फिलिप्‍पी 4:1 - ह्योल्‍मो

¹ ओ़ह सोङबे ङाहगी च्‍याहम्‍बा पेहक्‍योकी आदा-नो़ह दाङ आज्‍यी-नुहमुया़, ख्‍या दि ल़ेहमुराङ पेहती चो़वोला थिक-चि पेहती तेहतोङ। ए ङाहगी रो़हया़ ङाह ख्‍याया़ला निङज्‍यी पेहकें, ङाहगी ख्‍याया़ला ज्‍यिबुराङ टेहम्‍बा साल्‍दी येहबा। ख्‍याया़राङ ङाहती सेम काहसो दाङ पेस्‍यो यिहम्‍बा।

फिलिप्‍पी 4:1 Iomraidhean Croise

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

यूहन्‍ना 8:31

येशूगी राहङ थो़ला यिह छ्य़ेगेन यहूदीया़ला सुङ नाङसीन, “ख्‍यागी ङाहती सुङदेन ची़दी तेहसीन माना ख्‍या तेहम्‍बाराङ ङाहती स्‍याहप्‍च्‍यी यिहम्‍बा।

ल़ेह-पेन 11:23

एन्‍टिओखियाला लेप्‍केमु किन्‍ज्‍योगी ओ़ह मिहया़ला थुज्‍यी ज़ी़दी मेलाम नाङग्‍यो थोङदी बारनाबास ज्‍यिबुराङ क़ेहनाङ पेहसीन। ओहले खोगी खुङया़ला चो़वोला राहङ सेम तिहङ यिहन्‍ज्‍युराङ यिह छ्य़ेदोङ म़ेदी आ़र क्‍ये च्‍य़ूसीन।

ल़ेह-पेन 14:22

ओहले खुङ ङ्यी़गी ओ़ह ग्‍या़ला येहकेन्‍गी चो़वो छ्येवागी स्‍याहप्‍च्‍यीया़ला यिह-छ्य़ेला सान्‍दी ज़ोएँॱराङ किन्‍ज्‍योला यिह छ्य़ेदी तेहच्‍येला स्‍युक क्‍ये च्‍य़ूसीन। सेमले खाल्‍दी थिक-चि पेहती तेहच्‍येला आ़र क्‍ये च्‍य़ूसीन। किन्‍ज्‍योगी क्‍याहल्‍सीला लेप्‍कें म़ेदी तोहङले ओहराङगी माहङबुराङ तुहक्‍पु खुर कोहज्‍ये येह म़ेदी लोप्‍ताम क्‍याहप्‍सीन।

ल़ेह-पेन 2:42

ओहले खुङ ल़ेह-पेनया़ ङ्याम्‍बु लोप्‍कें, छोक्‍पा पेहकें, चो़वोगी डेन साहउ येहकें, ओहले सेम च्‍यी़ डी़दी नाहम माॱनाङ किन्‍ज्‍योला सोल्‍वाङ ताप्‍ती तेहको येहकें।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

१ कोरिन्‍थी 15:58

ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।

१ कोरिन्‍थी 16:13

जेम्‍बु पेहती तेह, यिह-छ्य़ेला थिक-चि पेहती तेहतोङ। आ़र क्‍ये़दी सान्‍दी पेहती तेहतोङ।

गलाती 5:1

राहङवाङगी तेहन्‍दाला मास्‍यीकागी ओहराङला राहङवाङ जे नाङग्‍यो येह। ओ़ह सोङबे ख्‍या राहङवाङ मिहया़ यिहम्‍बा ओहले ख्‍यागी राहङगी राहङवाङला या़हबु पेहती सी़दे ज़्‍या़दोङ। येहपाराङ छ्य़े-ठिमगी चो़ला ज्‍युल्‍दी तेहती योक्‍पु पेहच्‍ये माहछोल!

