फिलिप्‍पी 3:19 - ह्योल्‍मो

¹⁹ ता़ह खुङ ज्‍युक्‍स्‍योलला ङ्याल्‍वाला छ्यिच्‍ये येह च्‍यिबेमाना फोवाराङ खुङदी ल्‍हा यिहम्‍बा। खुङ राहङगी ङोहजागी तामया़ला छ्य़ेन्‍दो तेन्‍गे। ओहले खुङ जाम्‍बुलीङगी दि ल़ेहमुराङ से़हया़ थो़ला सेम च्‍याङगे।

फिलिप्‍पी 3:19 Iomraidhean Croise

मत्ती 16:23

येशूगी पत्रुस ङो़ले लो़हदी सुङ नाङसीन, “ए ती़ह गो-छ्येवा, ङाहगी दिनले थेन्‍दी सोङ। ख्‍ये ङाहगी लाहमला नार्तो क्‍याहप्‍केन तोह ज़्‍या़ज्‍ये छोल्‍गे! ख्‍येगी दि साम्‍लु किन्‍ज्‍योलेगी मिहम्‍बा, यिहॱनाङ मिह ङो़लेगी ओहङग्‍यो यिहम्‍बा।”

मत्ती 25:41

“ओ़ह तिङले खोगी राहङगी योमा ङो़ले तेहक्‍यो मिहया़ला दि ल़ेहमु सुङ नाङज्‍ये येह, ‘ए किन्‍ज्‍योगी मे़मु सू़हक्‍यो मिहया़, देलेगी ग्‍यो़बाराङ थेन्‍दी सोङ! ती़ह गो-छ्येवा दाङ खोगी स्‍याहप्‍च्‍यीया़गी तेहन्‍दाला ठाबे पेह ज़्‍या़क्‍यो नाहमॱआङ मिहस्‍यीएँगी मेहला सोङ!

लूका 12:19

ओहले ङाहगी राहङलाराङ माज्‍ये येह, ‘ए सो! ख्‍ये काहजे सोदी छ्यिम्‍बु दु! ख्‍ये ङ्याम्‍बु लोह दाङ लोह थुप्‍कें क्‍युह येह, क्‍यिपु पेहते सोह, थुङ ओहले ङ्याहम्‍साङ पेह’।”

लूका 16:19

ओहले येहपाराङ येशूगी सुङ नाङसीन, “छ्युक्‍पु मिह च्‍यी़ येहकें, खो ङ्यिहमा-टाहङमाराङ रिहन माहङबु डोएँगी काप्‍च्‍या केहन्‍दी ङ्याहम छ्यिम्‍बु पेहती तेहको येहकें।

लूका 18:4

ङ्यिहमा तोबा थु ठिम ताङगेन मिहगी मोहगी तामला नाङदाराङ माहताङ। यिहॱनाङ तोबा तिङले खोगी राहङगी सेम नाहङला मासीन, ‘यिहन्‍ज्‍येनी ङाहला किन्‍ज्‍योगी ज्‍यिक्‍पाॱआङ म़ेह ओहले मिहया़गी च्‍योल्‍दोॱआङ म़ेह!

रोमी 16:18

च्‍यिबेमाना दि ल़ेहमु मिहया़गी मास्‍यीका ओहराङ चो़वोला स्‍याहप्‍तो मी़हस्‍युहएँ, यिहॱनाङ खुङ राहङदीराङ फोवाकी तेहन्‍दाला ल़ेह पेहकें। ओहले खुङया़गी ङ्येम्‍बु-ङ्येम्‍बु तामया़ म़ेदी ज्‍याप्‍ला तेन्‍दी मिह थेकाया़ला ठाग तीएँ।

रोमी 6:21

ता़ह, ख्‍या ताहन्‍दा का़हन्‍दी से़हया़ला ङोहजा पेहकें, ओ़ह से़हया़लेगी ख्‍याया़गी च्‍यि ख्‍येप्‍साङ ज्‍योर्पा ले? ओ़ह से़हया़गीनी स्‍यिवाला गा क्‍याल्‍गे।

