फिलिप्‍पी 2:11 - ह्योल्‍मो

¹¹ किन्‍ज्‍योकी ज़िज्‍यिदगी तेहन्‍दाला थाम्‍ज्‍यीगी येशू मास्‍यीकाॱराङ चो़वो यिहन म़ेदी खागी माज्‍ये येह।

फिलिप्‍पी 2:11 Iomraidhean Croise

मत्ती 10:32

“ओ़ह सोङबे सु सुगी ङाहला मिहया़गी दिनला ङाहगी चो़वो छ्येवा म़ेदी लोक पेहकें, खोला ङाहगीॱआङ स्‍यिहङगामला ज़्‍य़ू नाङगेन ङाहगी किन्‍ज्‍यो याहपकी दिनला खो ङाहदी यिहन म़ेदी लोक पेहच्‍ये येह।

लूका 2:11

तिहरीङ दाऊदगी क्‍येसा फायु बेथलेहेमला ख्‍याया़ला थार्पा थोप च्‍य़ू नाङगेन मास्‍यीका ठुङदी येह। ओ़ह स़ेबुराङ किन्‍ज्‍योगी ताङ नाङग्‍योकी चो़वो छ्येवा मास्‍यीका यिहन।

यूहन्‍ना 12:42

माहङबुराङ यहूदी गोबाया़गी येशूला यिह छ्य़ेसीन। यिहॱनाङ फरिसीया़गी ज्‍यी़सुगी पेहती खुङगी दि केच्‍या सुॱलाङ मा़हमे च्‍यिबेमाना लेहमेनगी दि ताम क्‍यी़ह ज़्‍योरक्‍यो यिहनानी खुङया़ला यहूदी छो़खाङले फिला तेन चाहङज्‍ये येहकें।

यूहन्‍ना 13:13

ख्‍याया़गी ङाहला लोबेन दाङ चो़वो म़ेदी माएँ, ओ़ह ख्‍यागी ठाबेराङ माक्‍यो यिहम्‍बा च्‍यिबेमाना ङाह ओ़हदीॱराङ यिहन।

यूहन्‍ना 13:14

ङाह ख्‍याया़गी चो़वो दाङ लोबेन यिहन्‍देॱआङ ङाहगी ख्‍याया़गी काङबा ठी़ तेर फान्‍ज्‍योनी ख्‍याया़गीॱआङ च्‍यी़गी च्‍यी़ला काङबा ठी़ तेर कोहएँ।

यूहन्‍ना 14:13

ख्‍याया़गी ङाहगी मिहनला च्‍यि लाङॱनाङ स़ेबु लाहमले याहपकी ज़िज्‍यिद ओहङज्‍यु म़ेदी ङाह ओ़ह पेहच्‍ये येह।

यूहन्‍ना 14:23

ओहले येशूगी खोला सुङ नाङसीन, “सुगी ङाहला चेवा पेहकें, खोगी ङाहती तामया़ ङ्यिहन्‍ज्‍ये येह, ओहले ङाहती याहपगी खोला चेवा जे नाङज्‍ये येह, ओहले ङ्यिह खोसाला ओहङज्‍ये येह, ओहले खो ङ्याम्‍बु तेहच्‍ये येह।

यूहन्‍ना 17:1

दि स्‍याहल सुङ छार फान्‍ज्‍यो येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ता़ह ती़हजी लेप सिहन्‍दी येह। राहङगी स़ेबुगी याहपदी ज़िज्‍यिद तेन ख़ूज्‍यु म़ेदी खोला ज़िज्‍यिद नाङदोङ।

यूहन्‍ना 20:28

थोमागी येशूला मासीन, “ओ़, ङाहती चो़वो दाङ ङाहती किन्‍ज्‍यो!”

यूहन्‍ना 9:22

यहूदीया़की ज्‍यी़सुगी पेहती खोती आबा-आमागी दि ल़ेहमु माक्‍यो येहकें। च्‍यिबेमाना सुगी येशूला थार्पा नाङगेन्‍गी क्‍याहल्‍बु मास्‍यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्‍याहप सिहन्‍दी येहकें।

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

ल़ेह-पेन 2:36

“ओ़ह सुङगोराङ इस्राएलगी मिह थाम्‍ज्‍यीगी दि ताम ङोह स्‍य़े कोहकें– ख्‍या फे़बेया़गी क्‍याहङस्‍यीङला च्‍याङदी सेक्‍योगी येशूलाॱराङ किन्‍ज्‍योगी चो़वो दाङ थार्पा नाङगेन मास्‍यीका ङ्यिकाराङ ज़ो नाङसीन।”