फिलिप्‍पी 1:27

चा़ छ्यिम्‍बु ताम दिराङ यिहम्‍बा, काहन्‍डुमु पेहती यिहॱनाङ ख्‍यागी डोलु-तेहलुया़ मास्‍यीकाकी लेहङगुला पे-सी़हएँदी ओहङज्‍यु। ओ़ह सोङबे ङाहगी ख्‍याया़ला थ़ू ख़ूॱनाङ मी़हखुॱनाङ ख्‍याया़ ताम च्‍यी़ला डी़दी थिक-चि पेहती सेम च्‍यी़ थो़दी या़हबु लेहङगुकी तेहपाकी तेहन्‍दाला तुहक्‍पु पेहकेनॱराङ दु लो माएँ ताम ङाहगी थ़े ङ्युहङज्‍यु।

फिलिप्‍पी 1:8

काह-ठि पेहती मास्‍यीका येशूकी निङज्‍यीगी पेहती ङाह ख्‍या थाम्‍ज्‍यीला टेहम्‍बा साल्‍गे माएँ तामला किन्‍ज्‍यो ङाहती पाङबु ज़्‍य़ू नाङदी येह।

फिलिप्‍पी 2:16

मिहली तेर्केन्‍की सुङला सान्‍दी पेहती ज़ुङदी ज़्‍यो़। च्‍यिबेमाना ङाह स्‍यिती काम्‍बुला माहछ्यो़ङ ओहले ङाहगी स्‍यिती काम्‍बुला ल़ेह तुहक्‍पु माहबे म़ेदी मास्‍यीका फेप नाङगेन्‍गी ङ्यिहमाला ङाहगी छ्य़ेन्‍दो तेन ख़ूज्‍यु।

फिलिप्‍पी 2:26

खोगी ख्‍याया़ला थू़ज्‍ये म़ेदी ज्‍यिबुराङ सेम्‍बा पेहती येहकें। खो ने़हदी येह माएँ लेहङगु ख्‍यागी थे़क्‍यो सोङबे खो ज्‍यिबुराङ तुहङाल लाहङग्‍यो येहकें।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

१ थेसलोनिकी 3:13

दिगी पेहती मिहरोकी थाम्‍ज्‍यी नाम्‍पार-ताहक्‍पा मिहया़ ङ्याम्‍बु ओहराङगी चो़वो येशू मास्‍यीका फेप नाङगेमु चो़वो येशूगी ओहराङगी किन्‍ज्‍यो याहपकी दिनला ख्‍या फ़ेबे-म़ेहमेया़गी सेम नाम्‍पार-ताहक्‍पा दाङ च्‍यिॱआङ क्‍येन म़ेहबा पेहती थिक-चि पेहती ज़्‍या़ नाङज्‍यु। आमेन।

२ थेसलोनिकी 2:15

ओ़ह सोङबे आदा-नो़ह दाङ आज्‍यी-नुहमुया़, ङ्यिहगी राहङ फ़ेबे-म़ेहमेया़ला स्‍ये़क्‍योकी ताम दाङ यिहगी लाहमले राहङ फ़ेबे-म़ेहमेया़गी ज्‍योरक्‍योकी लुहङला ठे-टेहती ज़्‍य़ू नाङदोङ।

२ तिमोथी 2:1

ओ़ह सोङबे ख्‍ये, ए ङाहगी पुह, मास्‍यीका येशू थो़ला येहकेन्‍गी काटीनला सान्‍दी पेहती तेह।

हिब्रू 10:23

ओहराङगी सेम तिहङ यिहन्‍ज्‍युराङ यिह छ्य़ेक्‍यो रेहवाला ओहराङ सेम माहयाहङबा पेहती सान्‍दी पेहती ज़ुङदी ज़्‍या़ कोहएँ, च्‍यिबेमाना ताहम्‍ज्‍या ज़्‍या़ नाङगेन्‍गी किन्‍ज्‍यो यिह-छ्य़ेबु ज़्‍य़ू नाङदी येह।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

हिब्रू 4:14

स्‍यिहङगामला फेप नाङग्‍यो किन्‍ज्‍योकी स़ेबु येशू ओहराङगी गो-छ्येवा पूजाहारी यिहन्‍गे सोङबे ओहराङगी सेम तिहङ यिहन्‍ज्‍युराङ ची़दे ओहङग्‍यो यिह-छ्य़ेला सान्‍दी पेहती तेह कोहएँ।

२ पत्रुस 3:17

ओ़ह सोङबे ए च्‍याहम्‍बु रो़हया़, तोहङलेराङ दि तामया़ ङोह स्‍य़ेदी जेम्‍बु पेहती तेह, ओ़ह ल़ेहमु पेहती तेहसीन माना मिह ङ्येहम्‍बाया़गी गो़ ली ख़ूज्‍ये म़ेह ओहले ख्‍या सान्‍दी पेहती दोम्‍बा पा़क्‍योगी ग्‍या़ले रिहल्‍ज्‍ये म़ेह।