ नाहङला यहूदीया लुहङबागी अरिमाथिया माएँ क्याहसाले ओहङग्योगी योसेफ मिहन थो़क्योगी मिह च्यी़ येहकें। खो मिह या़हबु दाङ टाहङबु येहकें। ओहले खो किन्ज्योगी क्याहल्सीला कू़हदी तेहक्यो येहकें। छो़बागी मिहया़गी येशूला से कोहएँ म़ेदी माएँमु खोगी येशूला सेच्ये मेहयोहङगे म़ेदी माक्यो येहकें।
ओहले खुङगी मासीन, “माक्पेन कर्नेलियसगी ङ्यिहला ताङ नाङग्यो यिहम्बा। खो टाहङबु पेहकेन दाङ किन्ज्योगी ज्यिक्पा खुर्केन्गी मिह यिहम्बा, ओहले यहूदी क्यिहपागी मिहया़गीॱआङ खोला ची़नाङ पेहकें। नाम्पार-ताहक्पा स्यिहङगामकी स्याहप्च्यी च्यी़ खोसाला लेप्सीम्बाराङ ‘पत्रुसला राहङगी खाङबाला क़े क्याहप्ती खोगी ताम ङ्यिहन्दोङ’ म़ेदी म़े ज़्या़सीन दुबा। ओ़ह सोङगोराङ ङ्यिहगी क़े क्याहप ओहङग्यो” म़ेदी कर्नेलियसगी ताङग्यो मिहया़गी मासीन।
ओ़ह सोङबे किन्ज्योकी ठाबे जे नाङग्योकी ती़हजी म़ेदी तोहङले ठिम माहताङ, चो़वो फेप नाङगे ती़हजी थु कू़हदोङ। मिहरोगी ना़-जुबेला यिहप्ती तेहक्योकी से़हया़ क्या-साङेला नोम फेन नाङज्ये येह, ओहले मिहकी सेम नाहङकी तामया़ छ्यिसाल-नाहङसाल पेहती तेन नाङज्ये येह। ओ़ह ती़हजीला मिह थाम्ज्यीगी राहङगी ज्योर कोहएँकी स्याबास किन्ज्यो लाहमले ज्योर्च्ये येह।
ओहले मोहगी या़हबु ल़ेहया़ पेहक्यो ओहङ कोहकें, पुह पोहमोया़ला या़हबु पेहती चारा पेहक्यो ओहङ कोहकें, टोहम्बोया़ला ता़हनाङ-ताहम्जी पेहक्यो ओहङ कोहकें, किन्ज्योला यिह छ्य़ेक्यो नाम्पार-ताहक्पा मिहया़ती काङबा ठी़ तेरक्यो ओहङ कोहकें, तुहक्पुला छ्यिक्यो मिहया़ला रो़हराम पेहक्यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्यो ओहङ कोहकें।
ख्येगीराङ ल़ेह थाम्ज्यी या़हबु पेहती खुङया़ला पे तेन्दोङ। लुहङ तेर्केमु तेहन्दाम, ख्येला लेहमेन मिहया़गी ची़नाङ पेहकेन छ्याप्स्यीगी, सुज्यीगीॱआङ ताम च्येह मी़हखुएँगी तामया़ तिक्पु पेहती खुङया़ला लोप्तोङ। ओहले ओहराङला टाह पेहकेन मिहया़गी ओहराङला च्यिॱआङ चोक्पा तामया़ मा ख़ूज्ये म़ेह ओहले खुङया़ ङोहजाला छ्यिच्ये येह।
यिहॱनाङ याहर किन्ज्यो लाहमले ओहङग्योगी रिहक्स्यीनी तोहङस्यो क़ेह-चाङमा ओहङगे खोगी स्य़िहदेला यिह छ्य़ेएँ, ओ़ह रिहक्स्यी ज्योर्केन मिह थेका दाङ मिह थाम्ज्यी ङ्याम्बु थिन्गे, खो निङज्यीगी काहङग्यो ओहङगे, खोगी नाहम-माना या़हबु ल़ेह पेहकें, खोगी सुलाॱआङ ङ्येम्बा-ङ्य़ेहरी मेहबेकें, खो यिहन्दो तेन्गे मेहयोहङगे।
किन्ज्योला यिह-छ्य़े माहबेबाकी मिहया़गी पाहरक्यीला ख्याया़गी डोलु-तेहलु या़हबु ओहङज्यु। सुज्यीगीॱआङ ख्याया़ला मिह चोक्पा म़ेदी ख्याला टाह पेहसीनमाॱनाङ खुङया़गी ख्यागी पेहक्योगी ल़ेह या़हबुया़ थोङज्यु, ओहले किन्ज्योगी ठिम ताङ नाङगेन ङ्यिहमाला खुङया़गी किन्ज्योला त़ेरा तेच्या फुल्ज्यु।
Sanasan