१ कोरिन्‍थी 3:3

तोहरोङॱआङ ख्‍या जाम्‍बुलीङकी सेम्‍बाया़ लाहमले राहङगी मिहजी ताङगो दु। ओहले ख्‍या राहङ नाहङदुङ ठादो पेहकेन दाङ ठ़ूस्‍यी सिहङदा पेहकेन्‍की केच्‍याया़नी येहॱराङ येहबा। च्‍यि ओ़हठी यिहन्‍सीमानानी ख्‍या राहङगी ज़ुबुकी च्‍यि पेहच्‍ये सेम क्‍येएँ ओ़हठीॱराङ डोलु-तेहलु पेहकेन जाम्‍बुलीङकी लेहमेन मिहया़ ल़ेहमुराङ माहकाहल ले?

१ कोरिन्‍थी 5:2

तोहरोङ ख्‍यानी सेम मा-फाम्‍बु पेह कोहएँ ग्‍या़लानी छ्य़ेन्‍दो गा तेन्‍गु दुबा! दि ल़ेहमु पे मी़हसीहएँगी ल़ेह पेहकें मिहला ख्‍याया़गी छोक्‍पाले तेन चोहङ।

१ कोरिन्‍थी 5:6

ख्‍याया़गी छ्य़ेन्‍दो तेन्‍गेन्‍दी या़हबु मिहम्‍बा। च्‍योप्‍क्‍यो चाम्‍बाला सिपाज्‍यीराङ खमिर लू़सीमाना चाम्‍बा रेबेॱराङ फोर्के माएँदी च्‍यि ख्‍याया़ला क्‍यी़ह म़ेहबा?

२ कोरिन्‍थी 11:12

ओ़ह मिहया़गी ज्‍यिबुराङ स्‍येर्क्‍या तेन्‍दी पेहक्‍योगी ल़ेहया़ला ङ्यिह ङ्याम्‍बा येहबा म़ेदी माएँ। ओ़ह मिहया़गी “दि ल़ेह ङ्यिहगीराङ पेहक्‍यो यिहम्‍बा” म़ेदी माक्‍योगी तामला ङाहगी च्‍ये ख़ूज्‍यु। ओ़ह सोङबे ङाहगी पेहक्‍यो ल़ेह ङाह पेहतीराङ तेहकें।

२ कोरिन्‍थी 11:15

ओ़ह सोङबे ती़ह गो-छ्येवागी स्‍याहप्‍च्‍यीया़गीॱआङ टाहङदेनगी स्‍याहप्‍च्‍यीया़ ल़ेहमुराङ चुहम्‍रुल ची़हगे सोङबे दि याहम्‍जेम्‍बागी ताम मिहम्‍बा। ज्‍युक्‍स्‍योलला खुङगी राहङगी पेहक्‍योगी ल़ेहला ते़बे ङ्य़ेहबा खुर कोहज्‍ये येह।

गलाती 6:13

च्‍यिबेमाना स्‍या-ताक पेहकेनया़ राहङगीराङ छ्य़े-ठिम मी़हचीएँ, यिहॱनाङ ख्‍याया़ला स्‍या-ताक पेह च्‍य़ूदी खुङलाॱआङ ओहराङ यहूदीया़ ल़ेहमुराङ ज़ो ख़ूसीन म़ेदी छ्य़ेन्‍दो तेन्‍ज्‍येकी तेहन्‍दाला गा खुङया़गी ख्‍याया़ला स्‍या-ताक पेह च्‍य़ूज्‍ये छोल्‍गे।

फिलिप्‍पी 2:21

लेहमेनया़नी राहङला च्‍यी़राङ फेन्‍दोप ओहङगेन्‍की ल़ेहला स्‍य़ूहज्‍येलाराङ ठाबे दु, येशू मास्‍यीकाकी तेहन्‍दाला तुहङाल पेहकेन सुज्‍यीॱआङ म़ेह।

