फिलिप्‍पी 3:13 - ह्योल्‍मो

¹³ आदा-नो़ह दाङ आज्‍यी-नुहमुया़, ङाहगी दि थाम्‍ज्‍यी ज़ुङ सिहन्‍दी येह म़ेदीनी ङाह मेहमाएँ, यिहॱनाङ ङाह ल़ेह च्‍यी़ पेहकें, काहल सिहन्‍ग्‍योकी तामया़ टेहम्‍बा च्‍येहती ता़ह ङाहती दिनला येहकेन्‍की से़हया़ ङो़ले सेम ताङगे।

फिलिप्‍पी 3:13 Iomraidhean Croise

लूका 10:42

यिहॱनाङ कोहकें ल़ेहनी च्‍यी़राङ येहबा, ओ़हदीनी मरियमगी दाम्‍दी येह, ओ़हदी मोहलेगी सुगीॱआङ फ्रो़दी ख्‍येर्च्‍ये म़ेह!” म़ेदी येशूगी सुङ नाङसीन।

लूका 9:62

ओहले येशूगी सुङ नाङसीन, “लाङगो मोएँ मिह क्‍याहप्‍लो लो़हदी त़ेदी तेहसीमाना लाङगो मो मी़हखुएँ। ओ़ह ल़ेहमुराङ, ङाहगी तिङदा तिङ ओहङगेन मिह क्‍याहप्‍लो लो़हदी त़ेदी तेहसीमाना किन्‍ज्‍योगी क्‍याहल्‍सीकी तेहन्‍दाला खो फेन मे़हथोएँ!” म़ेदी येशूगी सुङ नाङसीन।

२ कोरिन्‍थी 5:16

ता़ह यिहन्‍ज्‍यु ङ्यिह सुॱलाङ मिहगी फि ङो़ले च्‍यी़राङ मेहताएँ। ती़हजी च्‍यी़ला ङ्यिहगी मास्‍यीकाला मिहला ल़ेहमु पेहती ताक्‍यो येहकें, यिहॱनाङ ता़ह यिहन्‍ज्‍यु मिहरोला ओ़हठी पेहती ताज्‍ये म़ेह।

फिलिप्‍पी 2:12

ए ङाहगी च्‍याहम्‍बु रो़हया़, ङाह ख्‍या ङ्याम्‍बु येहकेंमु ख्‍याया़गी नाहम-माना ङाहती तामया़ ङ्यिहन्‍सीन, यिहॱनाङ ता़ह ङाह ख्‍यालेगी था़-रिहङबु येह ङाह ख्‍या ङ्याम्‍बु मे़हॱनाङ ङाहती तामया़ जेन माहङबु पेहती ची़दोङ ओहले किन्‍ज्‍योकी ज्‍यिक्‍पा खुर्तोङ, दार्ती राहङगी ज़्‍योरक्‍यो थार्पाकी ल़ेह छाङबु पेहच्‍येला तुहक्‍पु पेहतोङ।

फिलिप्‍पी 3:12

ङाहगी दि से़हया़ तोहङलेराङ ज्‍योर सिहन्‍दी येह, ङाह तोहङलेराङ याहङ-ताहक्‍पा काहल सिहन्‍दी येह म़ेदीनी मिहम्‍बा, यिहॱनाङ ओ़ह से़हया़ला ज़ुङज्‍येकी तेहन्‍दाला ङाह तोहङदा-तोहङ स्‍युक पेहती छ्योङगेराङ येह ओ़ह से़हया़गी तेहन्‍दालाराङ मास्‍यीकागी ङाहला ज़ुङ नाङसीन।

फिलिप्‍पी 3:8

तेहम्‍बाराङ माज्‍ये माना मास्‍यीका येशू ङाहती चो़वोला ङोह स्‍य़े ङ्युहङगेन मेलाम तादाङलानी ना थाम्‍ज्‍यीराङ से़हया़ ङाहगी स्‍यिती काम्‍बुलाराङ थोङसीन। मास्‍यीकाला ज्‍योर ख़ूज्‍यु म़ेदी मिहरोगी तेहन्‍दाला ङाहगी रेबेॱराङ से़हया़दी क्‍यी़ह खुर्ती येहबा, ओ़ह रेबेॱराङ से़हया़ ङाहगी तेहन्‍दाला ङ्योहक्‍तोङ यिहम्‍बा।

हिब्रू 6:1

ओ़ह सोङबे ओहराङ मास्‍यीकाकी गो़ तोहङस्‍यो लुहङया़ला च्‍यी़राङ माहतेहपा पेहती ता़हनी ओहराङ मास्‍यीकाकी तिहङ रिहङबु दाङ रिहक्‍स्‍यीकी लुहङया़ ङो़ले याहरक्‍यी पेहती डो कोहएँ। स्‍यिवा ङो़ले ख्‍येर्केन ल़ेहया़ लाहमले स्‍या़बा दाङ किन्‍ज्‍यो थो़ला तेहपा पेहकें तामगी ब्राम येहपाराङ माहतिङ।

२ पत्रुस 3:8

यिहॱनाङ च्‍याहम्‍बु रो़हया़, दि ताम टेहम्‍बा माहच्‍येह। चो़वोकी दिनला लोह तोङरा च्‍यी़ माक्‍योदी ङ्यिहमा च्‍यी़ ल़ेहमुराङ यिहम्‍बा ओहले ङ्यिहमा च्‍यी़ माक्‍योदी लोह तोङरा च्‍यी़ ल़ेहमुराङ यिहम्‍बा।