फिलिप्‍पी 3:15 - ह्योल्‍मो

¹⁵ ओहराङ यिह-छ्य़ेला सान्‍दी काहल सिहन्‍ग्‍योया़गीती दि ल़ेहमुराङ सेम थो़ कोहएँ, ओहले लाहलाती लेहमेनॱराङ नोम्‍साङया़ येहसीमाना किन्‍ज्‍योगीॱराङ ख्‍याया़ला प्रा साल नाङज्‍ये येह।

फिलिप्‍पी 3:15 Iomraidhean Croise

मत्ती 5:48

ओ़ह सोङबे स्‍यिहङगामला ज़्‍य़ू नाङगेन्‍गी ख्‍याया़गी किन्‍ज्‍यो च्‍यिॱआङ क्‍येन म़ेहबा जेती ज़्‍य़ू नाङग्‍यो ल़ेहमुराङ ख्‍याया़ॱआङ ओ़ह ल़ेहमुराङ पेहती तेह कोहएँ” म़ेदी येशूगी सुङ नाङसीन।

लूका 11:13

ख्‍या मिह ङ्येहम्‍बा यिहॱनाङ राहङगी पुह पोहमोया़ला या़हबु से़हया़ तेर स्‍य़े फान्‍ज्‍यो तोहरोङ स्‍यिहङगामला ज़्‍यू़गेन ख्‍यागी याहपगी मिहरो ङ्याम्‍बु लाङगेया़ला काहजे माहङबु जेती नाम्‍पार-ताहक्‍पा थु नाङडो?”

यूहन्‍ना 6:45

सुङरापला लुहङतेम्‍बाया़गी दि ल़ेहमु प्री़हदी येहबा, ‘किन्‍ज्‍योगीॱराङ खुङया़ला लोप नाङज्‍ये येह’। दि ल़ेहमु पेहती याहपगी सुङदेन ङ्यिहन्‍गे दाङ लोप्‍केया़ थाम्‍ज्‍यीराङ ङाहसाला ओहङज्‍ये येह।

यूहन्‍ना 7:17

किन्‍ज्‍योकी थु ङ्य़ेबु ल़ेह पेहच्‍ये छोल्‍गेया़गी दि सुङदेन किन्‍ज्‍यो लाहमले ओहङग्‍यो यिहम्‍बानी ङाह राहङ लाहमलेॱराङ ओहङग्‍यो यिहम्‍बा माएँ ताम ङोह स्‍ये़ज्‍ये येह।

रोमी 15:1

ओहराङ यिह-छ्य़ेला सान्‍दी येहकेनया़गी राहङला च्‍यी़राङ क़ेहनाङ लाहङ च्‍य़ूगेन्‍की सेम्‍बाया़ मा़हथोबा पेहती यिह-छ्य़ेला मा-फाम्‍बु येहकेनया़दी मा फाम्‍बुला ना़ कोहएँ।

१ कोरिन्‍थी 14:20

आदा-नो़ह दाङ आज्‍यी-नुहमुया़, ख्‍याया़ नोम्‍साङ ताङलुला पेहजाया़ ल़ेहमु माहबे। ताम चोक्‍पाया़गी तेहन्‍दाला पेहजाया़ ल़ेहमु, च्‍यिॱआङ क्‍यी़ह म़ेहबा ल़ेहमु पेहती तेहतोङ, यिहॱनाङ नोम्‍साङ ताङलुला ख्‍या मिह छ्यिम्‍बु ल़ेहमु ओहङ कोहएँ।

१ कोरिन्‍थी 2:6

यिह-छ्य़ेला चार्ङ्यी तिहङ रिहङबु सू़ह सिहन्‍ग्‍योया़ ङ्याम्‍बु ङ्यिह रिहक्‍स्‍यीकी तामया़ प्रा साल्‍गे, यिहॱनाङ दि काल्‍बाकी रिहक्‍स्‍यी मिहम्‍बा। दि काल्‍बाला ओङ छ्येएँया़की रिहक्‍स्‍यीॱआङ मिहम्‍बा। दिया़नी ङ्यिहमा च्‍यी़ तोङदी डोज्‍ये येह।

