Biblia Todo Logo
Bìoball air-loidhne

- Sanasan -




फिलिप्‍पी 4:7 - ह्योल्‍मो

7 ओहले मिहगी नोम्‍साङ ताङदीॱआङ ताङॱराङ मी़हखुएँ किन्‍ज्‍योकी स्‍य़िहदेगी ख्‍यागी यिह दाङ सेमला येशू मास्‍यीकाला सी़दे ज़्‍या़ नाङज्‍ये येह।

Faic an caibideil Dèan lethbhreac




फिलिप्‍पी 4:7
43 Iomraidhean Croise  

ओहले ना़-जुबेला तेहकेन दाङ स्‍यिवागी टिहप्‍साला तेहकेया़गी क्‍या-साङे ज्‍योर्च्‍ये येह, ओहले ओ़ह क्‍या-साङेगी ओहराङला स्‍य़िहदेगी लाहमला ठिती ख्‍येर्च्‍ये येह।”


“स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”


ङाह ख्‍या ङ्याम्‍बुराङ स्‍य़िहदे क्‍युर ज़्‍या़एँ, ङाह राहङगी स्‍य़िहदे ख्‍याया़ला तेर्के। दि स्‍य़िहदेती जाम्‍बुलीङगी तेरक्‍यो ल़ेहमु मिहम्‍बा, ख्‍या सेम छाबा-छुबे माहबे ओहले मा़हन्‍ज्‍यी।


“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”


रोम क्‍याहसाला तेहकेन किन्‍ज्‍योगी च्‍याहम्‍बु ङ्येन्‍जेन-ङ्येहवाया़ थाम्‍ज्‍यीला ङाह दि यिहगी प्रुहएँॱराङ येहबा, किन्‍ज्‍योगी ख्‍या थाम्‍ज्‍यीला च्‍याहम्‍बा जेती मिहरोकी नाम्‍पार-ताहक्‍पा छार्क्‍यीन ज़ो नाङज्‍येला क़े क्‍याहप नाङदी येह, किन्‍ज्‍यो ओहराङगी याहप दाङ चो़वो येशू मास्‍यीकागी ख्‍या थाम्‍ज्‍यीला काटीन दाङ स्‍य़िहदे नाङज्‍यु।


च्‍यिबेमाना किन्‍ज्‍योगी क्‍याहल्‍सी माक्‍योदी साहज्‍ये दाङ थुङज्‍ये च्‍यी़राङ मिहम्‍बा, यिहॱनाङ नाम्‍पार-ताहक्‍पा थुला टाहङदेन, स्‍य़िहदे दाङ काहसो यिहम्‍बा।


रेहवा नाङगे किन्‍ज्‍यो थो़ला ख्‍याया़गी यिह छ्य़ेदी येह। मिहरोगीॱराङ ख्‍याया़ला सेम काहसो दाङ स्‍य़िहदे नाङज्‍यु। ओ़हठीॱराङ पेहती नाम्‍पार-ताहक्‍पा थुगी ओङगी ख्‍यागी रेहवा तोहरोङ माहङबु माहङबु पेहती डो ख़ूज्‍यु।


ओ़ह सोङबे ओहराङ यिह-छ्य़े लाहमले किन्‍ज्‍योकी दिनला टाहङबु सी़ह ख़ूसीन। ओहले ओहराङकी चो़वो येशू मास्‍यीका लाहमले ओहराङ किन्‍ज्‍यो ङ्याम्‍बु थिन ख़ूसीन।


च्‍यिबेमाना ज़ुबु लाहमले पेहकेन तिहक्‍पाकी पेताङया़ला सेम ताङसीन माना दिगी मिहला स्‍यिवाला क्‍याहल्‍गे। यिहॱनाङ नाम्‍पार-ताहक्‍पा थुला सेम ताङसीन माना दिगी मिहला मिहली दाङ स्‍य़िहदे तेर्के।


किन्‍ज्‍योगी येहन्‍देनला टाह पेहती लोहङडी पेहकेनया़ दाङ ठादोगी स्‍यिहताङ ङाहर्क्‍याल पेहती तुहक्‍पु तेर्केया़ला ङ्यिह तोङ च्‍य़ूगे, ओहले ना थाम्‍ज्‍यीगी साम्‍लुया़ला ताहमला ज़्‍या़दी मास्‍यीकाकी काया़ ङ्यिहन्‍गेन्‍दी ज़ोएँ।


ज्‍युक्‍स्‍योलला आदा-नो़ह दाङ आज्‍यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्‍याला ओहर-छ्य़े स्‍युहउ येह, च्‍यी़गी च्‍यी़ला आ़र क्‍ये च्‍य़ूदोङ। च्‍यी़गी च्‍यी़ला माक्‍यो तामया़ ङ्यिहन्‍दोङ ओहले सेम लो तेहमु पेहती तेहतोङ। ओहले स्‍य़िहदे दाङ चेवा जे नाङगे किन्‍ज्‍यो ख्‍या ङ्याम्‍बु ज़्‍य़ू नाङज्‍ये येह।


यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,


थाम्‍ज्‍यी रिहक्‍पा दाङ रिहक्‍स्‍यीगी छोल मी़हखुएँ मास्‍यीकाकी चेवा ख्‍याया़गी ङोह स्‍य़े ख़ूज्‍यु ओहले ख्‍याया़दी मिहली किन्‍ज्‍योगीॱराङ काङ नाङज्‍यु।


