फिलिप्‍पी 4:17 - ह्योल्‍मो

¹⁷ ङाहगी डेल्‍बा छोल्‍ग्‍यो मिहम्‍बा, यिहॱनाङ ख्‍यागी ङाहला रो़हदी पेहती ख्‍याया़गीॱराङ मेलाम ज्‍योर्च्‍यु माएँ ङाहती सेम्‍बा येहबा।

फिलिप्‍पी 4:17 Iomraidhean Croise

यूहन्‍ना 15:16

ख्‍याया़गी ङाहला मा़हदाम यिहॱनाङ ङाहगी ख्‍याया़ला दाम्‍सीन, ओहले ख्‍या काहल्‍दी सेदो या़ह च्‍य़ूदोङ ओहले ख्‍याया़गी सेदो नाहम-माना या़हदे तेहच्‍यु म़ेदी ङाहगी ख्‍याला कुल्‍सीन। ओ़ह सोङबे ख्‍यागी ङाहगी मिहनला याहप ङ्याम्‍बु च्‍यि लाङगे ओ़हदी याहपगी ख्‍याला नाङज्‍ये येह।

यूहन्‍ना 15:8

ख्‍यागी माहङबुराङ सेदोया़ या़ह च्‍य़ूदी ख्‍या ङाहती स्‍याहप्‍च्‍यी यिहन माएँ दास्‍यी तेर्च्‍ये येह। ओहले दि ल़ेहलाॱराङ ङाहती याहपती ज़िज्‍यिद ओहङज्‍ये येह।

रोमी 15:28

ओ़ह सोङबे खुङला म़ेदी ताङ चाहङग्‍योगी डिबु या़हबु पेहती चि क्‍याहप्‍सीम्‍बाराङ ख्‍या साले पेहती स्‍पेन लुहङबाला डोज्‍ये सेम्‍बा येहबा।

२ कोरिन्‍थी 11:16

ङाह येहपाराङ माएँ, ङाहला सुगीॱआङ उल्‍दुम्‍बा मा़हनेज्‍यु। का़हलेॱआङ ओ़ह ल़ेहमु ऩेॱराङ ने़सीमाना ङाहला उल्‍दुम्‍बाला ल़ेहमु पेहती लोक पेहतोङ। ओ़हठी यिहन्‍सीमाना ङाहगीॱआङ सिपाज्‍यी छ्य़ेन्‍दो तेन ख़ूज्‍ये येह।

२ कोरिन्‍थी 9:5

ओ़ह सोङबे ख्‍याया़गी तेर्के म़ेदी माक्‍योगी डेल्‍बाया़ ङाह ओहङगे म़ेदी तोहङलेराङ ठाबे पेहच्‍येला नो़हया़ ख्‍यासाला ताङ चाहङगेन्‍दीॱराङ या़हबु ओहङडो म़ेदी ङाहला नोम्‍साङ क्‍येसीन। यिहॱनाङ दि डेल्‍बाती उर्चु पेहती मिहम्‍बा, यिहॱनाङ ख्‍या राहङ क़ेहनाङगीॱराङ तेरक्‍यो ओहङज्‍यु।

फिलिप्‍पी 1:11

किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।

फिलिप्‍पी 4:11

कोहपु काहल्‍सीन म़ेदी ङाहगी ख्‍याला माक्‍यो मिहम्‍बा, च्‍यिबेमाना क्‍यिपु-तुहक्‍पु काह-ठि येहॱनाङ ङाहगी ओ़हला सेम सेन्‍दोक पेहच्‍ये लोप्‍ती येह।

१ थेसलोनिकी 2:5

राहङ फ़ेबे-म़ेहमेया़ला या़हबु पेहती थुयी़राङ येह, ङ्यिहगी ख्‍या फ़ेबे-म़ेहमेॱया ङ्याम्‍बु ज्‍याप्‍ला तेन्‍दी ताम मा़हमे ओहले ङ्यिहगी राहङ फ़ेबे-म़ेहमेॱया ङो़ले च्‍यिरा ज्‍योर्केनी म़ेदी ह्‍अम्‍बा पेहती दि ल़ेहमु पेहक्‍यो मिहन। किन्‍ज्‍योॱराङ दिगी पाङबु ज़्‍य़ू नाङदी येह।