गलाती 5:10

ख्‍याया़गी ङाहगी लोप्‍क्‍योकी लोप्‍च्‍युङया़ म़ेदी लेहमेनॱराङ लोप्‍च्‍युङया़ ची़दे डोज्‍ये म़ेह म़ेदी ङाह चो़वो ङ्याम्‍बु तेहपा पेहको येह। ख्‍याया़ला गो़ ली़दे लेहमेनॱराङ लाहम चोक्‍पा तेन्‍गेया़ला सु यिहॱनाङ किन्‍ज्‍योगी ङ्य़ेहबा काल नाङज्‍ये येह।

एफिसी 1:17

ओहराङ चो़वो येशू मास्‍यीकाकी किन्‍ज्‍यो, ज़िज्‍यिदकी याहपगी ख्‍याया़ला मिहरोगी तेहन्‍दाला येहन्‍देनला रिहक्‍स्‍यी दाङ ङोह स्‍य़े ख़ूएँगी थु नाङज्‍यु म़ेदी ङाह नाहम्‍माॱनाङ सोल्‍वाङ ताप्‍को येह।

कलस्‍सी 1:28

मिह थाम्‍ज्‍यीला मास्‍यीकाला छाङबु जे़दी किन्‍ज्‍योगी दिनला तेन ख़ूज्‍यु म़ेदी ङ्यिह मिह ऱेह-ऱेहला ज्‍यी़-ङोर तेन्‍गेॱराङ ओहले मिह ऱेह-ऱेहला थाम्‍ज्‍यी रिहक्‍स्‍यीला लोप्‍केॱराङ मास्‍यीकाकी तेहन्‍दाला स्‍येकें।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

१ थेसलोनिकी 4:9

यिहॱनाङ आदा-नो़ह दाङ आज्‍यी-नुहमुया़ला चेवाकी तेहन्‍दाला सुज्‍यीगीॱआङ यिहगी प्रुह कोहबा म़ेह, च्‍यिबेमाना च्‍यी़गी च्‍यी़ला चेवा पेहतोङ माएँ ताम ख्‍या फ़ेबे-म़ेहमेॱया राहङगीराङ किन्‍ज्‍यो लाहमले लुहङ ज्‍योर्ती येह।

२ तिमोथी 3:17

किन्‍ज्‍योकी मिहया़गी थाम्‍ज्‍यीराङ या़हबु ल़ेहया़ या़हबु पेहती ठीक-ठीक ङ्या़ह-ङ्या़ह पेहती पेह ख़ूज्‍यु म़ेदीराङ छ्य़े नाङग्‍यो यिहम्‍बा।

हिब्रू 5:14

यिहॱनाङ मुहर कोहएँगी साहप्‍च्‍याया़नी छार सिहन्‍ग्‍यो मिहया़गी तेहन्‍दाला यिहम्‍बा। च्‍यिबेमाना या़हबु चोक्‍पा च्‍यि यिहम्‍बा म़ेदी खा फे़ ख़ूएँगी नावा खुङला क़े सिहन्‍ग्‍यो ओहङगे।

१ यूहन्‍ना 2:5

यिहॱनाङ काहदी मिहगी चो़वोगी लुहङया़ ची़गे, खोगी तेहम्‍बा-तेहन्‍सुमॱराङ किन्‍ज्‍योला सेम तिहङ यिहन्‍ज्‍युराङ चेवा पेहक्‍यो ओहङगे। दि लाहमलेॱराङ ओहराङ किन्‍ज्‍यो ङ्याम्‍बु येहबा माएँ ताम क्‍यी़ह ज्‍योर ख़ूएँ।