फिलिप्‍पी 2:26 - ह्योल्‍मो

²⁶ खोगी ख्‍याया़ला थू़ज्‍ये म़ेदी ज्‍यिबुराङ सेम्‍बा पेहती येहकें। खो ने़हदी येह माएँ लेहङगु ख्‍यागी थे़क्‍यो सोङबे खो ज्‍यिबुराङ तुहङाल लाहङग्‍यो येहकें।

फिलिप्‍पी 2:26 Iomraidhean Croise

मत्ती 11:28

ए तुहक्‍पु दाङ तुहङालगी पेहती थाङ छ्येक्‍योया़, ङाहसाला स्‍यो, ङाह ख्‍याया़ला थाङ सो च्‍य़ूएँ।

मत्ती 26:37

यिहॱनाङ पत्रुस दाङ जब्‍दियाकी पुह ङ्यी़लादी येशूगी राहङ ङ्याम्‍बुराङ नोम फेप नाङसीन। ओहले येशू ज्‍यिबुराङ थु ङ्युङदी छाबा-छुबे जे नाङसीन।

ल़ेह-पेन 21:13

ओहजेला पावलगी, “च्‍यिबे ख्‍यागी दि ल़ेहमु पेहती ङी़हदी ङाहगी सेम सुह क्‍याहप च्‍य़ूएँ? ङाह यरूशलेमला ताहम्‍ज्‍येज्‍यीराङ मिहम्‍बा, चो़वो येशूगी तेहन्‍दाला स्‍यि कोहॱनाङ स्‍यि ख़ूएँ” म़ेदी मासीन।

रोमी 1:11

च्‍यिबेमाना ख्‍याया़ला मास्‍यीकाला स्‍युक छ्यिम्‍बु ज़ोज्‍येला यिहक्‍तेन काबाप कोह ख़ूज्‍यु म़ेदी ङाहला ख्‍या ङ्याम्‍बु ज्‍यिबुराङ थू़ज्‍ये सेम क्‍ये़दी येहबा।

रोमी 12:15

क़ेहनाङ पेहकेनया़ ङ्याम्‍बु क़ेहनाङराङ पेहतोङ, ङुहएँया़ ङ्याम्‍बु ङी़हदोङ।

रोमी 9:2

इस्राएली आदा-नो़ह दाङ आज्‍यी-नुहमुया़की तेहन्‍दाला ङाहती सेम नाहङला ज्‍यिबुराङ तुहक्‍पु दाङ तुहङाल येहबा।

१ कोरिन्‍थी 12:26

का़हलेॱआङ ओङबु च्‍यी़ला तुहक्‍पु काहल्‍सीमाना ज़ुबुगी थाम्‍ज्‍यी ओङबुया़गी ङ्याम्‍बुराङ तुहक्‍पु खुर्के, ओहले ओङबु च्‍यी़गी ज़िज्‍यिद ज्‍योर्सीमाना थाम्‍ज्‍यीराङ ओङबुया़गी काहसो पेहकें।

२ कोरिन्‍थी 9:14

किन्‍ज्‍योती था़ म़ेहबा काटीन ख्‍या थो़ला येहकें सोङबे खुङगी ख्‍याया़गी तेहन्‍दाला ज्‍यिबुराङ चा़ पेहती सोल्‍वाङ ताप्‍के।

गलाती 6:2

तुहक्‍पु-तुहङालकी खुरुया़ खुर्च्‍येला च्‍यी़गी च्‍यी़ला रो़हराम पेहतोङ। दि ल़ेहमुराङ पेहती ख्‍यागी मास्‍यीकाकी छ्य़े-ठिम छाङबु पेहच्‍ये येह।

एफिसी 3:13

ओ़ह सोङबे ङाह ख्‍याया़ला ओहर-छ्य़े स्‍युहउ येह, ख्‍याया़गी तेहन्‍दाला ङाहगी तुहक्‍पु खुरक्‍यो थोङदी ख्‍याया़ सेम मा़हस्‍यी। दिनी ख्‍याया़लाॱराङ ख्‍येप्‍साङ ओहङगेन स़ेह यिहम्‍बा।

फिलिप्‍पी 1:3

नाहम-माना ख्‍याया़ला टेहम्‍बा साल्‍गेमु ङाह ङाहती किन्‍ज्‍योला थुज्‍यी-छ्ये़ फुल्‍गे।

फिलिप्‍पी 1:8

काह-ठि पेहती मास्‍यीका येशूकी निङज्‍यीगी पेहती ङाह ख्‍या थाम्‍ज्‍यीला टेहम्‍बा साल्‍गे माएँ तामला किन्‍ज्‍यो ङाहती पाङबु ज़्‍य़ू नाङदी येह।

फिलिप्‍पी 2:25

यिहॱनाङ ताहन्‍दादी ओहराङ नो़ह इपाफ्रोडिटसला ख्‍यासाला ताङ कोहच्‍ये ल़ेहमु ङाहगी थोङसीन। ङ्यिह फे़बे ङ्यी़गी ङ्याम्‍बुराङ ल़ेह पेहसीन ओहले या़हबु लेहङगु स्‍येकेन्‍गी ल़ेहलाॱआङ ङ्याम्‍बुराङ तुहक्‍पु पेहसीन। खो ख्‍यागी लेहङगुया़ फार छुर क्‍याल्‍ज्‍येला रो़हराम पेहकेन्‍की मिह यिहम्‍बा, ङाहला रो़हदी पेहच्‍येला ख्‍यागी खोला ङाहसाला ताङसीन।

फिलिप्‍पी 2:27

तेहम्‍बाराङ खो ज्‍यिबुराङ ने़हदी स्‍यिज्‍येॱराङ पेहती येहकें। यिहॱनाङ किन्‍ज्‍योगी खोला थुज्‍यी ज़ी़ नाङसीन। खोला च्‍यी़राङ मिहम्‍बा, यिहॱनाङ ङाहगी तुहङाल थो़ला लेहमेन तुहङाल खुर माहकोहज्‍यु म़ेदी किन्‍ज्‍योगी ङाहॱलाङ थुज्‍यी ज़ी़ नाङसीन।

फिलिप्‍पी 4:1

ओ़ह सोङबे ङाहगी च्‍याहम्‍बा पेहक्‍योकी आदा-नो़ह दाङ आज्‍यी-नुहमुया़, ख्‍या दि ल़ेहमुराङ पेहती चो़वोला थिक-चि पेहती तेहतोङ। ए ङाहगी रो़हया़ ङाह ख्‍याया़ला निङज्‍यी पेहकें, ङाहगी ख्‍याया़ला ज्‍यिबुराङ टेहम्‍बा साल्‍दी येहबा। ख्‍याया़राङ ङाहती सेम काहसो दाङ पेस्‍यो यिहम्‍बा।

१ पत्रुस 1:6

दि केच्‍याया़की तेहन्‍दाला ख्‍या काहसो पेहतोङ। यिहन्‍ज्‍येनी, ताहन्‍दा ख्‍याया़गी ङ्यिहमा ङ्युहङसेगी तेहन्‍दाला नामे-नाजोगी तुहक्‍पुया़ खुर के़हदी येहबा।