कलस्‍सी 3:2

जाम्‍बुलीङगी से़हया़ला मिहम्‍बा यिहॱनाङ याहरकी से़हया़ला सेम ताङदोङ।

२ थेसलोनिकी 1:9

ओहले खुङया़ला था़ म़ेहबा तोङदी डोएँगी ङ्य़ेहबा फो़ज्‍ये येह, ओहले चो़वो ङ्याम्‍बुकी छोक्‍पा दाङ मिहरोकी ओङ छ्यिम्‍बु ज़िज्‍यिद लाहमले खा फ़ेदी तेह कोहच्‍ये येह।

२ थेसलोनिकी 2:12

ओ़ह सोङबे खुङया़गी तेहन्‍दामकी स्‍याहलला यिह मा़हछ्ये, यिहॱनाङ चोक्‍पा ल़ेहया़ पेहच्‍येलाॱराङ खुङया़ला या़हबु ऩेसीन। ओ़ह सोङबे खुङया़ला ङ्य़ेहबा फो़सीन।

२ थेसलोनिकी 2:8

ओ़ह तिङले तिहक्‍पागी मिह थेन ओहङज्‍ये येह, ओहले खोला चो़वो येशूगी राहङगी स्‍याहलकी उगी तोङ च्‍य़ू नाङज्‍ये येह, मिहरो फेप नाङगेन क्‍या-साङे येहसेरगी खोला तोङ च्‍य़ू नाङज्‍ये येह।

१ तिमोथी 6:5

ओ़ह ल़ेहमु मिहया़गी नावा नोहङग्‍योया़ दाङ तेहन्‍दामकी लाहमलेगी लो़हक्‍यो मिहया़की पाहरक्‍यीला ठ़ूस्‍यी सिहङदा च्‍यी़राङ ख्‍योङगे, ओहले किन्‍ज्‍योला म़ेहबा पेहक्‍योदी छ्युक्‍पु डोज्‍येगी तेहन्‍दाला यिहम्‍बा म़ेदी नोम्‍साङ ताङगे।

२ तिमोथी 3:4

लेहमेन मिहया़ला गो़ कोर च्‍य़ूगे, याम-थेर्पु, छ्य़ेन्‍दो तेन्‍दी ङाहराङ यिहन माएँ, किन्‍ज्‍योकी छापला ङ्याहमसाङ-खाम्‍साङ पेहच्‍ये सेम्‍बा पेहकें,

याकूब 4:16

यिहॱनाङ ख्‍यागी छ्य़ेन्‍दो तेन्‍गे ओहले ठासाक तेन्‍गे। दि ल़ेहमु छ्य़ेन्‍दो तेन्‍गेन्‍दी ङ्येहम्‍बा यिहम्‍बा।

२ पत्रुस 2:1

ताहङबो इस्राएली मिहया़की पाहरक्‍यीला चिहन क्‍याहप्‍केन्‍गी लुहङतेम्‍बाया़ येहकें ल़ेहमुराङ, ताहन्‍दा ख्‍याया़गी पाहरक्‍यीलाॱआङ चिहन क्‍याहप्‍ती लुहङ तेर्केन्‍गी लोबेनया़ थेन्‍दी ओहङज्‍ये येह। खुङया़गी नाहङदा नाहङ क्‍यी़हराङ माहन्‍ज्‍योर्पा पेहती तोङदी डो च्‍य़ूगेन्‍गी ची़हमा लुहङया़ ख्‍योङज्‍ये येह, ओहले खुङया़गी थार्पा नाङगेन्‍गी चो़वोलाॱआङ मा-लोक पेहच्‍ये येह। दि ल़ेहमु पेहती खुङ याहङमे-याहङ तोङदी डोज्‍ये येह।

२ पत्रुस 2:13

खुङया़गी लेहमेन मिहया़ला तुहक्‍पु तेरक्‍यो सोङबे खुङ राहङगीॱआङ तुहक्‍पु खुर कोहच्‍ये येह। ओहले ङ्यिहमालाराङ राहङ सेमला ने़जेबा खाम्‍साङ-ङ्याहम्‍साङ पेहती डोएँदीॱराङ क़ेहनाङगी स़ेह यिहम्‍बा म़ेदी खुङगी नोम्‍साङ ताङगे। खुङ ङ्याम्‍बु छो़दी साहएँ थुङगेन्‍दीॱराङ ख्‍याया़गी तेहन्‍दाला ङोह छाएँ दाङ स्‍याहम्‍डेन तेन्‍गेन्‍गी ताम यिहम्‍बा। खुङ नाहम्‍माॱनाङ मिहया़ला चिहन क्‍याहप्‍ती से़हदी, थुङदी, खाम्‍साङ-ङ्याहम्‍साङ च्‍यी़राङ पेहच्‍ये सेम्‍बा पेहकें।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

