फिलिप्‍पी 2:6 - ह्योल्‍मो

⁶ येशू मास्‍यीका तेहम्‍बाराङ किन्‍ज्‍यो यिहन्‍गे, यिहॱनाङ मिहरोगी राहङला किन्‍ज्‍यो ङ्याम्‍बा यिहन म़ेदी थुला नोम माहनाङ। दि ओहराङगी नोम्‍साङ ताङ कोहएँगी ताम यिहम्‍बा।

फिलिप्‍पी 2:6 Iomraidhean Croise

मत्ती 1:23

“त़ेदोङ, पोहमो स्‍यार्मा याहङबा च्‍यी़ ज़ुबु ङ्यिहपा डोज्‍ये येह ओहले मोहगी स़ेबु च्‍यी़ ठुङज्‍ये येह। ओहले मिहया़गी मिहरोला इम्‍मानुएल माज्‍ये येह।” इम्‍मानुएल माक्‍योगी तेहन्‍दादी किन्‍ज्‍यो ओहराङ ङ्याम्‍बु ज़्‍य़ू नाङदी येह म़ेदी माक्‍यो यिहम्‍बा।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 10:30

याहप दाङ ङाह च्‍यी़राङ यिहन।”

यूहन्‍ना 10:33

यहूदीया़गी येशूला मासीन, “या़हबु ल़ेहगी तेहन्‍दाला ङ्यिह ख्‍येला तोहगी मेहक्‍याहप, यिहॱनाङ ख्‍येगी किन्‍ज्‍योला स्‍ये़हन्‍डील पेहक्‍यो सोङबे, च्‍यिबेमाना ख्‍ये मिह यिहन्‍देॱआङ राहङला किन्‍ज्‍यो यिहन म़ेदी माउ दु।”

यूहन्‍ना 10:38

ङाहनी याहपकी छ्या़लेया़ पेहको येह। ख्‍याया़गी ङाहला यिह मेहछ्ये़ॱनाङ ङाहगी पेहक्‍योकी ल़ेहया़ला यिह छ्य़ेदोङ ओहले ख्‍याया़गी, ‘याहप ङाह ङ्याम्‍बु ज़्‍य़ू नाङदी येह ओहले ङाह याहप ङ्याम्‍बु येह’ माएँ ताम क्‍यी़ह ज्‍योर्च्‍ये येह ओहले ङोह स्‍ये़ज्‍ये येह।”

यूहन्‍ना 14:28

ङाहगी ख्‍याया़ला ‘ङाह डोॱराङ येह, ओहले ख्‍यासाला ओहङगे’ म़ेदी माक्‍यो ख्‍याया़गी थ़े सिहन्‍दी येहबा। ख्‍याया़गी ङाहला चेवा पेहक्‍यो यिहनानी ङाह याहप्‍च्‍येन आबासाला डोॱराङ येह माएँ थे़गेमु ख्‍या क़ेहनाङ पेहच्‍ये येहकें, च्‍यिबेमाना याहप ङाह म़ेदी चा़ छ्यिम्‍बु ज़्‍य़ू नाङदी येह।

यूहन्‍ना 14:9

येशूगी खोला सुङ नाङसीन, “फिलिप, ओहजे ङ्यिहमा थु ङाह ख्‍या ङ्याम्‍बु तेहतीॱआङ तोहरोङॱआङ ख्‍येगी ङाहला ङोह मा़हस्‍येबा? ङाहला थोङगेन्‍दीगी याहपलाॱआङ थोङ सिहन्‍दी येह। ओ़ह सोङबे ख्‍ये ‘ङ्यिहला याहप तेन नाङदोङ’ म़ेदी काह-ठि पेहती मा ख़ूएँ?

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 20:28

थोमागी येशूला मासीन, “ओ़, ङाहती चो़वो दाङ ङाहती किन्‍ज्‍यो!”

यूहन्‍ना 5:18

ओ़ह सोङबे यहूदीया़गी येशूला सेच्‍ये म़ेदी माहङबुराङ स्‍युक पेहसीन, च्‍यिबेमाना मिहरोगी थाङ सोएँ ङ्यिहमागी ठिम च्‍यी़राङ माहगोम, यिहॱनाङ येशूगी किन्‍ज्‍योला याहप सुङदी राहङला किन्‍ज्‍यो ङ्याम्‍बा ज़ो नाङग्‍यो येहकें।

