फिलिप्पी 3:18 - ह्योल्मो18 ङाहगी लेहमा माहङबुराङ स्य़े सिहन्ग्यो मिहया़गी तेहन्दाला येहपाराङॱआङ ङाह मिज्यु ताङदी ख्याया़ला माउ येह खुङ मास्यीकाकी क्याहङस्यीङकी टाहया़गी ल़ेहमुराङ पेहती राहङगी मिहजी ताङगे। Faic an caibideil |
फिलिप्पी 3:18
30 Iomraidhean Croise
टाहङबु म़ेहबाकी मिहया़ स्यिहङगामकी क्याहल्सीला स्युह ङ्युहङज्ये म़ेह माएँ ताम च्यि ख्याया़ला क्यी़ह म़ेहबा? राहङगी राहङला चिहन माहक्याहप। देक्षागी बान्डन ल़ेह पेहकेनया़, कुला छ्येपा फुल्गेया़, छ्येउ-छ्येंमु पेहकेनया़, मिहगी ख्योवा दाङ पी़हमी थो़ला देक्षागी सेम च्याङगेनया़, ख्योवा पेहजा नाहङदोङ पा़हमा पेहकेनया़,
खुङ या़हबु लेहङगुगी तेन्ग्योकी तेहन्दामकी लाहम क्यो़दी काहल्ग्यो थोङ फान्ज्यो ङाहगी मिह थाम्ज्यीगी दिनलाराङ केफासला मासीन, “राहङ यहूदी यिहन्दीॱआङ यहूदी ल़ेहमु जे माहनाङबा लेहमेन क्यिहपाकी मिहया़गी ल़ेहमु डोलु-तेहलु जे नाङगे मासीमाना, लेहमेन क्यिहपाकी मिहया़ला यहूदीगी ल़ेहमुराङ मिहजी ताङज्येला राहङगी च्यिबे उर्चु जे नाङगे ले?”
लेहमेन मिहया़ याहरक्यी काहल्ग्यो थोङगेमु सेम छी़गे, छ्याङसीवा, याम-थेर्पु लुया़ लेहन्दी छ्याम्गे, ज़िगे से़हया़ थुङदी छ्येउ-छ्येंमु पेहती खाम्साङ-ङ्याहम्साङ पेहकें ओहले लेहमेनॱआङ दि ल़ेहमुराङ तिहक्पागी ल़ेहया़ पेहकेन मिहया़ किन्ज्योगी क्याहल्सी नाहङला स्य़ूहज्येला ओङ ज्योर्च्ये म़ेह। दिगी तेहन्दाला ङाहगी तोहङलेॱआङ ख्याया़ला ठो़ पेहती माक्यो येहकें ओहले ताहन्दाॱआङ माएँराङ येहबा।
खास पेहती किन्ज्योकी ओङला ङ्येन्ज्येन पेहकेन दाङ पे मी़हसीहएँगी ल़ेहया़ पेहती राहङग्याल स्योर्ती डोएँया़ला ठिम ताङ नाङगे ङ्यिहमा थु सी़दे ज़्या़ नाङज्ये येह। दि ल़ेहमु ची़हमा लुहङ तेर्के मिहया़ ङ्यिहनॱराङ मिहङ्यीहन्गे दाङ छ्य़ेन्दो तेन्गेया़ ओहङगे ओहले खुङया़गी स्यिहङगामला येहकेया़लाॱआङ स्याहम्डेन केन्ज्येला मी़हन्ज्यीएँ।
खुङ छो-क्याहम्जोकी ज्यी़ज्ये ल़ेहमु छ्यु-पाहलापया़ ल़ेहमुराङ यिहम्बा ओहले राहङगी नाम्दो लाहङज्ये ल़ेहमु से़हया़ छो-क्याहम्जोगी पोहवाल ल़ेहमुराङ पेहती तेन्गे। खुङ राहङगी लाहमला मा़हस्युहबा पेहती काहने थेतेराङ कोरा क्याहप्ती डोएँगी नामगी कार्माया़ ल़ेहमु यिहम्बा। खुङगी तेहन्दाला नाहम्स्यी किन्दु ज़ी़ज्ये ल़ेहमु ना़-जुबे ग्या़ सी़दे ज़्या़क्यो येहबा।
Sanasan