फिलिप्‍पी क्‍याहसाला येहकेन मास्‍यीका येशूकी नाम्‍पार-ताहक्‍पा मिहया़, एल्‍डरया़ ओहले डिकनया़ला ङ्यिह मास्‍यीका येशूकी योक्‍पु पावल दाङ तिमोथीगी दि यिहगी प्रुहएँॱराङ येहबा।


ओहराङ किन्‍ज्‍यो याहप दाङ चो़वो येशू मास्‍यीकागी ख्‍याया़ला काटीन दाङ स्‍य़िहदे नाङज्‍यु।


ङाहती किन्‍ज्‍योगीॱराङ ख्‍याया़ती कोहपु काहल्‍ग्‍यो से़हया़ छाङबु ज़ो नाङज्‍ये येह। मास्‍यीका येशू ङ्याम्‍बु येहकेन किन्‍ज्‍योकी नाहमॱआङ मे़ह-चो़हएँकी क्‍युह लाहमले ख्‍याया़ला कोहएँगी से़हया़ नाङज्‍ये येह।


मास्‍यीका येशूला येहकेन थाम्‍ज्‍यीराङ नाम्‍पार-ताहक्‍पा मिहया़ला ङाहती टास्‍यी-देले मे तेर। देला ङाह ङ्याम्‍बु येहकेन नो़हया़गीॱआङ ख्‍याया़ला टास्‍यी-देले ताङदे येह।


ङाहगी लोप्‍क्‍योकी तामया़ ता़ह ख्‍यागी स्‍य़े सिहन्‍दी येह, लेहन्‍दी येह ओहले ख्‍यागी थे़ॱआङ थ़ेसीन ओहले ङाहती मिहलीलाॱआङ थोङसीन ता़ह ख्‍याया़गीॱआङ ओ़हदीॱराङ पेहतोङ ओहले स्‍य़िहदे नाङगेन्‍गी किन्‍ज्‍यो ख्‍या ङ्याम्‍बु ज़्‍य़ू नाङज्‍ये येह।


मास्‍यीकागी नाङगेन स्‍य़िहदेगी ख्‍याया़गी सेमला ओङ छ्य़े नाङज्‍यु। तेहम्‍बाराङ, ख्‍या सेम लो तेहमु पेहती राहङगी मिहजी ताङज्‍येगी तेहन्‍दाला ज़ुबु च्‍यी़लाॱराङ क़े क्‍याहप नाङग्‍यो यिहम्‍बा। ख्‍याया़गी थुज्‍यी-छ्ये़ फुल्‍दोङ।


स्‍य़िहदेगी चो़वो राहङगीराङ नाहम माॱनाङ ना थाम्‍ज्‍यीले ख्‍या फ़ेबे-म़ेहमेया़ला स्‍य़िहदे नाङज्‍यु। चो़वो ख्‍या थाम्‍ज्‍यी ङ्याम्‍बु ज्‍यू़-नाङज्‍यु।


ता़ह ल़ूहया़गी चा़ छ्येस्‍यो कोहरोवा ओहराङ चो़वो येशूला था़ म़ेहबा ताहम्‍ज्‍याकी ठा़ लाहमले स्‍यिवालेगी सोम्‍बो ज़्‍याङ च्‍य़ू नाङगे स्‍य़िहदे नाङगे किन्‍ज्‍योगी


ङाह येशू मास्‍यीकाकी लाबु, याकूबकी नो़ह यहूदा लाहमले– पाहङज्‍येन क्‍याहप्‍क्‍योया़, पे यिहॱना़ किन्‍ज्‍यो याहपकी चेवा जे नाङग्‍योया़ दाङ येशू मास्‍यीकाकी जेम्‍बु जेती ज़्‍या़ नाङग्‍योया़ला दि यिहगी प्रुहएँॱराङ येहबा।


एशिया क्‍याहल-खाप छ्यिम्‍बुला येहकेन छेन्‍छोक तिहन्‍गालाॱराङ ङाह यूहन्‍नागी टास्‍यी-देले स्‍युहउ येह: साज्‍या-नाम्‍ज्‍या छ्या़ च्‍य़ू नाङगे म़ेदी तोहङलेराङ किन्‍ज्‍यो ज़्‍य़ू नाङदी येहकें ओहले ताहन्‍दाॱआङ ज़्‍य़ू नाङदी येह ओहले नाहम्‍स्‍यी किन्‍दुॱराङ ज़्‍य़ू नाङज्‍ये येह, ओहले मिहरोगीॱराङ ख्‍याया़ला काटीन दाङ स्‍य़िहदे नाङज्‍यु। ज़्‍य़ू-ठि दिनला ज़्‍य़ू नाङगेन्‍गी थु तिहन लाहमले,


सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा! सुगी क्‍याहल्‍गे, ङाह खुङया़ला पे़हदी ज़्‍या़क्‍योगी मन्‍न तेर्च्‍ये येह। ङाह खुङला तोह कार्पु च्‍यी़ॱआङ तेर्के, ओ़ह तोह कार्पुला मिहन साम्‍बा च्‍यी़ प्री़हदी येहबा। दि तोह कार्पु ज्‍योर्केया़गी मिहम्‍बा लेहमेन सुगीॱआङ ह्‍अ मेहकोहएँ।’”


Lean sinn:

Sanasan


Sanasan