रोमी 9:5

इस्राएलीया़ ज्‍यिबुराङ छ्यिम्‍बु मिहन थोप्‍क्‍यो चावाया़गी छार्क्‍यीन यिहम्‍बा, मास्‍यीका मिहरोॱआङ दि क्‍यिहपाला ठुङ नाङसीन। मिहरोनी थाम्‍ज्‍यी थो़ला ठिम ताङ नाङगे किन्‍ज्‍योॱराङ यिहम्‍बा। मिहरोला नाहम-माना त़ेरा तेच्‍या फुल्‍ज्‍यु। आमेन।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

१ तिमोथी 1:17

ता़ह नाहम्‍स्‍यी किन्‍दुगी क्‍याहल्‍बु, नाहम-माना ज़्‍य़ू नाङगे ओहले थोङ मी़हखुएँगी च्‍यी़मे च्‍यी़राङ किन्‍ज्‍योला नाहम-माना ची़नाङ ओहङज्‍यु, नाहम-माना ज़िज्‍यिद ओहङज्‍यु। आमेन।

१ तिमोथी 3:16

तेहम्‍बाराङ किन्‍ज्‍योला क्‍याप्‍केन्‍गी तेहन्‍दा ङोहॱराङ स्‍ये मी़हखुएँगी नाहङ-ताम काहजे छ्यिम्‍बु येहबा? मास्‍यीका मिहगी पी़नाङ नोम्‍दी फेप नाङसीन, नाम्‍पार-ताहक्‍पा थुगी मिहरोला टाहङबु यिहम्‍बा म़ेदी तेन नाङसीन ओहले मिहरोला स्‍यिहङगामकी स्‍याहप्‍च्‍यीया़गीॱआङ थोङसीन। ओहले मिहरोकी तेहन्‍दाला लुहङबा लुहङबागी मिहया़गी थ़ेसीन, जाम्‍बुलीङला मिहरोला मिहया़गी यिह-छ्य़े पेहसीन ओहले किन्‍ज्‍योगी मिहरोला येहपाराङ स्‍यिहङगामला ज्‍यिबुराङ चा़ जेती नोम फेप्‍सीन!

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

हिब्रू 1:3

मास्‍यीकागी किन्‍ज्‍योकी ज़िज्‍यिदकी क्‍या-साङे तेन नाङगे ओहले मास्‍यीकाॱराङ किन्‍ज्‍योकी तेहम्‍बा-तेहन्‍सुम ङ्य़ेहरी यिहम्‍बा। ओहले मिहरोगी वाङज्‍या छ्यिम्‍बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्‍पालेगी कोहङदा नाङगेन्‍गी छ्या़ले छार फान्‍ज्‍यो मिहरो वाङज्‍या छ्यिम्‍बु नोम्‍गेन किन्‍ज्‍योकी योबा ङो़ले ज़्‍य़ू नाङसीन।

हिब्रू 1:6

किन्‍ज्‍योगी राहङदी तोहङस्‍यो क्‍येक्‍योदीला जाम्‍बुलीङला नोम फेप नाङगेमु मिहरोगी येहपाराङ सुङ नाङसीन, “किन्‍ज्‍योकी रेबेॱराङ स्‍यिहङगामकी स्‍याहप्‍च्‍यीया़गी मिह-रो़हलाॱराङ छ्येपा फुल्‍ज्‍यु।”

हिब्रू 1:8

यिहॱनाङ ता़ह स़ेबुकी तेहन्‍दाला मिहरोगी दि ल़ेहमु सुङ नाङसीन, “ओ़ किन्‍ज्‍यो, राहङगी ज़्‍य़ू-ठि नाहम्‍स्‍यी किन्‍दुॱराङ लिहच्‍ये येह, ओहले राहङगी तेहन्‍दाम लाहमले ठिम ताङ नाङज्‍ये येह।

हिब्रू 13:8

येशू मास्‍यीका तोहङले काह-ठि येहकें, ताहन्‍दाॱआङ ओ़हठीॱराङ ज़्‍य़ू नाङदी येह ओहले नाहम्‍स्‍यी किन्‍दु ना च्‍यी़राङ ज़्‍य़ू नाङज्‍ये येह।

ज्‍याल्‍गा 21:6

ओहले मिहरोगी ङाहला सुङ नाङसीन, “ता़ह चो़हसीन। ङाह अल्‍फा दाङ ओमेगा यिहम्‍बा, तोहङस्‍यो दाङ तिङस्‍यो ङाहराङ यिहन। खा कोम्‍ग्‍यो मिहया़ला ङाह मिहलीगी छ्यु क्‍येज्‍युलेगी आहन्‍डाराङ थुङ च्‍य़ूज्‍ये येह।