रोमी 14:11

च्‍यिबेमाना छ्य़ेला दि ल़ेहमु प्री़हदी येहबा, “चो़वोगी सुङ नाङगे, ‘ङाह सोम्‍बो येह, मिह थाम्‍ज्‍यी ङाहती दिनला पी़मु च़ूज्‍ये येह, ओहले थाम्‍ज्‍यीगी ङाहला किन्‍ज्‍यो म़ेदी त़ेरा तेच्‍या फुल्‍ज्‍ये येह’।”

रोमी 14:9

दिगी तेहन्‍दालाराङ मास्‍यीका टोहङ नाङसीन ओहले येहपाराङ सोम्‍बो ज़्‍याङ नाङसीन ओ़ह सोङबे मिहरो स्‍यिक्‍योया़ दाङ सोम्‍बोया़ ङ्यिकाराङकी चो़वो यिहम्‍बा।

रोमी 15:9

ओहले किन्‍ज्‍योगी जे नाङग्‍यो काटीनगी तेहन्‍दाला लेहमेन क्‍यिहपाकी मिहया़गी मिहरोला ज़िज्‍यिद फुल्‍ज्‍यु। छ्य़े-ठिमला दि ल़ेहमु प्री़हदी येहबा, “ओ़ह सोङबे ङाह लेहमेन क्‍यिहपाया़की पाहरक्‍यीला राहङला त़ेरा तेच्‍या फुल्‍गे, ओहले राहङगी छेनला छ्ये़-लु लेहन्‍गे।”

१ कोरिन्‍थी 12:3

ओ़ह सोङबे ख्‍याया़गी दि ताम ङोह स्‍ये़ज्‍यु माएँ ङाहगी सेम्‍बा येहबा, किन्‍ज्‍योगी थु लाहमले स्‍याहल सुङगे सुज्‍यीगीॱआङ येशूला मे़मु मेहक्‍याहप्‍कें, ओहले नाम्‍पार-ताहक्‍पा थु लाहमले च्‍यी़राङ “येशूॱराङ चो़वो यिहन” म़ेदी मा ख़ूएँ।

१ कोरिन्‍थी 15:47

तोहङस्‍यो आदम दि जाम्‍बुलीङगी सासागी ज़ोक्‍योगी मिह यिहम्‍बा, तिङस्‍यो आदमदी स्‍यिहङगामलेगी फेप नाङग्‍यो यिहम्‍बा।

१ कोरिन्‍थी 8:6

यिहॱनाङ ओहराङगी तेहन्‍दालानी किन्‍ज्‍यो याहप च्‍यी़राङ ज़्‍य़ू नाङदी येहबा। मिहरोगीॱराङ थाम्‍ज्‍यीराङ से़हया़ ज़ो नाङसीन। ङ्यिह किन्‍ज्‍योगी तेहन्‍दालाराङ थार्के। ङ्यिहती च्‍यिमे च्‍यी़राङ चो़वो येशू मास्‍यीका ज़्‍य़ू नाङदी येहबा। मिहरो लाहमलेॱराङ थाम्‍ज्‍यी से़हया़ छ्या़सीन। मिहरो लाहमलेॱराङ ङ्यिह थार्के यिहम्‍बा।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ यूहन्‍ना 4:15

येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

१ यूहन्‍ना 4:2

येशू मास्‍यीका मिहगी कुसोला फेप नाङसीन म़ेदी माएँ थुराङ किन्‍ज्‍योगी थु यिहम्‍बा। दि लाहमलेॱराङ ख्‍याया़गी किन्‍ज्‍योगी थुला ङोह स्‍य़े ख़ूज्‍ये येह।

२ यूहन्‍ना 1:7

“येशू मास्‍यीका मिहगी कुसो नोम्‍दे फेप माहनाङ” म़ेदी गो़ कोर्के मिहया़ माहङबुराङ जाम्‍बुलीङला ओहङ सिहन्‍दी येह। दि ल़ेहमु मिहया़राङ चिहन क्‍याहप्‍के दाङ मास्‍यीकाला टाह पेहकेनया़ यिहम्‍बा।

ज्‍याल्‍गा 3:5

का़हन्‍दीगी क्‍याहल्‍गे, खोगी दि ल़ेहमु काप्‍च्‍या कार्पु केहन्‍ज्‍ये येह ओहले खोगी मिहन ङाह मिहलीकी छ्य़ेलेगी नाहमॱआङ सेच्‍ये म़ेह। यिहॱनाङ खो ङाहती यिहन म़ेदी ङाहगी याहप दाङ मिहरोगी थाम्‍ज्‍यी स्‍यिहङगामकी स्‍याहप्‍च्‍यीया़गी दिनला लोक पेहच्‍ये येह।