फिलिप्पी 3:1 - ह्योल्मो1 ज्युक्स्योलला आदा-नो़ह दाङ आज्यी-नुहमुया़, चो़वोला ख्याया़ सेम काहसो पेहतोङ। ख्याया़ला ओ़ह तामया़ येहपाराङ लो़री क्याहप्ती प्रुहज्येला ङाह छेर्स्यी मेहबेएँ। दिगी ख्यागी यिह-छ्य़ेला थार च्य़ूगे। Faic an caibideil |
फिलिप्पी 3:1
46 Iomraidhean Croise
ज्युक्स्योलला आदा-नो़ह दाङ आज्यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्याला ओहर-छ्य़े स्युहउ येह, च्यी़गी च्यी़ला आ़र क्ये च्य़ूदोङ। च्यी़गी च्यी़ला माक्यो तामया़ ङ्यिहन्दोङ ओहले सेम लो तेहमु पेहती तेहतोङ। ओहले स्य़िहदे दाङ चेवा जे नाङगे किन्ज्यो ख्या ङ्याम्बु ज़्य़ू नाङज्ये येह।
ज्युक्स्योलला आदा-नो़ह दाङ आज्यी-नुहमुया़, का़हन्दी ताम तेहम्बा येहबा ओहले चा़ पेहच्येला सी़हएँदी येहबा ओ़ह से़हला सेम ताङदोङ। का़हन्दी स़ेह ठिमला ते़बे या़हबु येहबा, चाङमा येहबा, चेवा पेहच्येला सी़हज्ये येहबा, चा़ छ्यिम्बु येहबा ओहले क्या़ज्येला सी़हज्ये येहबा ओ़ह से़हया़ला सेम ताङदोङ।
ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ।
Sanasan