यहूदा 1:10

यिहॱनाङ दिया़गी का़हन्‍दीला स्‍याहम्‍डेन तेन तेहती येहबा ओ़ह खुङया़ला क्‍यी़हराङ म़ेह, ओहले खुङगी राहङगी सेमला ने़जेबाकी ल़ेहया़ पेहक्‍यो सोङबे खुङ रिहक्‍स्‍यी म़ेहबाकी सेम्‍ज्‍येनया़ ल़ेहमुराङ पेहती तोङज्‍ये येह।

यहूदा 1:16

मुहर-मुहर म़ेदी तेहकेनया़, नाहमॱआङ सेन्‍दोग मेहयोहङगेया़, राहङगी सेमला ने़जेबा पेहती डोएँया़, छ्य़ेन्‍दो तेन्‍दी ताम माएँया़ ओहले राहङला खेप्‍साङ ओहङज्‍येगी तेहन्‍दाला लेहमेन मिहया़ ङ्याम्‍बु ज्‍याप्‍ला तेन्‍गेया़ दि मिहया़राङ यिहम्‍बा।

यहूदा 1:4

च्‍यिबेमाना माहङबुराङ तोहङले ङ्य़ेहबा फो़ज्‍ये सी़ह सिहन्‍ग्‍योकी लाहला मिहया़ खाजुम्‍बाला ख्‍या फे़बे मे़हमेया़की पाहरक्‍यीला स्‍युहसीहन्‍दी येह। खुङ किन्‍ज्‍योला मेहक्‍याप्‍केन्‍गी मिहया़ यिहम्‍बा, खुङगी ओहराङकी किन्‍ज्‍योकी काटीनला ल़ेह ङ्येहम्‍बा पेहकेन्‍गी छेन्‍ज्‍याया़ जे़दी येह ओहले ओहराङगी च्‍यिमी च्‍यी़राङ ताहक्‍पु दाङ चो़वो, येशू मास्‍यीकाला मा-लोक पेहकें।

ज्‍याल्‍गा 18:7

मोहगी काहजे चा़-ची़नाङ दाङ खाम्‍साङ-ङ्याहम्‍साङ पेहक्‍यो येहबा, ओहजेराङ तुहक्‍पु दाङ तुहङाल मोहला तेर। च्‍यिबेमाना मोहगी राहङ सेम सेमलाॱराङ माएँ, ‘ङाहनी क्‍याहल्‍मु छ्यिम्‍बु पेहते देला तेहकें। ङाह ह्‍युग्‍मो मिहन। ङाहगी नाहमॱआङ तुहङाल पेह कोहच्‍ये म़ेह।’

ज्‍याल्‍गा 19:20

ओहले ओ़ह सेम्‍ज्‍येन दाङ खोगी छापला याहम्‍जेम्‍बाकी ताक्‍छेनया़ तेन्‍गे ओ़ह चिहन क्‍याहप्‍के लुहङतेम्‍बालाॱआङ ज़ुङसीन। दि याहम्‍जेम्‍बागी ल़ेहया़ लाहमले ओ़ह चिहन क्‍याहप्‍कें लुहङतेम्‍बागी ओ़ह सेम्‍ज्‍येनगी पार क्‍याहप्‍कें दाङ खोगी कुला छ्येपा फुल्‍गे थाम्‍ज्‍यीला गो़ कोर च्‍य़ूदी येहकें। ओ़ह ङ्यिकालाराङ ती़हदी तेहक्‍यो मेहबुङगी छो नाहङला सोम्‍बोराङ क्‍युर चाहङसीन।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”