१ तिमोथी 3:3

छ्याङसीवा दाङ स्‍यिहताङ छान्‍दी पेहकेन्‍दी ओहङज्‍ये मेहयोहङगे। यिहॱनाङ खो ङ्येम्‍ज्‍युङ ओहङ कोहएँ, ठ़ूस्‍यी सिहङदा मेहबेकेन्‍दी ओहङ कोहएँ, टाङगादी ह्‍अम्‍बा मेहबेकेन्‍दी ओहङ कोहएँ।

१ तिमोथी 6:10

च्‍यिबेमाना ल़ेह चोक्‍पा ना थाम्‍ज्‍यीगी चार्ङ्यीदी क्‍युह-नोहरकी निङज्‍यी यिहम्‍बा। काहजे मिहया़गीनी क्‍युह-नोहरकी ह्‍अम्‍बाला छ्यिती तेहपा पेहच्‍ये क्‍युर्ती चोक्‍पा लाहम ङो़ले स्‍य़ूहदी येहबा। ओहले तुहक्‍पुगी खुङया़की सेम ज्‍यिबुराङ सुह क्‍याहप्‍ती येह।

तीतस 1:7

छेन्‍छोककी गोबागी किन्‍ज्‍योकी छ्या़लेया़ ची़ लेहन्‍ग्‍यो ओहङगे। ओ़ह सोङबे खो च्‍यिॱआङ क्‍येन म़ेहबाकी मिह ओहङ कोहकें। ओहले खोगी छ्य़ेन्‍दो तेन्‍ज्‍ये मेहयोहङगे, ग्‍यो़बाराङ स्‍यिहताङ पेहच्‍ये मेहयोहङगे, छ्याङसीवा ओहङज्‍ये मेहयोहङगे, मिहया़ ङ्याम्‍बु ठ़ूस्‍यी सिहङदा पेहच्‍ये मेहयोहङगे ओहले क्‍युहला ह्‍अम्‍बा पेहच्‍ये मेहयोहङगे।

तीतस 3:14

ओहराङगी मिहया़ या़हबु ल़ेहया़ला सेम ताङ ख़ूज्‍यु, दि लाहमले पेहती खुङगी लेहमेन मिहया़ला ज्‍यिबुराङ कोहपु डोएँमु रो़हराम पेह ख़ूज्‍यु, दि ल़ेहमु पेहसीमाना ख्‍या फेन मे़हथोएँगी मिहया़ डोज्‍ये म़ेह।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।

१ पत्रुस 5:2

ल़ूह ताहक्‍पुगी राहङगी ल़ूह बा़लया़ला चारा पेहकें ल़ेहमुराङ ख्‍यागी पाहरक्‍यीला येहकेन्‍गी किन्‍ज्‍योगी छो़बाया़ला चारा पेहतोङ। कारगी मिहम्‍बा यिहॱनाङ राहङ सेम तिहङ यिहन्‍ज्‍युराङ, क्‍युहगी ह्‍अम्‍बागी पेहती मिहम्‍बा यिहॱनाङ क़ेहनाङ पेहती,

२ पत्रुस 2:15

खुङ थेक्‍का लाहमया़ क्‍युर्ती लाहम चोक्‍पाया़ला स्‍य़ूहदी येह। खुङ बओरकी पुह बालामकी लाहमला स्‍य़ूहदी येह। बालामगीदी टाहङदेन म़ेहबा ल़ेहगी ल़ेगाला च्‍याहम्‍बा पेहको येहकें।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

यहूदा 1:11

खुङया़ला क्‍येवा क्‍येमु! च्‍यिबेमाना खुङ कयिनकी लाहमला स्‍युहसीन, खेप्‍साङ लेहन्‍ज्‍येकी तेहन्‍दाला बालामगी पेहक्‍योगी ल़ेह चोक्‍पाकी लाहम ज़ुङदी येह, ओहले कोरहगी ल़ेहमुराङ खुङया़गी टा़ह पेहसीन ओहले खुङया़ ओ़ह ल़ेहमुराङ पेहती तोङदी डोएँ।