5 ख्याया़गी सेम येशू मास्यीकाती ल़ेहमुराङ ओहङज्यु।
ङाहगी ङ्यास्यीङ खुर्तोङ ओहले ङाह ङ्याम्बु लोप्तोङ च्यिबेमाना ङाह च्याहम्बु दाङ ङ्येम्ज्युङ येह, ओहले ख्याया़गी राहङगी सेमगी थाङ सो ङ्युहङज्ये येह।
छ्येच्येला ज़्यू़गेन्गी ने़बु दाङ साहज्ये स्युहएँगी योक्पु, खुङ ङ्यी़ला सु छ्यिम्बु? ऩेबुराङ मिहम्बा ले? ङाहनी ख्या नाहङला साहज्ये स्युहएँगी योक्पु ल़ेहमुराङ यिहम्बा।
किन्ज्योगी नासरतगी येशूला राहङगी नाम्पार-ताहक्पा थु दाङ स्युक नाङसीन। ओहले किन्ज्यो येशू ङ्याम्बु ज़्य़ू नाङग्यो सोङबे येशूगी छ्या़ले या़हबुया़ जे नाङसीन। ओहले ती़ह स्युहक्यो मिहया़ला टा़ह च्य़ू नाङगेराङ थाम्ज्यी ग्या़या़ला फेप नाङसीन।
ङाहगी थाम्ज्यी तामला राहङ फे़बेया़ला पे तेन सिहन्दी येह, राहङ फे़बेया़गीॱआङ दि ल़ेहमुराङ तुहक्पु पेहती ला़ मेहखाएँया़ला रो़ह पेह कोहएँ। चो़वो छ्येवा येशूगी सुङ नाङग्योकी दि स्याहल टेहम्बा साल्दी तेहतोङ, ‘लेहन्गे म़ेदी तेर्के सोनाम-साक्पु’!” म़ेदी पावलगी एफिससकी छो़बाया़गी गोबाया़ला मासीन।
का़हलेॱआङ ख्येगी साहक्यो से़हगी पेहती ख्येती नो़ह नार्तो क्याहप्सीन माना ख्येगी खोला निङज्यी पेहक्यो मिहम्बा। खोगी तेहन्दालाॱआङ मास्यीका टोहङ नाङग्यो यिहम्बा ओ़ह सोङबे ख्येगी साहक्यो से़हया़गी पेहती खो तोङदी माहन्डोज्यु।
च्यिबेमाना मास्यीकागीॱआङ राहङला क़ेहनाङ लाहङ च्य़ूगेन्की छ्या़लेया़ जे माहनाङ। ओ़हठीॱराङ सुङरापलाॱआङ दि ल़ेहमु प्री़हदी येहबा, “राहङला स्ये़हन्डील पेहकेनया़की स्ये़हन्डील ङाह थो़ला बाप्ती येह।”
ना़ ख़ूएँकी ओङ दाङ स्युक क्ये च्यु नाङगे किन्ज्योगीॱराङ ख्याया़ला मास्यीका येशू ङ्याम्बु च्यी़ डी़दी सेम च्यी़राङ डोएँगी ओङ नाङज्यु।
ङाहगी पेहक्यो ल़ेहमुराङ पेहतोङ। ङाहगी राहङला फेन थो़एँगी ल़ेहया़ पेहच्ये माहछोल। यिहॱनाङ ला़ खाजे मिह थाम्ज्यीगी थार्पा थोप ख़ूज्यु माएँ सेम पेहती ङाहगी ख्यागी तेहन्दालाराङ फेन थो़एँगी ल़ेहया़ पेहच्ये छोल्ग्यो यिहम्बा।
ख्याया़गी मिहली चेवाकी काहङग्यो ओहङ कोहएँ। काह-ठि पेहती मास्यीकागीॱआङ ओहराङ ङ्याम्बु चेवा जे नाङबा, ओहले किन्ज्योकी तेहन्दाला टिहमा स्यिहम्बु खाएँगी डेल्बा दाङ मार्च्ये जेती राहङगी राहङला ओहराङगी तेहन्दाला फुल नाङसीन।
फिलिप्पी क्याहसाला येहकेन मास्यीका येशूकी नाम्पार-ताहक्पा मिहया़, एल्डरया़ ओहले डिकनया़ला ङ्यिह मास्यीका येशूकी योक्पु पावल दाङ तिमोथीगी दि यिहगी प्रुहएँॱराङ येहबा।
च्यिबेमाना दिगी तेहन्दालाराङ ख्याया़ला क़े क्याहप नाङग्यो यिहम्बा। मास्यीकागीॱआङ ख्याया़गी तेहन्दाला तुहक्पु खुर नाङसीन, ओहले ख्याया़गी तेहन्दाला पे च्यी़ तेन नाङसीन, ओ़ह सोङबे ख्याया़ मिहरोगी फेप-लाहमलाॱराङ डोएँ कोहएँ।
काह-ठि जेती मास्यीकागी राहङगी कुसोला तुहक्पु खुर नाङबा, ओ़ह ल़ेहमुराङ पेहती ख्याया़गीॱआङ ओ़ह ल़ेहमुराङ छ्याप्स्यीगी सेम्बाया़ थो़दोङ, च्यिबेमाना का़हन्दीगी ज़ुबुला तुहक्पु खुर्के, खोगी तिहक्पा पेहच्ये क्युर सिहन्ग्यो ओहङगे।
किन्ज्यो ङ्याम्बुराङ येह म़ेदी माएँ मिहगी मास्यीकाती ल़ेहमुराङ राहङगी डोलु-तेहलुया़ पेह कोहएँ।
